විදෙස්

මෙරට සිනමා කර්මා­න්තය නඟා­සි­ටු­වීම සහ ප්‍රේක්ෂ­ක­යින් වර්ධ­නය කර­ගැ­නීම උදෙසා රට පුරා නව ප්‍රාදේශීය සිනමා ශාලා ඉදි­කි­රීමේ වැඩ­පි­ළි­වෙ­ළක් ජාතික චිත්‍ර­පට සංස්ථාව මගින් ක්‍රියා­ත්මක කිරී­මට සැල­සුම් කර ඇත.

මෙම වැඩසටහන ආරම්භ කරන්නේ වත්මන් රජයේ ‘පොහො­සත් රටක් – ලස්සන ජීවි­ත­යක්’ ජාතික ප්‍රති­ප­ත්ති­යට සම­ගා­මීව ය.

දේශීය සිනමා කර්මා­න්තය නව මග­කට යොමු­ක­ර­මින් ප්‍රේක්ෂ­ක­යින්ට උසස් සිනමා අත්දැ­කී­මක් සමීප කර­වීමේ ද අර­මුණ ඇතිව මෙය ක්‍රියා­ත්මක කිරී­මට නිය­මි­ත ය.

පෞද්ග­ලික අංශයේ දාය­ක­ත්ව­යෙන් ක්‍රියා­ත්මක කෙරෙන මෙම සිනමා ව්‍යාපෘ­තිය පිළි­බඳ මූලික සාක­ච්ඡාව ජාතික චිත්‍ර­පට සංස්ථාවේ සභා­පති සුදත් මහ­දි­වු­ල්වැව ගේ ප්‍රධා­න­ත්ව­යෙන් පසු­ගි­යදා එම සංස්ථා පරි­ශ්‍ර­යේ දී පැවැ­ත්විණි.

මෙම ව්‍යාපෘ­තිය යටතේ ඉදි­කි­රී­මට නිය­මිත සිය­ලුම සිනමා ශාලා ඉහල තාක්ෂ­ණ­යෙන් (High-Tech) සමන්විත වෙයි. ප්‍රේක්ෂ­ක­යන්ට උප­රිම සුව­ප­හ­සුව සැල­සෙන පරිදි ආසන 50ත් 100ත් අතර ධාරි­තා­ව­කින් යුක්තව මෙම සිනමා ශාලා නිර්මා­ණය කිරී­මට සැල­සුම් කර ඇත. නව සිනමා ශාලා ඉදි­කි­රීම සහ පව­තින සිනමා ශාලා නවී­ක­ර­ණය කිරීම සඳහා ව්‍යාපා­රික කණ්ඩා­යම් කිහි­ප­යක් ම මේ වන විටත් චිත්‍ර­පට සංස්ථාව සමග එක­ඟ­තා­ව­ලට පැමිණ ඇත. ඒ අනුව, නව සිනමා ශාලා ඉදි­ක­රන ප්‍රදේශ වන්නේ: ගෝන­විල, පන්නල, පිට­කෝට්ටේ, නාර­ම්මල සහ නිට්ට­ඹුව ය.

සිනමා ශාලා නවී­ක­ර­ණය කෙරෙන ප්‍රදේශ වන්නේ හැටන්, මොන­රා­ගල, ඇඹි­ලි­පි­ටිය සහ නුගේ­ගොඩ ප්‍රදේ­ශ­ව­ල ය. මෙහි දී පව­තින සිනමා ශාලා නව තාක්ෂ­ණය යොදා­ග­නි­මින් සම්පූ­ර්ණ­යෙන් ම නවීකරණය කිරී­මට නිය­මි­ත ය. මීට අම­ත­රව තවත් ප්‍රාදේ­ශීය නගර රැසක නව සිනමා ශාලා ඉදි­කි­රීම සඳහා ඉදි­රි­යේ දී ආයෝ­ජ­ක­යින් සම්බන්ධ කර ගැනී­මට නිය­මි­ත බවයි සුදත් මහදිවුල්වැව පැවසුවේ.

මෙම සාක­ච්ඡාව සඳහා ජාතික චිත්‍ර­පට සංස්ථාවේ සාමා­න්‍යා­ධි­කාරි රුවන් ප්‍රේම­වීර ඇතුළු නිල­ධා­රී කණ්ඩායමක් සහ ප්‍රාදේ­ශීය සිනමා ක්ෂේත්‍රයේ ආයෝ­ජ­න­යට කැමැත්ත පළ­කළ ප්‍රමුඛ පෙළේ ව්‍යාපාරිකයෝ 12 දෙනකු පමණ සහ­භාගි වී සිටි­යහ.

රොශෙල් ප්‍රනාන්දු