ඕස්ට්රේලියාවේ ඇති ඉහළ ම රාජ්ය ගෞරව සම්මාන උළෙල වන (The Order of Australia) ගෞරව සම්මාන උළෙල සෑම වසරක දී ම ඕස්ට්රේලියානු දිනයට සමගාමිව පැවැත් වේ.
මෙය සංවිධානය කරනු ලබන්නේ ඕස්ට්රේලියානු විධානය (The Order of Australia) සහ අග්රාණ්ඩුකාරවර කාර්යාලය නමැති සංවිධානය යි.
මෙවර 2026 Medal of the Order of Australia OAM ගෞරව සම්මානයට පාත්ර වූයේ ප්රකට ශ්රී ලාංකීය සමාජ සේවකයෙක් වන සෑම් අතුකෝරාළ ය.
OAM, බහු සංස්කෘතික ප්රජාවට කළ විශිෂ්ට සේවය වෙනුවෙන් 2026 ඕස්ට්රේලියානු දින ගෞරව සම්මාන උළෙලේදී ඇගයීමට ලක් වූ ෂෙපර්ටන් සහ දිස්ත්රික් ඉන්කෝපරේෂන් ජනවාර්ගික කවුන්සිලයේ ප්රධාන විධායක නිලධාරී සෑම් අතුකෝරල
මතු පළ වන්නේ සෑම් අතුකෝරල වෙත ලැබුණු සම්මාන සහ පිළිගැනීම් ප්රමාණය යි.
*වික්ටෝරියානු බහු සංස්කෘතික ගෞරව නාමාවලිය, 2022
*AFL ප්රජා මාසයේ තානාපති, ඕස්ට්රේලියානු පාපන්දු ලීගය, 2020 ජුනි
*වසරේ පුරවැසියා, මහා ෂෙපර්ටන්, 2019
*වසරේ පුරවැසියා, ෂෙපර්ටන්, 2019
*පොලිස් ප්රජා ආදර්ශමත් සම්මානය, විශිෂ්ටත්වය සඳහා වික්ටෝරියානු බහු සංස්කෘතික සම්මාන, 2018
*වසරේ ප්රජා තානාපති, ඕස්ට්රේලියා ක්රිකට්, 2018
*සේවය සඳහා ස්වේච්ඡා ශූරතා සම්මානය, වික්ටෝරියානු ප්රිමියර්, 2017
*වසරේ ප්රජා තානාපති, ක්රිකට් වික්ටෝරියා, 2017-2018
*විවිධත්ව ප්රජා තානාපති ක්රීඩා සාධාරණ සම්මානය, ඕස්ට්රේලියානු පාපන්දු ලීගය, 2017
*තානාපති සම්මානය, විශිෂ්ටත්වය සඳහා වික්ටෝරියානු බහු සංස්කෘතික සම්මාන, 2016
*වසරේ පිරිමි ස්වේච්ඡා සේවකයා, මහා ෂෙපර්ටන්, 2016
*රන් සම්මානය, සෙරන්ඩිබ් සම්මාන, ඕස්ට්රේලියාවේ ශ්රී ලාංකික ප්රජාව, 2016
*බහු සංස්කෘතික තානාපති, කලාපීය, ඕස්ට්රේලියානු පාපන්දු ලීගය, 2015
වසර ගණනාවක් සිඩ්නි සහ මෙල්බර්න් හි ජීවත් වන සෑම් අතුකෝරල, ඔහු ගේ බිරිඳ සහ දරු දෙදෙනා සමග.
මතු දැක්වෙන්නේ SBS සිංහල සේවය සෑම් අතුකෝරාළ සමග පැවැත්වූ විශේෂ සාකච්ඡාවේ දී ඔහු දැක්වූ අදහස්.
''2000 වසරෙ දි මම ඕස්ට්රේලියාවට ආවේ ජාත්යන්තර ශිෂ්යයෙක් විදිහට. ඒ කාලේ විවිධ රටවලින් ආව ශිෂ්යයෝ මුහුණ දෙන ගැටලුවලට ස්වේච්ඡාවෙන් උදව් කළා. ඒක තමා මගේ සමාජ සේවා ජීවිතයේ ආරම්භය. මම හිතාගෙන හිටියේ මේ රටට ආවා ම ජාත්යන්තර ශිෂ්යයෝ තමයි ගොඩක් ම දුක් විදින්නේ කියලා. හැබැයි සරණාගතයෝ විදිහට මේ රටට එන ප්රජාව කොයි තරම් නම් දුෂ්කරතාවලට මුහුණ දෙනවා ද කියලා දැන ගත්තා ම ඒ අය වෙනුවෙන් වැඩි වැඩියෙන් උදව් කරන්න මං පෙලඹුණා.''
