නිරෝධායන නීතිවලට අනුගතව අවම ජන සහභාගීත්වයකට යටත්ව සියලුම බැංකු, ගනුදෙනුකරුවන්ට විවෘතව තබන්නැයි මහ බැංකුව විසින් දැනුම් දී තිබේ.
ඒ අනුව මූල්‍ය කටයුතු සදහා, භාණ්ඩාගාර මෙහෙයුම් කටයුතු සදහා, නිෂ්කාශන කටයුතු සදහා, විශ්‍රාම වැටුප් හා වැටුප් ගෙවීම සදහා, විශේෂ මැදිහත්වීම් සහ විශේෂ කටයුතු සදහා බැංකු ශාඛාවකට උපරිමය 15 දෙනෙකුට සීමාවන ලෙස ගණුදෙනු සිදු කරන ලෙසද මහ බැංකුව විසින් නිකුත් කරන ලද චක්‍රලේඛයක් මගින් දැනුවත් කර ඇත.
ඒ අනුව, සියලු බැංකු ප්‍රධානීන්ට චක්‍රලේඛයක් නිකුත් කර ඇති බව මහ බැංකුව පවසයි.