චිත්‍ර කතා ශෛලියෙන් යුගයක් පිනැවූ 'බලංගොඩ සරත්මධු' ඊයේ (17) අභාවප්‍රාප්ත වී ඇති අතර මිය යන විට ඔහු 69 වැනි වියේ පසු වී ඇත.
'නිව්රෝ' වීරකතාවෙන් මෙන්ම 'දේදුනු කැලුම්' , 'ඉතිං ඊට පස්සේ' ඇතුළු චිත්‍ර කතා රැසකින් ඉමහත් ජනාදරයට පාත්‍රවූ ඔහු ජනතාව අතර බලංගොඩ සරත්මධු නම් අන්වර්ථ නාමයෙන් පෙනී සිටියත් ඔහුගේ සත්‍ය නම දොරවල මද්දලාගේ සරත් බැද්දගේ විය. වෘත්තියෙන් විද්‍යා ගුරුවරයෙකු වූ නිසාම ඔහු කෙතරම් ජනප්‍රිය වුවත් තම නමින් පමණක් නොව ජායාරූප සඳහාද පෙනී සිට නැත.
ඒ රහක් ඇති මිනිසාගේ මිනිසාගේ දේහය අංක 154/8, නාමල් උයන, නාවින්න පරණ පාර, මහරගම දරණ නිවසේ තැන්පත් කර ඇති අතර අවසන් කටයුතු ලබන සදුදා (20) පස්වරු 3.00ට නුගේගොඩ උඩහමුල්ල පොදු සුසාන භූමියේදී සිදු කෙරෙන බව දැනගන්නට ඇත.
පහත දැක්වෙන්නේ සුමිත් චාමින්ද සහෝදරයා විසින් සරත් මධු සම්බන්ධව තැබූ කාව්‍ය සංකල්පනාවකි.
සරත් මධු ට..,
චිත්‍ර කතාවක් නොවුනාට ජීවිතේ
නැද්ද සැරිසරා ඒ සොඳුරු හීනයේ සද්ද නොකර නුඹ නොකියාම ගිය වෙලේ සත්තමයි කඳුළු මේ බලන් ඇස් දෙකේ!
හිතින් පෙම් කරපු කාලයක් වෙන්නැතී හැඟුම් තවම වියලී මැකී ගියෙ නැතී අඳීවිද නැතිව ආදරේ ඔය හැටි සිඹින්නට හිතෙයි ඒ බොකුටු කෙස් වැටි
නෙතින් ඉනූ සිතුවම් කැළුම් විහිඳුනී අපිත් ඉපදුනේ ඒ සිතුවමිනි සකී යළිත් දකීවිද දේදුණු පැහැති නදී ''ඉතිං ඊට පස්සේ'' ඈත රටකදී
-සුමිත් චාමින්ද 17/08/2018