පුවත්

බන්ධනාගාර නිලධාරීන් ගේ ඝාතන පිළිබඳව කම්පාවෙන අතරේ ම සිරකරුවන් ගේ භාරකාරීත්වයේ වගවීම පවතින රජයක් අතින් සිරකරුවන් ගේ ජීවිත අහිමි කිරීමට එරෙහිව  දිනන දකුණ සාමූහිකය වර්තමාන රජයට දෝෂාරෝපණය කරයි.

දිනන දකුණ සාමූහිකය මේ බව සඳහන් කරන්නේ මාධ්‍ය නිවේදනයක් නිකුත් කරමිනි.

අනුර කුමාර ජනාධිපතිවරයා ගේ සමයේ සිදුවූ මීගමුවේ ඛේදවාචකය අමතක කරන්නේ නම් 2020 දී ගෝටාභය රාජපක්ෂ ජනාධිපතිවරයා ගේ පාලන සමයේ දී මහර බන්ධනාගාරය තුළ සිදුවූ අමානුෂික සිරකරු ඝාතන ද, 2012 දී මහින්ද රාජපක්ෂ ජනාධිපතිවරයා ගේ පාලන සමයෙහි දී වැලිකඩ බන්ධනාගාරය තුල සිදුවු අමානුෂික සිරකරු ඝාතන අපට අමතක කර දැමීමට සිදුවන්නේ යැයි එම නිවේදනයේ වැඩි දුරටත් සඳහන් වේ.

මතු පළ වන්නේ දිනන දකුණ සාමූහිකය විසින් නිකුත් කරන ලද සම්පූර්ණ නිවේදනය යි.