සෞඛ්‍ය සේවාවේ වෛද්‍යවරුන් හැර සියලුම සේවකයන් එළැඹෙන අඟහරුවාදා ( 16) දීපව්‍යාප්ත වැඩවර්ජනයක නිරත වීමට අතුරු වෛද්‍ය සේවා ඒකාබද්ධ පෙරමුණ තීරණය කර තිබේ.
වෘත්තීය සමිති 27ක් මෙම වර්ජනය සදහා එක් වන බව එම පෙරමුණේ සභාපති උපුල් රෝහණ සඳහන් කරයි.
මේ අතර, සෞඛ්‍ය සේවක වර්ජනය හේතුවෙන් පෙරේදා (11) දිනයේ කොළඹ ජාතික රෝහලේ රෝගීන් සඳහා රාත්‍රී ආහාර වේල ලබාදීමේ දී මධ්‍යම රාත්‍රිය අසන්න වූ බව එම රෝහලේ නියෝජ්‍ය අධ්‍යක්ෂ වෛද්‍ය රුක්ෂාන් බෙල්ලන පැවසීය.
මේ සම්බන්ධයෙන් අදහස් දක්වමින් විචාරකයන් පවසන්නේ වෛද්‍යවරුන් සහ සෙසු සෞඛ්‍ය කාර්‍ය මණ්ඩල අතර ඇති බෙදීම හමුවේ රෝගී ජනතාව ප්‍රාණ ඇපයට නොගත යුතු බවය.
එය අමානුෂික තත්ත්වයක් බවත් එබැවින් වෘත්තීය ඉල්ලීම් ඉදිරිපත් කිරීමේදී තම වෘත්තීය භාවය ගැන වැඩි අවධානයක් යොමුකළ යුතු බවත් ඔවුන් පවසයි .