Language Switcher

V2025

ශ්‍රීලනිප නායක සිහිනය : දයාසිරි ගෙර් කටින් පනියි !

ශ්‍රී ලංකා නිදහස් පක්ෂය ශක්තිමත් කර ප්‍රතිසංවිධානය කරමින් සිටියදී ඇතැමුන් පක්ශ නායකත්වයට දයාසිරි ජයසේකර පත්වීමේ වැයමක් ඇති බවට බිය වී ඇතැයි එම පක්ෂයේ මහ ලේකම් පාර්ලිමේන්තු මන්ත්‍රී දයාසිරි ජයසේකර පවසයි .

නමුත් තමන් කිසිම අවස්ථාවක නායකයාගේ කකුලෙන් ඇද කටුව ගසන අයකු නොවන බවද ඔහු සඳහන් කරයි.

අද වන විට ශ්‍රී ලංකා නිදහස් පක්ෂයේ ඇතිව තිබෙන මතබේදයට ප්‍රධාන හේතුවක් වූයේ පෞද්ගලික මට්ටමෙන් ඊර්ෂ්‍යාව හා වෛරය බවද ඔහු පවසයි .

නියපොත්තෙන් කඩා දැමිය හැකිව තිබූ දේ අවසානයේ පොරොවෙන් කපන තැනට වර්ධනය වූ නමුත් මේ වන විට කුණු කන්දල් පක්ෂයෙන් ඉවත් කර ඇති බවද ශ්‍රීලනිප මහ ලේකම් තවදුරටත් කියා සිටියේය.

කෙසේ වුවත් මේ සම්බන්ධයෙන් අදහස් දක්වමින් ශ්‍රීලනිප ජ්‍යේෂ්ඨයකු සඳහන් කර සිටියේ , දයාසිරිගේ බොක්කේ තිබූ දේ කටින් පැන ඇති බවය.

ඉතා සූක්ෂම ආකාරයට පක්ෂයේ ජ්‍යේෂ්ඨයන් එකිනෙකා ඉවත් කරමින්, අසාර්ථක නායකයා වන සිරිසේන හිටපු ජනාධිපති ගේ කීකරු ගෝලයාගේ භුමිකාවට දයාසිරි පණපොවන බවත් , ශ්‍රීලනිප ඉතිහාසයේ සිටි අසාර්ථකම සභාපති සහ මහ ලේකම් ලෙස මේ දෙබෑයන් පක්ෂය කනත්ත වෙත ගෙනයමින් සිටින බවත් ඔහු පැවසීය .