රිචඩ් පීරිස් සමාගම් සමූහයේ සභාපති කෝටිපති ව්‍යාපාරික ආචාර්ය සේන යද්දෙහිගේ ට එරෙහිව ශ්‍රී ලංකා සුරැකුම්පත් හා විනිමය කොමිසම විසින් කොළඹ මහේස්ත්‍රාත් අධිකරණයේ නඩුවක් ගොනු කර ඇති බව වාර්තා වෙයි.
ඒ රිචඩ් පීරිස් සමූහයේ අනුබද්ධ සමාගමක් වන කෑගල්ල වැවිලි සමාගම විසින් 2015 ජූලි මස 10 වැනි දින සමාගමේ එක් කොටසක් වෙනුවෙන් ප්‍රකාශයට පත් කරන ලද රු. 45.00 ක දැවැන්ත ලාභාංශය පදනම් කරගෙනය.
සුරැකුම්පත් කොමිසම සඳහන් කරන ආකාරයට මෙකී ලාභාංශ ප්‍රකාශයට පෙර ඊට ආසන්න දිනක දී කෑගල්ල වැවිලි සමාගමේ කොටස් මිල දී ගැනීමක් ආචාර්ය යද්දෙහිගේ මහතා විසින් සිදුකර ඇත.
ඒ අනුව මෙය කොටස් වෙළෙඳපොළ අභ්‍යන්තරික වෙළෙඳාම (Insider trading) ගණයට ලා ගැනෙන වැරැද්දක් බවද එම ආරංචිමාර්ග සඳහන් කරයි.
ආචාර්ය යද්දෙහිගේ ට අමතරව මෙම වරද සඳහා ඔහුට ආධාර හා අනුබල දීමේ චෝදනාව මත සුබ්‍රමනියම් තිනමානි නැමැත්තෙකුට ද මෙහිදී චෝදනා ගොනුකර තිබේ.