බි‍්‍රතාන්‍යයේ සිටින චීන තානාපතිවරයාට, බි‍්‍රතාන්‍ය පාර්ලිමේන්තුවේ පැවති උත්සවයක් සදහා සහභාගී වීමේ අවස්ථාව, බි‍්‍රතාන්‍ය රජය විසින් වළක්වා තිබේ.
ඊට හේතුව වී ඇත්තේ, චීනයේ මානව හිමිකම් උල්ලංඝනය වීම් සම්බන්ධයෙන් කතා කළ බි‍්‍රතාන්‍ය මහජන නියෝජිතයන් කිහිප දෙනෙකුට චීනය විසින් සම්බාධක පනවා තිබීමයි.
සිංජියෑන් පලාතේ ජීවත්වන උයිගර් ජනප‍්‍රජාවන් [විශේෂයෙන්ම මුස්ලිම්වරු] ඉලක්ක කර ගනිමින් චීනය විසින් වාර්ගික සංහාරයක් දියත් කර තිබෙන බවට සී ජිං පින් ගේ නායකත්වයෙන් යුතු චීන රජයට දැඩි විවේචන එල්ල වී තිබේ.
මේ සම්බන්ධයෙන් චීනය විවේචනය කළ බි‍්‍රතාන්‍ය පාර්ලිමේන්තු මන්ත‍්‍රීවරු සහ මානව හිමිකම් කි‍්‍රයාධරයන් කිහිප දෙනෙකුට චීනයට ඇතුළු වීම තහනම් කර තිබේ.
එසේ තිබියදී, බි‍්‍රතාන්‍යයේ චීන තානාපතිවරයාට – බි‍්‍රතාන්‍ය පාර්ලිමේන්තුවට පැමිණීමට ඉඩ දිය නොහැකි බවයි බි‍්‍රතාන්‍ය පවසා ඇත