මාතර ස්වර්ණභාරණ වෙළෙඳසලක් කොල්ල කෑමට පැමිණ පොලිස් නිලධාරියෙකු ඝාතනය කළ වෙඩි තැබීමේ සිද්ධියට සම්බන්ධ ප්රධාන සැකකරු මිට සුළු මොහොතකට පෙර මාතර ප්රදේශයේදී අත්අඩංගුවට ගත් බව පොලිස් මාධ්ය ප්රකාශක කාර්යාලය පවසයි.
මෙම සැකකරු චාමර ඉන්ද්රජිත් නමැති වේයන්ගොඩ ප්රදේශයේ පදිංචි පුද්ගලයෙකු බව මුලික පොලිස් පරීක්ෂණ වලින් අනාවරණය වී ඇති බවද එහි සඳහන් ඇත.
මෙහිදී කොල්ලකරුවන් සහ පොලීසිය අතර සිදුවු වෙඩි හුවමාරුවකින් පොලිස් නිලධාරීන් තිදෙනකු ඇතුළු පස්දෙනකු තුවාල ලබා ඇති බවත් වාර්තා වන අතර කොල්ලකරුවන් පැමිණි යතුරුපැදි දෙකක් හා ගිනි අවියක්ද මේ වන විට පොලීසිය අත්අඩංගුවට ගෙන තිබේ.
කොල්ල කල්ලිය පුද්ගලයින් අට දෙනකුගෙන් පමණ සමන්විත ඔවුන් පැන යද්දී පොලීසිය ලුහු බැද ඇති අතර මාතර දුම්රියපොල පාර, ගාලු පාර ඇතුළු මාර්ග හතරක දී ඔවුන් පොලීසියට වෙඩි ප්රහාර එල්ල කර ඇත. ඔවුන් සියළු දෙනා සතුව ගිනි අවි තිබු බවද පොලීසිය සඳහන් කරයි.
