මහේල ජයවර්ධන ශ්රී ලංකා ජාතික ක්රිකට් කණ්ඩායමේ ‘පුහුණු උපදේශකවරයා ලෙස පත්කර ඇති බව ශ්රී ලංකා ක්රිකට් ආයතනය පවසයි.
නිවේදනයක් නිකුත් කරමින් ශ්රි ලංකා ක්රිකට් ආයතනය පැවසුවේ, අදාළ කොන්ත්රාත්තුව ජනවාරි මස 01 වැනි දා සිට වසරක් බවයි.
මෙහිදී ජාතික කණ්ඩායමේ පුහුණුකරුවන්ට සහයෝගය දක්වමින්, ඉදිරි වසරේ දී සැලසුම් සකස් කිරීම හා අවශ්ය උපදෙස් ලබා දීම මහේලගේ කාර්ය වනු ඇති.
ශ්රී ලංකා ජාතික කණ්ඩායම සමගින් කටයුතු කිරීමට හැකි වීම සම්බන්ධයෙන් මහේල සතුට පළ කර ඇති අතර, ඔහුගේ සේවය ලබා ගැනීමට හැකි වීම සම්බන්ධයෙන් ශ්රී ලංකා ක්රිකට් ආයතනය ද සතුට පළ කර තිබේ.
