අද මට ටිකක් සනීප නෑ. උන හැදිලා . Long weekend එක එහෙම පිටින්ම ඉවරයි ඉතින් අසනීප උන නිසා ඇදේ තමයි ලෝන්ග් වීකෙන්ඩ් එක ගත කරන්න වෙන්නෙ. ඒ අස්සෙ මං දැක්කා මගෙ යාළුවා බුක් ෆෙයාර් ගිහින් ගෙනාපු පොත් අස්සෙ තිබ්බා, මේ දවස්වල වයිරල්‍ යන 'මුද්දරස්පලං' කියන පොත.
පිදුම ශ්‍රී ලංකා පොලීසියට...!
පිට කවරයේ යුරේනි ගෙ දුක්බර, කර්කශ, වේදනාත්මක හැගීම් සමුදායක් පිට කරන විදිහේ චිත්‍රයක් තිබ්බ නිසා මං හිතුව මේ කතාව රුසියන් නවකතාවක් වගේ ඇති කියලා. ගත්තා කියවන්න. මොකක්ද මේකෙ මෙච්චර රහ කියලා බලන්න. කසුන් ගෙ සීනි මුරුක්කුත් අම්බානක විකිණුනා කිවුවට මට ඒක කියවන්න තාම බැරි උණා. මේක තමයි මං කියවන කසුන් ගෙ පළවෙනි පොත.
පළවෙනි පිටු දෙක පෙරළද්දි ම කවියකින් ලියලා තිබ්බේ අර අතුරුගිරිය පොලිසියෙ සීන් එක. ඊට පස්සෙ කවි ටික පොලීසියෙ හොඳ අයට කියලා ලියලා පිදුම ශ්‍රී ලංකා පොලීසියට. ඉතින් කමක් නෑ උගෙ වේදනාව නෙ කියලා මං ඉතුරු පිටු ටිකත් පෙරලලා කියවන්න ගත්තා..
පටන් ගත්තෙ රෝස් පානුයි කකුළුවො හොද්දකිනුයි. එයාගෙ අක්කා රෝස් පාන් ගෙනල්ලා , අම්මා කකුළුවො හොදි හදලා. ඉතින් එයා රෝස්පාන් දෙකක්ම කාලා. කසුන් හරි. රෝස් පානුයි කකුළුවො හොද්දයි රසයි තමයි, හරි අවුලක් නෑ.
පලවෙනි චැප්ටර් එකම කසුන් රෝස් පාන් කාපු එක ගැන මං කියෙවුවා.
අනවශ්‍ය කියවිල්ලක්
ඊළඟට ආවා දෙවෙනි චැප්ටර් එක. ගෙදර කෝපි ඉවර වෙලා කසුන් කඩෙ යනවා කෝපි පැකට් එකක් ගේන්න.
"අඩෝ අයිඩී එක ගනින් , තොපි රට කාපු වේ#^* ගෙ පුත්තු"
අනික් පිටුවෙ පොලිස් ත්‍රීවීල් එකක්.
මං, ආහ්හ් ආයිත් අතුරුගිරියෙ පොලීසියෙ සීන් එක.
කසුන් කඩෙ යනවා කෝපි පැකට් එකක් ගේන්න, පිටු දෙකක විතර. ඊට පස්සෙ කඩේ ඉඳන් පොලීසියෙන් අල්ලන්.. පොතේ හැටියට කසුන් හරිම සංසුන් විදිහට හැසිරිලා තියෙන්නෙ. මේ පොලිස් කාරයොන්ටත් පිස්සු නෙහ්... මෙච්චර සංසුන් මිනිහෙක්ට එච්චර දස වධ දීලා පොලීසියට කුදලං ගිහින් තියෙන්නෙ. කොහොම උනත් මං මෙ පොත කියවන්න ගත්තෙ කසුන් ව එදා අතුරුගිරිය පොලීසියෙන් අරන් ගියෙ ඇයි? මොකටද කියලා දැනගන්න නෙමෙයි. මං හිතනවා පොතක් කියවන්න ගත්ත මනුස්සයෙක් ට මේක අනවශ්‍ය කියවිල්ලක් කියලා.
අඳෝනා කියවන්න 1850/- ක්...?
එච්චරයි කියෙවුවෙ. පොත වහලා තිබ්බ තැනින්ම තිබ්බා. ආයි නම් කසුන්ගෙ මුද්දරස්පලං තියා රටකජු, පුහුල් දෝසි, ගුලාබ් ජමූන්, බොම්බෙ මොටයි තියා රයිස් & කරි කියලා පොතක් ආවත් කියවන්න හිතෙන්නැති වෙන්නම ෆස්‍ට් ඉම්ප්‍රෙශන් එක කුඩු පට්ටම් වෙලා ගියා.
පොත වහලා , පොතෙ ගාන බැලුවා. රු 1850/- ක්.
ගෙදර කෝපි ඉවර වෙලා කෝපි ගේන්න කඩේට ගියපු කසුන්ව අතුරුගිරිය පොලීසියට අරන් ගියපු සීන් එකයි, මාධවී කිරි දරුවා වඩන් පොලීසියට දුවන් ආපු එකයි, එච්චර සංසුන් අහිංක විදිහට කතා කරපු මාධවීට පොලීසියෙ එවුන් අම්බානක නරක වචනෙන් බැනපුවයි, ජැක්සන් ඇන්තනී පොරක් ද කියලා ඇහුවා කියලා කියන අදෝනායි, මාධවීගෙ අදෝනායි සල්ලි දීලා කියවනවට වඩා ලේසියි කසුන් ගෙ ගේ හොයන් ගිහින් මාසෙ බඩු ලිස්ට් එක අරන් දීලා එන එක. එතකොට ආයි චුට්ට චුට්ට බඩු ගන්න කඩෙට යන්න ඕන්නෑනෙ.
පිටකවරෙට රැවටෙන මිනිස්සු
ඒත් මං කල්පනා කරේ දැන් ඔය සීන් එකට මේ යුරේනි ගෙ දුක්බර් කර්කශ වේදනාව පාදක වෙන්නෙ කොහොම ද කියලා. පිට කවරෙ තියෙන්නෙ එහෙම නෙ අතුරුගිරිය පොලීසිය යුරේනිට මක් කරා ද? සන්ජීව් ලෝන්ලියෙස් හරි... අපි පිටකවරෙට රැවටෙන මිනිස්සු. හරි... මං කියන්න ගියේ... උඹලා සල්ලි දීලා කසුන් ගෙ අදෝනා කියවන එකේ මං මෙ බුකියෙ ලියන හෑල්ලක් කියෙවුව ම මොකද ආයි. හෑලි ලියනවා ගගා ආයි මට කියවන්නෙපා හරිද... කසුන් කොපි ගේන්න කඩෙට ගිහින් පොලීසියෙන් කුදලන් ගියපු අදෝනාව, මුද්දරස්පලං කියලා පබ්ලිශ් කරලා ඒකට 1850ක මිලකුත් ගැහුවා නම්, මං ලියන කතා, මේ බුකියෙ උඩ පල්ලෙහා යන උඹලට කියවන්න බැරිද ආහ්?
මුල් අයිතිය - RuiRui
උපුටා ගත්තේ Rasika Abeywickrama ගේ Face book පිටුවෙන්