තමන්ගේ ආණ්ඩුවකින් රටේ ජාතික ආරක්ෂාව පාර්ලිමේන්තු මන්ත්‍රී ෆීල්ඩ් මාෂල් සරත් ෆොන්සේකාට භාර දෙන බව ජනාධිපති අපේක්ෂක සජිත් ප්‍රේමදාස පවසයි.
ගෝල්ෆේස් පිටියේ අද (10) පැවැත්වුණු ජන රැළිය අමතමින් ඔහු මේ බව පැවැසීය.
"ජාතික ආරක්ෂාව තහවුරු කරන්නට නම් ජාතික ආරක්ෂාවේ වගකීම දෙන්න ඕන සෝබන කාරයන්ට නෙමෙයි රණවිරුවන්ගේ කරපිටින් ආපු සරත් ෆොන්සේකා මහතාට ජාතික ආරක්ෂාවේ ඉහළම වගකීම භාර දෙනවා." යනුවෙන් ඔහු එහිදී පැවසීය.
එසේම තමාගෙන් ප්‍රකාශ වුණ 'ශ්‍රී මුඛ' වචනයට තමන් සමාව ඉල්ලා සිටින බවත් " පොදු ජනතාවගෙන් සමාව ඉල්ලන්න සජිත් පැකිලෙන්නේ නෑ" යැයිද ඔහු ප්‍රකාශ කළේය.
ගෝල්ෆේස් පිටියට ජන ගඟක් !
මේ අතර අප වාර්තාකරුවන් සඳහන් කරන්නේ නව ප්‍රජාතන්ත්‍රවාදී පෙරමුණ නියෝජනය කරන ජනාධිපති ධූර අපේක්ෂක සජිත් ප්‍රේමදාසගේ ජයග්‍රහණය සහතික කිරීම වෙනුවෙන් පැවැත්වුණු මෙම ජන රැලිය මෑත ඉතිහාසයේ වැඩිම ජන සහභාගීත්වයක් දක්නට ලැබුණු රැලිය බවය.
එහි අවස්ථා කිහිපයක් පහත දැක්වෙයි.
