ලෝක වෙළෙඳපොලේ බොරතෙල් බැරලයක මිල ඩොලර් 98 ක් දක්වා පහළ ගොස් ඇති බව විදේශ මාධ්‍ය වාර්තා කරයි.
පසුගිය මාසයක පමණ කාලය තුළ බොරතෙල් බැරලයක මිල ඩොලර් 120 ට්ස් ආසන්න විය.
ඊට හේතුව ලෙස විදෙස් මාධ්‍ය වාර්තා කර තිබුණේ රුසියාව සහ යුක්රේනය අතර පවතින යුධමය තත්වය බවයි.
කෙසේ වුවත් මෙරට මූල්‍ය වෙළෙඳ පොළ විශ්ලේෂකයන් පවසන්නේ මෙරට ඉන්ධන මිල පහල යාමක් සිදුවනු ඇතැයි මේ මොහොතේ අපේක්ෂා කළ නොහැකි බවය.
හිටපු මුදල් අමාත්‍ය මංගල සමරවීර හඳුන්වා දුන් ඉන්ධන මිල සූත්‍රය ක්‍රියාත්මක වී නම් අනිවාර්යයෙන් මාසයේ මැද ඉන්ධන මිල පහල යාමක් සිදුවිය යුතුව තිබුණත්, වත්මන් ආණ්ඩුව බලයට පැමිණි සැනින් එය අවලංගු කළ බවත් ඔවුන් සිහිපත් කරයි.
