අනුරාධපුර ශික්ෂණ රෝහලේ විශේෂඥ වෛද්‍යවරියක් ලෙස පුහුණු වන වෛද්‍යවරියක සිය නිල නිවාසය තුළදී අතවර කළ බවට සැක පුද්ගලයා මේ වනවිට අත්අඩංගුවට ගෙන ඇත.
මෙම පුද්ගලයා ගල්නෑවේ දී අත්අඩංගුවට ගෙන ඇති බව මහජන ආරක්ෂක අමාත්‍ය ආනන්ද විජේපාල පාර්ලිමේන්තුවේ දී ප්‍රකාශ කළේය.
කිරිබණ්ඩලාගේ නිලන්ත මධුරංග රත්නායක නොහොත් කිරිබණ්ඩලාගේ නිලන්ත මධුර රත්නායක වන සැකකරු ගල්නෑව, නවනගරය ප්‍රදේශයේ පදිංචිකරුවෙකි.
අදාළ සැකකරු වෙනත් නඩුවක් සම්බන්ධයෙන් රක්ෂිත බන්ධනාගාරගතව සිට පෙරේදා දිනයේ නිදහස ලබා පැමිණ ඇතැයි ද වාර්තා වේ.
34 හැවිරිදි අදාළ සැකකරු චීවරධාරියෙකු ලෙස ද සිට ඇතැයි ද හෙළිව තිබේ.
යුද හමුදා සේවයෙන් පළා ගොස් සිට ඇති අතර සැකකරුව ගල්නෑව විශේෂ පොලිස් කණ්ඩායමක් විසින් අත්අඩංගුවට ගෙන තිබුණි.
අදාළ සැකකරු වෛද්‍යවරියව දූෂණය කිරීමෙන් අනතුරුව ඇයේ දුරකථන දෙකෙන් එකක් රැගෙන පළා ගොස් තිබූ අතර, එනෙක් දුරකථනයෙන් නැතිවූ දුරකථනය තිබෙන ස්ථානය පිළිබඳ ලද සංඥා අනුව පොලීසිය වැඩිදුර විමර්ශන සිදුකර ඇත.
එහිදී අවුකන දුම්රිය පොළ ආසන්නයෙන් දුරකථන සංඥා නැවතී තිබීම හේතුවෙන් පොලීසිය විසින් එම ප්‍රදේශයේ සෝදිසි මෙහෙමුම් තිව්‍ර කර ඇත.
එහිදී අදාළ සැකකරු ගල්නෑව, එළබදුගම ප්‍රදේශයේ සැඟව සිටිය දී ගල්නෑව පොලීසියේ විශේෂ කණ්ඩායමක් විසින් සොයාගැනීමට සමත්ව තිබේ.
අනුරාධපුර ශික්ෂණ රෝහලේ සිදුවූ අවාසනාවන්ත සිද්ධියට සම්බන්ධ වෛද්‍යවරියගේ අනන්‍යතාවය හෙළි කිරීමෙන් වැළකී ඇයගේ පෞද්ගලිකත්වය ආරක්ෂා කරන ලෙස ඉල්ලා සිටින බව සෞඛ්‍ය හා ජනමාධ්‍ය ඇමැති නලින්ද ජයතිස්ස මහතා සියලුම මුද්‍රිත සහ ඩිජිටල් මාධ්‍යයන්ගෙන් ඉල්ලා සිටි.
සිය සමාජ මාධ්‍ය ගිණුමේ පණිවුඩයක් තබමින් අමාත්‍යවරයා ඒ බව ඉල්ලා තිබේ. සිද්ධියට අදාළ සැකකරුවන් හඳුනා ගැනීම සඳහා මේ වන විට විශේෂ පොලිස් කණ්ඩායම් පහක් යොදවා ඇති බවද ඊයේ පාර්ලිමේන්තුවේදී හෙළිදරව් විය.
වෛද්‍යවරියගේ අනන්‍යතාවය හෙළි නොකරන්නැයි ඉල්ලීමක්
අනුරාධපුර ශික්ෂණ රෝහලේ සිදුවූ අවාසනාවන්ත සිද්ධියට සම්බන්ධ වෛද්‍යවරියගේ අනන්‍යතාවය හෙළි කිරීමෙන් වැළකී ඇයගේ පෞද්ගලිකත්වය ආරක්ෂා කරන ලෙස ඉල්ලා සිටින බව සෞඛ්‍ය හා ජනමාධ්‍ය ඇමැති නලින්ද ජයතිස්ස සියලුම මුද්‍රිත සහ ඩිජිටල් මාධ්‍යයන්ගෙන් ඉල්ලා සිටි.
සිය සමාජ මාධ්‍ය ගිණුමේ පණිවුඩයක් තබමින් අමාත්‍යවරයා ඒ බව ඉල්ලා තිබේ. සිද්ධියට අදාළ සැකකරුවන් හඳුනා ගැනීම සඳහා මේ වන විට විශේෂ පොලිස් කණ්ඩායම් පහක් යොදවා ඇති බවද ඊයේ පාර්ලිමේන්තුවේදී හෙළිදරව් විය.
