ගෘහස්ථ ගෑස් සිලින්ඩර 90,000ක ප්‍රමාණයක් අද(12) සිට වෙළෙඳපොළට නිකුත් කිරීමට සැලසුම් කර ඇතැයි ලිට්රෝ සමාගම සඳහන් කර සිටියි.
ලිට්රෝ ගෑස් සමාගමේ සභාපති මුදිත පීරිස් පවසන්නේ ඊයේ (11) දිනයේ අත්‍යාවශ්‍ය සේවා සඳහා පමණක් ගෑස් සිලින්ඩර නිකුත් කළ බවයි.
ගෑස් මෙට්‍රික් ටොන් තුන්දහස් අටසියක තොගයක් රැගත් නෞකාවක් ඊයේ රාත්‍රීයේ දිවයිනට ළඟාවූ බවත් හෙට(13) තවත් ගෑස් නෞකාවක් දිවයිනට ළඟා වීමට නියමිත බවත් ලිට්රෝ සභාපතිවරයා සඳහන් කරයි.
ඒ අනුව එළඹෙන උත්සව සමය වෙනුවෙන් හිඟයකින් තොරව ගෑස් ලබා දීමට තම සමාගම සූදානම් බවත් ඒ වෙනුවෙන් ඇනවුම් කර ඇති ගෑස් ප්‍රමාණය මෙට්‍රික් ටොන් 34000 ක් බවත් සභාපති මුදිත පීරිස් වැඩිදුරටත් පවසයි.