Language Switcher

V2025

ඕස්ට්‍රේලියාවේ කැන්බරා අගනගරයත් වසයි !

කොරෝනා වෛරසයේ ව්‍යාප්තිය සැළකිල්ලට ගෙන ඕස්ට්‍රේලියාවේ කැන්බරා අගනුවර වසා දැමීමට එහි බලධාරීන් තීරණය කර තිබෙන බව විදෙස් මාධ්‍ය වාර්තා කරයි.

ඊට අනුව ඕස්ට්‍රේලියාවේ වේලාවෙන් අද (12) පස්වරු 5.00 සිට සතියක කාලයකට බලපැවැත්වෙන පරිදි කැන්බරා නගරය වසා දැමීමට තීන්දුකර ඇත.

විදෙස් මාධ්‍ය වාර්තා අනුව මෙම තීන්දුව සමඟ ලක්ෂ 04 ක පමණ ජනතාවට සිය නිවෙස් තුලට වී සිටීමට සිදුවන අතර පිටතට යාමට අවස්ථාව හිමිවනු ඇත්තේ, අත්‍යවශ්‍ය කටයුත්තක් සඳහා පමණි.

වැඩිදුරටත් වාර්තා වන ආකාරයට එරෙට බලධාරීන් මෙලෙස අගනුවර වසා දමන්නේ කොරෝනා වෛරසය ආසාදනය වූ එක් පුද්ගලයෙකු හමුවීමත් සමඟය. මෙසේ කැන්බරා නගරයෙන් ආසාදිතයකු වාර්තා වී ඇත්තේ වසරකට පමණ පසුව බවත් අදාළ වාර්තා වල සඳහන් වෙයි.

ඔස්ට්‍රේලියාවද මේ වන විට කොරෝනා ඩෙල්ටා ප්‍රභේදය ව්‍යාප්තවීම පාලනය කිරීමට උත්සාහ ගනිමින් සිටින අතර මේ වන විටත් එරට සිඩ්නි සහ මෙල්බර්න් යන නගර වසා ඇති බවත් විදෙස් මාධ්‍ය වාර්තා වල සඳහන් වෙයි.