ජාතික නිදහස් පෙරමුණේ නායක, හිටපු අමාත්‍ය විමල් වීරවංශ අපරාධ පරීක්ෂණ දෙපාර්තමේන්තුවට පැමිණ තිබේ.
ආනයනය කරන ලද බහාලුම් 323 අයත් වන්නේ එක්තරා පළාතක ආණ්ඩුකරයෙකුට යැයි හිටපු අමාත්‍ය විමල් වීරවංශ සිදුකළ ප්‍රකාශයක් සම්බන්ධයෙන් විමසීම සඳහා ඔහුව අපරාධ පරීක්ෂණ දෙපාර්තමේන්තුවටට කැඳවන ලදී.
ඒ අනුව, මෙම ප්‍රකාශය ඇතුළුව නිදහස් කරන ලද බහාලුම් සම්බන්ධව ලැබී ඇති පැමිණිල්ලකට අදාළව ඔහුගෙන් ප්‍රකාශ සටහන් කර ගැනීමට නියමිතය.
විමල් වීරවංශ ජනවාරි 29 වැනිදා මාධ්‍ය හමුවකදී කළ අදහස් දැක්වීමක් පිළිබඳ විමසීමට මෙසේ කැඳවා තිබුණු අතර බස්නාහිර පළාත් ආණ්ඩුකාර හනීෆ් යූසුෆ් මහතා තමාට සමාජ මාධ්‍යවලින් එල්ල වූ ප්‍රචාර සම්බන්ධයෙන් ජනවාරි 30 වැනිදා අපරාධ පරීක්ෂණ දෙපාර්තමේන්තුවට පැමිණිලි කර තිබුණි.
මීට අමතරව පාර්ශ්ව කිහිපයක්ම අදාල සිදුවීම පිළිබඳ පැමිණිලි කර තිබේ.