ඉදිරි ජනාධිපතිවරණයේදී ශ්රී ලංකා පොදුජන පෙරමුණ විසින් ඉදිරිපත් කරන අපේක්ෂකයා සම්බන්ධයෙන් වැරදි තීන්දුවක් මහින්ද රාජපක්ෂ මහතා විසින් නොගනු ඇතැයි තමන් විශ්වාස කරන බව පොදුජන තරුණ පෙරමුණ පවසයි.
පොදුජන තරුණ පෙරමුණ පැවැත්වූ මාධ්‍ය හමුවකදී මෙම අදහස් දැක්වුණු අතර ඊට සහභාගී වූ පාර්ලිමේන්තු මන්ත්‍රී සනත් නිශාන්ත සඳහන් කර සිටියේ යම් හෙයකින් මහින්ද රාජපක්ෂ මහතා ජනාධිපති අපේක්ෂකයා සම්බන්ධයෙන් වැරදි තීන්දුවක් ගතහොත් එම තීන්දුව සමග එකග නොවන බවය.
කෙසේ වුවත් දේශපාලන ආරංචිමාර්ග සඳහන් කර සිටින්නේ එළඹෙන ජනාධිපතිවරණය සඳහා ජනාධිපති සිරිසේනට අපේක්ෂකත්වය ලබාදීමට මහින්ද රාජපක්ෂ පොරොන්දුවක් ලබාදී ඇති බවය.