යාපනය, පලෙයිතීව් දූපතේ පැවැත්වෙන වාර්ෂික මංගල්යය සඳහා බැතිමතුන් රැගෙන යමින් තිබූ බෝට්ටුවක් අද (06) පෙරවරුවේ ගුරුනගර් ජැටිය ආසන්නයේදී පෙරළී යාමෙන් පුද්ගලයින් දෙදෙනෙකු ජීවිතක්ෂයට පත්ව තිබේ.
අනතුර සිදුවන අවස්ථාවේදී එහි බැතිමතුන් 25 දෙනෙකු ගමන් කර ඇති අතර, ඉන් පස් දෙනෙකු බේරා ගැනීමට සහන කණ්ඩායම් සමත් වී ඇත. රෝහල් ආරංචි මාර්ග සඳහන් කරන්නේ ප්රතිකාර සඳහා ඇතුළත් කළ තිදෙනෙකුගේ තත්ත්වය බරපතළ බවයි.
පුද්ගලයින් 02ක් මියගොස් ඇති අතර 15 දෙනෙකු තවමත් අතුරුදන්ව ඇත.
ශ්රී ලංකා නාවික හමුදාව, පොලිසිය සහ ප්රදේශයේ ධීවරයින් එක්ව අතුරුදන් වූවන් සෙවීමේ මෙහෙයුම් අඛණ්ඩව සිදුකරයි.
ධීවර හා ජලජ සම්පත් අමාත්ය රාමලිංගම් චන්ද්රසේකර් විසින් මෙම අනතුර පිළිබඳව වහාම විමර්ශනයක් පවත්වන ලෙස බලධාරීන්ට උපදෙස් දී ඇත. බෝට්ටුවේ ධාරිතාව ඉක්මවා මගීන් ප්රවාහනය කළේද යන්න සහ ආරක්ෂිත විධිවිධාන අනුගමනය කර ඇත්ද යන්න පිළිබඳව මෙහිදී විශේෂ අවධානය යොමු කෙරේ.
මූලාශ්ර
Two dead, several missing after boat capsizes at Gurunagar Jetty, Jaffna
