රාජපක්ෂ පාලන සමයේ සුදු වෑන් යොදාගෙන පැහැර ගැනීම් සිදුකළ බව එම රජයේ අමාත්‍යවරයෙකුව සිටි ශ්‍රී ලංකා පොදුජන පෙරමුණේ ගම්පහ දිස්ත්‍රික් නායක, පාර්ලිමේන්තු මන්ත්‍රී ප්‍රසන්න රණතුංග පවසයි.
ගම්පහ උඩුගම්පොළ ප්‍රදේශයේ පැවති උත්සවයකින් අනතුරුව මාධ්‍ය වෙත අඳහස් දක්වමින් ඒ මහතා මේ බව සඳහන් කළේය.
වර්තමාන රජය බලයට පත්වන විටම පාතාලය ආරම්භ වූ බවත් රාජපක්ෂ පාලනය යටතේ සුදුවෑන් යොදාගෙන පාතාලය මර්ධනය කර තිබූ බවත් මන්ත්‍රීවරයා වැඩිදුරටත් පැවසීය.
එසේ මර්ධනය කරන විට මානව හිමිකම් ආරක්ෂා කිරීම යටතේ පෙනී සිටිමින් පාතාලය ආරක්ෂා කළේත වර්තමාන ආණ්ඩුවේ ඇමතිවරුන් විසින් බව ද ප්‍රසන්න රණතුංග මන්ත්‍රීවරයා පැවසීය.
එසේම මේ වනවිට එල්ලා විනාශ කිරීමට උත්සාහ කරන පාතාලය එදා සුදුවෑන් යොදාගෙන විනාශ කළ බවද ඔහු පැවසීය.