Language Switcher

V2025

පාර්ලිමේන්තුව වර්ජනය කිරීම : සජබ කිව්වෙත් නෑ : අපේ තීන්දුවකුත් නෑ - දයාසිරි

ශ්‍රී ලංකා නිදහස් පක්ෂය පාර්ලිමේන්තුව වර්ජනය කිරීමට තීන්දුවක් ගෙන නොමැති බව ශ්‍රීලනිප මහලේකම් දයාසිරි ජයසේකර ‘මව්රට’ වෙබ් අඩවියට විශේෂ ප්‍රකාශයක් කරමින් පවසා ඇත .

පාර්ලිමේන්තුව වර්ජනය කිරීම පිළිබදව සමගි ජන බලවේගය තම පක්ෂයට කිසිදු දැනුම්දීමක් කර නොතිබූ බවත්, එසේ කර තිබුණේ නම් ඊට සම්බන්ධ විය හැකිව තිබූ බවත්, තමන් ඒ බව විපක්ෂනායකවරයාගෙන් විමසා සිටි බවත් එහිදී ශ්‍රීලනිප මහ ලේකම් ,පාර්ලිමේන්තු මන්ත්‍රී දයාසිරි ජයසේකර ප්‍රකාශ කර ඇත .

පසුව ඒ සම්බන්ධයෙන් විපක්ෂනායකවරයා සජබ මහලේකම් රංජිත් මද්දුමබණ්ඩාරගෙන් විමසද්දී තමන්ට එය අතපසු වූ බව ඔහු කියා සිටි බවත් ශ්‍රීලනිප මහ ලේකම් පවසා ඇත .

මහලේකම්වරයාගේ එම අතපසුවීම හේතුවෙන් විපක්ෂනායකවරයා තමන්ට කනගාටුව ප්‍රකාශ කළ බවද දයාසිරි ජයසේකර මන්ත්‍රීවරයා එහිදී පවසා ඇත .

කෙ‌සේවෙතත් අද දිනයේ මන්ත්‍රී කණ්ඩායම් රැස්වීමක් කැදවා මේ පිළිබදව සාකච්ජා කරන බවද ශ්‍රීලනිප මහ ලේකම් මව්රට වෙත පවසා තිබේ.