ජනතා ප්‍රශ්නවලට පාර්ලිමේන්තුවෙන් කිසිම විසඳුමක් නොලැබෙන බැවින් මේ සතියේ විපක්ෂයේ සියලු පක්ෂ පාර්ලිමේන්තුව වර්ජනය කිරීමට තීරණය කර ඇතැයි ජාතික ජන බලවේගයේ නායක පාර්ලිමේන්තු මන්ත්‍රී අනුර දිසානායක පවසයි .
පාර්ලිමේන්තුවේදී අද (21) ප්‍රකාශයක් කරමින් ඔහු මේ බව පැවසීය .
රට ගොඩනගන හැටි ගැන වහාම පාර්ලිමේන්තුවට සැලැස්මක් ඉදිරිපත් කළ යුතුව තිබෙන බවද අනුර දිසානායක මන්ත්‍රීවරයා එහිදී පැවසීය .
මේ වන විට විපක්ෂ නායක සජිත් ප්‍රේමදාස ද තමන්ට බලය දෙන්න කියමින් , සතියක පාර්ලිමේන්තු වර්ජනයක් සහ විරෝධතාවක් ප්‍රකාශයට පත්කර ඇත.
