ප්‍රමිතියෙන් අඩු සූර්ය පැනල (Solar Panels) ගැන අවධානමක් !

*පාරිභෝගිකයින් රැවටන ආයතන වලින් පරිස්සම් වන්න!

*විශ්වාසනීය නොවන කුඩා සෝලා ආයතන නිසා පාරිභෝගිකයින්ට අසාධාරණයක්!

මෑතක සිට දිවයින පුරා හතු පිපෙන්නාක් මෙන් කුඩා හා විශ්වාසනීය නොවන සූර්ය පැනල (Solar) සවිකිරීමේ ආයතන බිහිවී ඇත. මෙම ආයතන බොහොමයක් පාරිභෝගිකයින් අඩු මුදලට පොළඹවා ගනිමින්, ප්‍රමිතියෙන් තොර සහ අඩු ගුණාත්මක සූර්ය පැනල පද්ධති අලෙවි කිරීමේ බරපතල තත්වයක් වාර්තා වේ.

මෙම අවිශ්වාසනීය ව්‍යාපාර වල ප්‍රධාන උපක්‍රමය වන්නේ අතිශය අඩු මිල ගණන් ඉදිරිපත් කිරීමයි. පාරිභෝගිකයින්ට මෙම අඩු මිල ගණන් ඉතා ආකර්ශනීය වුවද, එමඟින් ලැබෙන පද්ධතිවල ගුණාත්මකභාවය සහ කල්පැවැත්ම බරපතල ප්‍රශ්න ඇති කරයි.

අවුරුදු 2-3 කින් වැසී යාමේ අවදානම:

ප්‍රමිතියෙන් තොර නිෂ්පාදන සහ අකාර්යක්ෂම කළමනාකරණය හේතුවෙන් මෙම කුඩා ව්‍යාපාර බොහොමයක් වසර දෙක තුනක් වැනි කෙටි කාලයක් තුළ වැසී යාමේ වැඩි අවදානමක් පවතී.

මෙවැනි ආයතන වැසී ගිය පසු, ඔවුන්ගෙන් සෝලා පද්ධති ලබාගත් පාරිභෝගිකයින්ට සිදුවන්නේ අසාධාරණයකි. ඔවුන්ට වගකීම් කාලය (Warranty) සහ පසුව සපයන සේවාව (After-Sales Service) සම්පූර්ණයෙන්ම අහිමි වී යයි. පද්ධතියේ දෝෂයක් ඇති වූ විට සහාය ලබා ගැනීමට කිසිවකු නොමැති තත්ත්වයට පත්වේ.

කීර්තිමත් හා ප්‍රමිතියෙන් උසස් සෝලා ආයතන, පාරිභෝගිකයාගේ දිගුකාලීන සුරක්ෂිතභාවය වෙනුවෙන් කැපවී සිටී. ඔවුන් සාමාන්‍යයෙන් වසර 20 ක් හෝ ඊට වැඩි කාලයක් සඳහා පද්ධති වගකීමක් ලබා දෙයි. එම දීර්ඝ වගකීම් කාලය පුරාම උසස් තත්ත්වයේ අඛණ්ඩ සේවාවක් සහ නඩත්තු සහායක් ලබා දීමට ඔවුන් බැඳී සිටී.

මෙවැනි ආයතන වසර ගණනාවක් තිස්සේ කර්මාන්තයේ රැඳී සිටින බැවින්, ඔවුන්ගේ සේවාවන් කඩිනමින් අහිමි වීමේ අවදානම අවම වේ.

පාරිභෝගිකයින් වශයෙන් ඔබ, කූඨ ආයතනවල අඩු මිලට රැවටීමෙන් තොරව, පද්ධතියේ ගුණාත්මකභාවය, ආයතනයේ විශ්වාසනීයත්වය සහ ඔවුන් ලබා දෙන වගකීම් කාලය හා පසුව සපයන සේවාව පිළිබඳව හොඳින් සොයා බලා තීරණයක් ගන්නා ලෙස අපි තරයේ ඉල්ලා සිටිමු.

ඔබගේ ආයෝජනය ආරක්ෂා කර ගැනීම සඳහා, ප්‍රමිතියෙන් උසස්, දීර්ඝ කාලීන වගකීමක් සහිත ආයතන තෝරා ගන්න!