රජයේ සියළු ආයතන ප්‍රධානීන් හෙට (08) මැතිවරණ කොමිෂන් සභාව වෙත කැඳවා තිබේ.
රජයේ දේපළ භාවිත කිරීම සම්බන්ධයෙන් මැතිවරණ කොමිෂන් සභාව නිකුත් කර ඇති නියෝග ක්‍රියාත්මක කිරීම පිළිබඳව දැනුවත් කිරීම සඳහා ඔවුන් මෙසේ කැඳවන බව මැතිවරණ කොමිසම සභාවේ සභාපති ආනන්ද රත්නායක පැවසීය.
මැතිවරණ කටයුතු සඳහා රාජ්‍ය දේපළ යොදා ගැනීම මැතිවරණ නීතිය අනුව දඬුවම් ලැබිය හැකි වරදකි.
ඇතැම් රාජ්‍ය ආයතන මැතිවරණ නීතිය කඩ කරමින් දේපළ යොදා ගැනීම් කිහිපයක් පිළිබඳව තොරතුරු වාර්තා වී ඇතැයි මැතිවරණ කොමිෂන් සභා ආරංචි මාර්ග සඳහන් කළේය.
මේ අතර ඉදිරි පළාත් පාලන මැතිවරණයේ ආරක්ෂාව සම්බන්ධයෙන් පොලිස් නිලධාරීන් දැනුවත් කෙරෙන සාකච්ඡාවක්ද ඉදිරි දිනවල පැවැත්වීමට නියමිතය.