පුවත්

ඉස්ලාම් දහමට අපහාසයක් සිදු කළේ යැයි චෝදනා කරමින් බොදු බල සේනා සංවිධානයේ ලේකම් පූජ්‍ය ගලගොඩඅත්තේ ඥානසාර හිමියන්ට එරෙහිව නීතිපතිවරයා විසින් ගොනුකර තිබෙන නඩුවක් අද කැඳවනු ලැබු අවස්ථාවේ දී හිමිනම අධිකරණය හමුවේ පෙනී නොසිටි බැවින් කොළඹ මහාධිකරණය වරෙන්තුවක් නිකුත් කලේය.

ඒ අනුව මහාධිකරණ විනිසුරු නියම කළේ හිමිනම අත්අඩංගුවට ගෙන අධිකරණයට ඉදිරිපත් කරන ලෙසයි.

මෙම නඩුකරය අද (30) කොළඹ මහාධිකරණ විනිසුරු බුද්ධික සී. රාගල ඉදිරියේ කැඳවනු ලැබුවා.

එම අවස්ථාවේදී විත්තිකාර ගලගොඩඅත්තේ ඥානසාර හිමියන් අධිකරණය හමුවේ පෙනී සිටියේ නැත.