කොළඹ මහ නගරසභා සීමාව තුළ කොරෝනා තත්වය තවදුරටත් මහජන සෞඛ්‍ය පරීක්ෂකවරුන්ට පාලනය කළහැකි මට්ටමක නොපවතින බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ මහතා පවසයි.
සංචරණ සීමා පනවා ඇති ප්‍රදේශවල විවෘත කර ඇති රාජ්‍ය හා පෞද්ගලික ආයතන තුළින් කොවිඩ් නයින්ටීන් ආසාදිතයින් වාර්තා වීමේ වැඩි අවධානමක් ඇති බවත් අදාළ ආයතන තවදුරටත් පවත්වාගෙන යාම හේතුවෙන් එම ප්‍රදේශ තුළ යළිත් අවදානම් තත්ත්වයක් නිර්මාණය වි ඇති බවත් ඔහු පවසයි.
"කොළඹ මහනගර සීමාව තවදුරටත් මහජන සෞඛ්‍ය පරීක්ෂකවරුන්ට පාලන කළහැකි මට්ටමක ආසාදනය පවතින්නෙ නෑ. මේ වෙද්දි විශාල වශයෙන් රෝගීන් වාර්තා වෙනවා. අපි දැඩි පරිශ්‍රමයක් යොදමින් ඉන්නවා පාලනය කරගැනීම සඳහා" යනුවෙනුයි ඒ මහතා සඳහන් කළේය.
උපුල් රෝහණ මහතා මේ බව පැවසුවේ ඊයේ (28) දිනයේදී මාධ්‍ය වෙත අදහස් දක්වමිනි.
