පුවත්

NDB බැංකු වංචාව, අතපසුවීම් සහ මූල්‍ය අධීක්ෂණයේ පද්ධතිමය දුර්වලතා පිළිබඳ සොයා බැලීමට ජාත්‍යන්තර ස්වාධීන වෝහාරික පරීක්ෂණයක් පවත්වන්නැයි දන්වමින් පාර්ලිමේන්තු මන්ත්‍රී රවී කරුණානායක කරුණු 05 මුල් කරගත් විශේෂ ලිපියක් ජනාධිපතිවරයාට ඉදිරිපත් කර තිබෙනවා.

පාර්ලිමේන්තු මන්ත්‍රී රවී කරුණානායක මහතා මෙම ලිපිය ජනපතිවරයාට ඉදිරිපත් කර ඇත්තේ ජාතික සංවර්ධන බැංකුව (NDB) සම්බන්ධයෙන් වාර්තා වී ඇති බරපතළ වංචාව පිළිබඳවත් ශ්‍රී ලංකා මහා බැංකුව ප්‍රධාන නියාමකයා ලෙස ප්‍රතිපත්තිය රෙගුලාසිවලට අනුකූල වීම සහ අවදානම් නිරීක්‍ෂණය යාන්ත්‍රණ සහතික කිරීමට අපොහොසත් වී ඇති බව පවසමිනි.

එම ලිපිය මගින් මන්ත්‍රීවරයා වැඩිදුරටත් පෙන්වා දී ඇත්තේ මෙම වංචනික ගනුදෙනු හේතුවෙන් රජයට ලැබිය යුතු බදු ආදායම් අහිමි වී ඇති අතර, එම පාඩුව කඩිනමින් ගණනය කර අයකර ගත යුතු බවයි.

මතු පළ වන්නේ රවී කරුණානායක විසින් ජනාධිපතිවරයා වෙත ඉදිරිපත් කරන ලද ලිපිය යි.