ශ්‍රී ලංකාවට මේ වන විට අත්‍යවශ්‍ය වී ඇති පෙට්‍රල් සහ ඩීසල් සැපයුම කඩිනම් කර ගැනීම සඳහා අවශ්‍ය සෑම සහයෝගයක්ම ලබාදෙන බව ඉන්දීය ඛණිජතෙල් අමාත්‍ය හර්දීප් සිං පූරි පවසා ඇති බව ඉන්දීය මාධ්‍ය වාර්තා කරයි.
ඉන්දීය ඛනිජ තෙල් අමාත්‍යවරයා මේ බව පවසා ඇත්තේ ඉන්දියාවේ ශ්‍රී ලංකා මහ කොමසාරිස් මිලින්ද මොරගොඩ සමග පැවැති සාකච්ඡාවකදී බවත් එම මාධ්‍ය වාර්තා කර ඇත .
ඉන්ධන, ගෑස් සහ ඒ ආශ්‍රිත සැපයුම් අංශවලදී ශ්‍රී ලංකාවට හා ඉන්දියාවට දිගුකාලීන සබඳතා ඇති කර ගත හැකි ක්‍රම සම්බන්ධයෙන් ද ඉන්දීය ඛණිජතෙල් අමාත්‍ය හර්දීප් සිං පූරි සහ ඉන්දියාවේ ශ්‍රී ලංකා මහ කොමසාරිස් මිලින්ද මොරගොඩ දීර්ඝ වශයෙන් සාකච්ඡා කර ඇති බව ද ඉන්දීය මාධ්‍ය වාර්තා වැඩිදුරටත් වාර්තා කර ඇත .