2015 ජනවරම පාවාදීමට එරෙහිව සාධාරණ සමාජයක් වෙනුවෙන් වූ ජනතා ව්‍යාපාරය අග්‍රාමාත්‍යවරයාට සහය පලකරන බව වාර්තා වෙයි.
සාධාරණ සමාජයක් වෙනුවෙන් වූ ජනතා ව්‍යාපාරයේ විධායක සභාව රැස්ව අද (27) මෙම තීරණය ගෙන ඇත.
ජනාධිපති මෛත්‍රීපාල සිරිසේන බලයට ගෙන ඒම සඳහා ඉමහත් කැපවීමෙන් කටයුතු කළ මාදුළුවාවේ සෝභිත හිමියන් ජීවත් සිටියදී මෙන්ම උන්වහන්සේගේ දේහයටත් අත තබා විධායක ජනාධිපති ධුරය අවසන් කරන බවට ප්‍රසිද්ධියේ සපථ කළ සිරිසේන ජනාධිපතිවරයා නැවතත් ජනාධිපතිවීමේ සිහිනය වෙනුවෙන් ද්‍රෝහී තීන්දුවක් ගෙන තිබීම සම්බන්ධව එහිදී දැඩිව අවධාරණය වූ බවද දැනගන්නට ඇත.
තමන්ව බලයට ගෙන ඒම වෙනුවෙන් අතිමහත් කැපවීමක් කළ සෝභිත හිමියන්ගේ දේහයට පවා අගෞරව කළ සිරිසේන ජනාධිපතිවරයාගේ මේ ක්‍රියාව අඛණ්ඩව ජනතාව හමුවට ගෙනයාම සම්බන්ධවද එහිදී සාකච්ඡා කර ඇත.
