මෙරට ජනතාවගෙන් හතරෙන් එකක් දිළිඳුභාවයෙන් පෙළෙන බව ග්රාමීය සංවර්ධන, සමාජ ආරක්ෂණ හා ප්රජා සවිබලගැන්වීම් අමාත්යාංශය පවසයි.
ඉන් සියයට 80ක පමණ පිරිසක් ග්රාමීයව ජීවත් වන බව විෂය භාර අමාත්ය උපාලි පන්නිල මහතා සඳහන් කළේය.
ඒ හේතුවෙන් ග්රාමීය දිළිඳුකම තුරන් කිරීමට ප්රථමයෙන් කළ යුතුය.
ඒ අනුව එක් එක් ග්රාම සේවා වසමට අදාළව දුප්පත්කමට හේතු හඳුනාගෙන ඒ අනුව ප්රජා සංවර්ධන සභා නියෝජිතයන් සියලු දෙනා එක්ව සංවර්ධන සැලසුම් සකස් කළ යුතු බව ද අමාත්යවරයා ප්රකාශ කළේය.
එමෙන්ම මේ වනවිට මැදපෙරදිග උද්ගතව ඇති යුදමය තත්වය හමුවේ ගෝලීය ආර්ථිකයට යම් බලපෑමක් එල්ලවී තිබේ.
පසුගිය මාස 15ක පමණ කාලය තුළ මෙරට ආර්ථිකය ශක්තිමත් කිරීම හේතුවෙන් අපට එම බලපෑම අවම කර ගැනීමට හැකියාව ලැබූ බව ඒ මහතා පැවසුවේය.
එසේ නොවුනානම් යළිත් පෝලිම් යුගයක් නිර්මාණය වන බව ද ග්රාමීය සංවර්ධන, සමාජ ආරක්ෂණ හා ප්රජා සවිබලගැන්වීම් අමාත්ය උපාලි පන්නිල මහතා වැඩිදුරටත් අවධාරණය කළේය.
