පුවත්

මහමග සිදුකරන උද්ඝෝෂණ මඟින් යුක්තිය පසිඳලීමේ ක්‍රියාවලියට බාධා නොකළ යුතු අතර, මාලිමා රජය ද අධිකරණ ක්‍රියාවලියට මැදිහත් නොවිය යුතු යැයි දිනන දකුණ සාමූහිකය සඳහන් කරයි.

එම සාමූහිකය මේ බව සඳහන් කරන්නේ මාධ්‍ය නිවේදනයක් නිකුත් කරමිනි.

පසුගිය කාලවකවානුව තුළ මෙරට සිදුවූ අභිරහස් සහ සැකකටයුතු මරණ මාලාව මෙන්ම, ඉන් අනතුරුව වත්මන් සමාජ දේශපාලනික තලයේ නිර්මාණය වෙමින් පවතින ප්‍රවණතා පිළිබඳව දිනන දකුණ සාමූහිකයේ බලවත් කනස්සල්ල පළ කර සිටින අතර, මේ පිළිබඳව සමස්ත සමාජයේම දැඩි අවධානය යොමු විය යුතු බව ද එම සාමූහිකය අවධාරණය කරයි.

රංග රාජපක්ෂ අභිරහස් ලෙස මිය යෑම මෙන් ම, කපිල චන්ද්‍රසේන ගේ මරණය ද, රටක් සහ සමාජයක් ලෙස දැඩි සැක සංකාවක් මතුකරන භයානක ප්‍රවණතාවක් බව ද එම නිවේදනයෙහි වැඩි දුරටත් සඳහන් වේ.

මතු පළ වන්නේ දිනන දකුණ සාමූහිකය විසින් නිකුත් කරන ලද සම්පූර්ණ නිවේදනය යි.