පුවත්

රජය විසින් යෝජනා කරනු ලැබ ඇති ආණ්ඩුක්‍රම ව්‍යවස්ථාවේ 107(5)වන වගන්තිය සඳහා වන සංශෝධන මගින් අපේක්ෂිත මූලික වෙනස්කම් පිළිබඳව ජනතාව ගේ කැමැත්ත විමසා බැලීම සඳහා, ආණ්ඩුක්‍රම ව්‍යවස්ථාවේ XIII වැනි පරිච්ඡේදයේ විධිවිධානවලට අනුව ජනමත විචාරණයක් පැවැත්වීම අත්‍යවශ්‍ය බව ජනතාවාදී ඒකාබද්ධ විපක්ෂය සඳහන් කරයි.

එම පක්ෂය මේ බව සඳහන් කරමින් ජනාධිපති අනුර කුමාර දිසානායක වෙත ලිපියක් යොමු කර ඇත.

ජනතාවගේ අධිකරණ බලය "පාර්ලිමේන්තුව විසින් ආණ්ඩුක්‍රම ව්‍යවස්ථාවෙන් සාදන ලදුව, පිහිටවනු ලැබූ හෝ පිළිගනු ලැබූ, නැතහොත් යම් ලේඛනගත නීතියකින් සාදන ලදුව, පිහිටුවනු ලැබූ අධිකරණ, විනිශ්චයාධිකරණ සහ ආයතන මගින් ක්‍රියාත්මක කළ යුත්තේ ය" යනුවෙන් ආණ්ඩුක්‍රම ව්‍යවස්ථාවේ 4(c) වගන්තියෙහි පැහැදිලිවම දක්වා ඇති බව ද ජනතාවාදී ඒකාබද්ධ විපක්ෂය එම ලිපියේ වැඩි දුරටත් සඳහන් කරයි.මතු පළ වන්නේ ජනතාවාදී ඒකාබද්ධ විපක්ෂය විසින් ජනාධිපති අනුර කුමාර දිසානායක වෙත යොමු කරන ලද සම්පූර්ණ ලිපිය යි.