ජ්‍යේෂ්ඨ නියෝජ්‍ය පොලිස්පති - (පරිපාලන) තනතුරේ රාජකාරී ආවරණය කිරීම සඳහා මධ්‍යම පළාත භාර ජ්‍යේෂ්ඨ නියෝජ්‍ය පොලිස්පති ලලිත් පතිනායක පත් කිරීමට ජාතික පොලිස් කොමිසම පියවර ගෙන ඇත.
පොලිස් කොමිසමේ සාමාජිකයින් අද (01) රැස්වී වහාම ක්‍රියාත්මක වනපරිදි නැවත දැනුම්දෙන තුරු ජ්‍යේෂ්ඨ නියෝජ්‍ය පොලිස්පති පරිපාලන තනතුරේ වැඩබැලීම සඳහා ලලිත් පතිනායක පත් කිරීමට පියවර ගත් බව පොලිස් කොමිසම පැවසීය.
නීතිපති උපදෙස් අනුව මෙම පත් කිරීම සිදුකර තිබේ.
මධ්‍යම පළාත් ජ්‍යේෂ්ඨ නියෝජ්‍ය පොලිස්පති ධුරයේ කටයුතු කරන ලලිත් පතිනායක එම ධුරයේ රාජකාරී කටයුතුවලට අමතරව මෙලෙස ජ්‍යේෂ්ඨ නියෝජ්‍ය පොලිස්පති ( පරිපාලන) තනතුරේ වැඩබැලීම සඳහා පත් කර ඇති බව ජාතික පොලිස් කොමිසම සඳහන් කළේය.