පුවත්

සිරි දළදා වන්දනාව අද දිනයෙන් අවසන්වීමට නියමිතයි.

පුරා දින 10ක් මහජනතාව වෙනුවෙන් මෙම ප්‍රදර්ශනය පැවැත්වීමට කටයුතු යොදා තිබූ අතර, දිවයිනේ නන් දෙසින් ලක්ෂ සංඛ්‍යාත පිරිසක් පැමිණ ඇත.

ඒ අනුව දළදා වන්දනාව අද පෙරවරුවේ සිට පස්වරුව දක්වා ඒ සඳහා සැදැහැවතුන්ට අවස්ථාව හිමි වෙයි.

සැලසුම් කළ පරිදි ‘සිරි දළදා වන්දනාව’ අද දිනෙන් අවසන් කිරීමට තීරණය කළ බව දියවඩන නිලමේ ප්‍රදීප් නිලංග දෑල මාධ්‍ය හමුවක් පවත්වමින් දැනුම්දී තිබුණි.

මහනුවර නගරය පිරිසිදු කිරීමේ විශේෂ වැඩපිළිවෙළක්, අද පස්වරුවේ ආරම්භ වෙයි.

මධ්‍යම පළාත් ප්‍රධාන ලේකම් අජිත් ප්‍රේමසිංහ  සඳහන් කළේ, පාර්ශ්ව රැසක දායකත්වයෙන් එම කටයුතු සිදු කෙරෙන බවයි.