ශ්‍රී ලංකාවේ වත්මන් තත්ත්වය පිළිබඳ ඉන්දීය පාර්ලිමේන්තු උපදේශක කාරක සභාවේ සාමාජිකයින්ගේ ප්‍රධානත්වයෙන් විශේෂ සාකච්ඡාවක් පවත්වා තිබෙන බව වාර්තා වෙයි .
ට්විටර් පණිවිඩයක් නිකුත් කරමින් ඉන්දීය විදේශ අමාත්‍ය ආචාර්ය එස් ජයශංකර් සඳහන් කරන්නේ ශ්‍රී ලංකාව මුහුණ පා සිටින අර්බුදකාරී තත්ත්වය සම්බන්ධයෙන් සහ ඒ හමුවේ ඉන්දියාව සතු කාර්යභාරය පිළිබඳව ධනාත්මක වාතාවරණයක් තුළ සාර්ථක සාකච්ඡාවක් පැවැති බවයි.
මෙම දුෂ්කර අවස්ථාවේදී අසල්වැසි ශ්‍රී ලංකාව සමඟ නැගී සිටීම සඳහා සහයෝගයෙන් කටයුතු කිරීමට පාර්ලිමේන්තු උපදේශක කාරක සභාව ඒකමතිකව එකග වූ බවත් ඉන්දීය විදේශ කටයුතු අමාත්‍යවරයා නිකුත් කළ ට්විටර් පණිවිඩයේ වැඩිදුරටත් දැක්වෙයි.