නාමල් රාජපක්ෂ මන්ත්‍රීවරයා ගේ විවාහ මංගල්‍ය සඳහා ලංකා විදුලිබල මණ්ඩලය දුන් විදුලි වෙනුවෙන් ගෙවීමට තිබූ රුපියල් ලක්‍ෂ 26 කට අධික හිඟව තිබූ මුදල තමන් අද (02) ගෙවූ බව රාජ්‍ය අමාත්‍ය සනත් නිශාන්ත සඳහන් කරයි.
ඔහු මේ බව සඳහන් කර සිටියේ කොළඹ පිහිටි ලංකා විදුලිබල මණ්ඩලයේ ප්‍රධාන කාර්යාලයට අදාළ මුදල ගෙවීමෙන් පසුව මාධ්‍ය වෙත අදහස් දක්වමින් ය.
මෙම මුදල ගෙවා සිටියේ තම පෞද්ගලික මුදලින් බවත් රාජ්‍ය අමාත්‍යවරයා සඳහන් කළේය .
ඒ අනුව රාජ්‍ය අමාත්‍ය සනත් නිශාන්ත විසින් නාමල් රාජපක්ෂ මන්ත්‍රීවරයා වෙනුවෙන් ගෙවනු ලැබූ මුදල රුපියල් 2,682,246.57 කි.