සෝමරත්න දිසානායක අධ්‍යක්ෂණය කල, රේණුකා බාලසූරිය නිෂ්පාදනය කල "සිරි රජ සිරි" චිත්‍රපටයේ ආන්දෝලනාත්මක චරිතයක් වූ සිරිමල් නොහොත් කිරිඉබ්බන්දෙනියේ මහරජතුමාගේ චරිතයට පන පොවන ලද කෝකිල පවන් ජයසූරිය “අවසන් නොවූ කතාව”කින් යලිත් කරලියට පැමිණ ඇත.
ඒ ඔහුගේ කුළුදුල් ගීත නිර්මාණය සමඟින්ය.
කෝකිල පවන් ජයසූරිය 2010 වසරේ චීනයේ පැවති 10වන ජාත්‍යන්තර ළමා චිත්‍රපට උළෙලේ " ලෝකයේ හොඳම ළමා නළුවා" ට හිමි ජාත්‍යන්තර 
සම්මානය හිමිකර ගත්තේය.
සිනමාව පමණක් නොව වේදිකා නාට්‍ය හා ටෙලි නාට්‍ය වලද රංනයෙන් දායක වී ශ්‍රී ලංකාවේ ප්‍රමුඛතම සම්මාන උළෙලවල් රැසකදී මොහු සම්ම්මානයට පාත්‍රවී ඇත.
මේ වන විට 21 වියේ පසුවන කෝකිල,"අවසන් නොවූ කතාව"හී නිර්මාණ දායකත්වය මුළුමනින්ම සිදුකර ඇත. ඒ ගායනය, ගේය පද මෙන්ම සිය කුළුඳුල් වීඩියෝ අධ්‍යක්ෂණය සිදුකරමින් ය.