එළඹෙන ජනවාරි මාසයේ ශ්රී පාද වන්දනාවේ පැමිණීමෙන් වැළකී සිටින ලෙස නුවරඑළිය දිස්ත්රික් කොරෝනා මර්ධන කමිටුව ජනතාවගෙන් ඉල්ලා සිටින බව වාර්තා වෙයි.
රජයේ ප්රවෘත්ති දෙපාර්තමේතුව හරහා නිවේදනයක් නිකුත් කරමින් නුවරඑළිය දිස්ත්රික් ලේකම් එම්.බී.ආර් පුෂ්පකුමාර සඳහන් කර ඇත්තේ, වසංගත තත්ත්වය හමුවේ නුවරඑළිය දිස්ත්රික්කයේ හැටන් වතු ආශ්රිත ප්රදේශවල වෛරසය පැතිරයාමේ දැඩි අවධානමක් පවතින බවය.
ඇතැම් ප්රදේශ සඳහා සෞඛ්ය හා ආරක්ෂක අංශ මැදිහත්වී සංචරණ සීමා පැනවීම ද සිදුකර තිබේ.
එම තත්ත්වය සැලකිල්ලට ගැනීමේ දී සෞඛ්ය මාර්ගෝපදේශවලට අනුව අදාළ අවසරය ලබා ශ්රී පාද වන්දනාවේ පැමිණිය ද පවතින අවධානම පහව නොයන බව දිස්ත්රික් කොරෝනා මර්දන කමිටුව අවධාරණය කරයි.
අද (23) දිනය තුළ කොවිඩ් ආසාදිතයින් 348 දෙනෙක් හඳුනාගෙන ඇත.
ඒ අනුව මෙරට සමස්ත ආසාදිතයින් ගණන, 38,407ක් දක්වා ඉහළ ගොස් තිබේ.
අද වාර්තා වු ආසාදිතයින්ගෙන් 276ක් මීට පෙර වාර්තා වු ආසාදිතයින්ගේ ආශ්රිතයින් වන අතර සෙසු ආසාදිතයින් 72ක බන්ධනාගාර කොවිඩ් පොකුරට අදාළව වාර්තා වෙයි.
