Language Switcher

V2025

විධායක මට්ටමේ රාජ්‍ය නිලධාරීන්ට : උසස් අධ්‍යාපනයට ජපන් ශිෂ්‍යත්ව !

ජපාන රජය ශ්‍රී ලංකාවේ විධායක මට්ටමේ රාජ්‍ය නිලධාරීන්ට සිය අධ්‍යයන කටයුතු කරගෙන යාම සඳහා මාස්ටර්ස් උපාධි 150 ක් සහ ආචාර්ය උපාධි පාඨමාලා ශිෂ්‍යත්ව 4 ක් ලබා දී තිබේ.

2010 දී දියත් කරන ලද මානව සම්පත් සංවර්ධන ශිෂ්‍යත්ව වැඩසටහන සඳහා ජපන් ප්‍රදාන ආධාර (JDS) යටතේ මෙම ශිෂ්‍යත්ව ප්‍රදානය කරන බව මුදල් අමාත්‍යාංශය පවසයි.

මෙම වැඩසටහනට ජපාන සහ ශ්‍රී ලාංකික රජයන් සහ ජපාන ජාත්‍යන්තර සහයෝගිතා ඒජන්සිය සම්බන්ධ වේ.

මාධ්‍ය නිවේදනයක් නිකුත් කරමින් මුදල් අමාත්‍යාංශය සඳහන් කළේ මෙම ව්‍යාපෘතියේ තෙවන අදියර සඳහා රුපියල් මිලියන 420 ක ප්‍රදානයක් ලබා දීමට ජපාන රජය එකඟ වී ඇති බවයි.

ව්‍යාපෘතිය තුන්වන අදියර 2018 සිට 2021 දක්වා දීර්ඝ කිරීමට පෙර පළමු හා දෙවන අදියර පිළිවෙලින් 2010 – 2013 සහ 2014 – 2017 දක්වා ක්‍රියාත්මක විය.

මෙම අවස්ථාව ලබා දෙන නිලධාරීන් තෝරා ගැනීමේ ක්‍රියාවලිය මේ වන විටත් අවසන් කර ඇති අතර පළමු කණ්ඩායමේ අධ්‍යයන කටයුතු සැප්තැම්බර් මාසයේ ආරම්භ කිරීමට නියමිතය.

මුදල් අමාත්‍යාංශයට අනුව, ශාස්ත්‍රපති (මාස්ටර්ස්) සහ ආචාර්ය උපාධි පාඨමාලා සඳහා කොටස් 15කි. වසරකට කොටස් දෙක බැගින් බෙදා වෙන් කර තිබේ.

මෙම ව්‍යාපෘතියේ තුන්වන අදියර සඳහා වන ගිවිසුමට මුදල් අමාත්‍යංශයේ ලේකම් ආර්.එච්.එස්. සමරතුංග, ශ්‍රී ලංකාවේ ජපාන තානාපති අකිරා සූරියගම සහ ජයිකා හි ප්‍රධාන නියෝජිත ෆුසැටෝ තනාකා අත්සන් තබා ඇත.

Leave your comments

Post comment as a guest

0
Your comments are subjected to administrator's moderation.
terms and condition.
  • No comments found