Language Switcher

V2025

ඩලසුත් ශ්‍රීලනිප, විමල් ලයින් එකට !

කිසිදු විදේශීය රටකට මෙරටට එල් එන් ජී සැපයීමේ ඒකාධිකාරිය ලබාදිය යුතු නැති බව ජනමාධ්‍ය අමාත්‍ය ඩලස් අලහප්පෙරුම පවසා ඇත.

තමන්ගේ ස්ථාවරය පැහැදිලිවම කැබිනට් මණ්ඩලයේ දී දැනුම් දුන් බවත් , රටක ස්වාභාවිකව ද්‍රවකෘත වායු සැපයීමේ ඒකාධිකාරය වෙනත් රටකට පැවරිය යුතු නැති බව තම ස්ථාවරය වන බවත් සඳහන් කරන මේ පුවත වාර්තා කර ඇත්තේ ආණ්ඩු හිතවාදී වෙබ් අඩවියක් වන ලීඩ් නිව්ස් ය.

එම පුවත වැඩිදුරටත් සඳහන් කරන්නේ ඉදිරි පාර්ලිමේන්තු සතියේ දී මේ සම්බන්ධව මුදල් අමාත්‍යාංශයටත් විදුලිබල අමාත්‍යාංශයටත් කරුණු ඉදිරිපත් කර දැනුවත් කිරීම සිදුකරන බවත් අමාත්‍යවරයා පවසා සිටි බවත්ය.

ජනාධිපතිවරයා සමග මේ සම්බන්ධයෙන් සාකච්ඡා කිරීමට ආණ්ඩුවේ සහෝදර පක්ෂ කිහිපයක් බලාපොරොත්තුවෙන් සිටින බව අමාත්‍යවරයා පවසා සිටි බවත් එම පුවතෙහි සඳහන් වෙයි.

මේ වන විට ශ්‍රී ලංකා නිදහස් පක්ෂය , ජාතික නිදහස් පෙරමුණ, කොමියුනිස්ට් පක්ෂය ඇතුළු ආණ්ඩුවේ සන්ධානගත පක්ෂ රැසක් මේ ස්ථාවරය දරයි.