V2025

පුවත්

ගුරුවරිය 'දණ ගැස්වීම': ජාතිවාදී මුහුණුවරක් !

විදුහල්පතිනියක දණ ගැස්ස වූ බවට චෝදනා ලබා සිටින ඌව පළාතේ මහඇමති චාමර සම්පත් දිසානායක සම්බන්ධ සිදුවීමට "ජාතිවාදී මුහුණුවරක්" එක්කිරීමට මහඇමතිවරයා ඇතුලු පිරිස ක්‍රියාකරන බවට ඌව පළාත් සභා මන්ත්‍රී සමන්ත විද්‍යාරත්න චෝදනා කරයි.

සිසුවෙකු පාසලට ඇතුළත් කර නොගැනීමේ හේතුව මත බදුල්ල දෙමළ බාලිකා විද්‍යාලයේ විදුහල්පතිනි ආර් භවානි සිය නිල නිවසට කැඳවා තර්ජනය කර දණ ගැස්ස වූ බවට මහඇමතිවරයාට චෝදනා එල්ල වී තිබේ.

 99710136 26756939 877466915766942 5955109886390775892 oමහඇමතිවරයා එම චෝදනාව ප්‍රතික්ෂේප කරයි.

පාසලට ඇතුළත් කරවීමට උත්සාහ ගෙන තිබෙන්නේ මුස්ලිම් ජාතික දරුවෙකු වන බැවින් විදුහල්පතිනිය මුස්ලිම් දරුවන් සිය පාසලට භාර ගැනීම ප්‍රතික්ෂේප කරමින් වර්ගවාදීව කටයුතු කරන බවට එම ප්‍රජාව අතර ප්‍රචාරයක් දියත් කිරීමේ උත්සාහයක් පවතින බව ජනතා විමුක්ති පෙරමුණේ පළාත් සභා මන්ත්‍රීවරයාගේ චෝදනාව වී තිබේ.

එසේම විදුහල්පතිනිය දෙමළ ජාතික කාන්තාවක බැවින් ඇය සිංහල නායකයෙකු අපහසුවට පත් කිරීමට උත්සාහ කරන බවට මතයක් සිංහල ජනයා අතර තහවුරු කිරීමේ ප්‍රයත්නයක් ද දියත් වී ඇති බවට චෝදනා කරන සමන්ත විද්‍යාරත්න පළාත් සභා මන්ත්‍රීවරයා, එය ජනතාව අතර අනවශ්‍ය ගැටුමක් නිර්මාණය වීමට පසුබිම සකසන්නක් බැවින් ඒ පිළිබඳ සංවේදීව කටයුතු කිරීම යහපාලන රජයේ වගකීමක් බව අවධාරණය කරයි.

 IMG 57e7242188524f8e01fa0e3c6873fa08 V

IMG b3ecb840452afcc05534617a985f2c04 Vඋද්ඝෝෂණ

 මේ අතර අඟහරුවාදා (ජනවාරි 23) පොලිසියට භාර වූ ඌව පළාතේ මහඇමති චාමර සම්පත් දිසානායක රුපියල් ලක්ෂ දෙකක ඇප මත නිදහස් කිරීමට බදුල්ල මහේස්ත්‍රාත්වරයා නියෝග කළේය.

වැඩිදුර නඩු විභාගය ලබන මැයි 16 වෙනිදා දක්වා කල් තැබුණි.

ඌව පළාතේ මහ ඇමතිවරයා, සන්ධ්‍යා අඹන්වල අධ්‍යාපන ලේකම්වරිය, පළාත් අධ්‍යාපන අධ්‍යක්ෂ ආර්.එම්.බී රත්නායක සහ විදුහල්පතිනියට බලපෑම් එල්ල කළ බවට චෝදනා එල්ල වී ඇති පළාත් සභාවේ මාධ්‍ය ඒකකයේ නිලධාරීන් දෙදෙනා ඇතුළු පිරිස වහාම අත්අඩංගුවට ගන්නා ලෙස ඉල්ලා සිටිමින් දින ගණනාවක් මුළුල්ලේ බදුල්ල නගරයේ විරෝධතා උද්ඝෝෂණ පැවැත්වෙමින් තිබේ.

මේ අතර ඌව පළාත් සභාව ඉදිරිපිට විශේෂ පොලිස් ආරක්ෂාව රඳවා තිබුණු බව ශ්‍රී ලංකා මානව හිමිකම් කේන්ද්‍රයේ රජිත් කීර්ති තෙන්නකෝන් පවසයි.

 පරීක්ෂණ යටගැසීමේ උත්සාහයක්?

 99709178 badullacourt
බදුල්ල අධිකරණය

 ඒ අතර ඉහළ සම්බන්ධතා භාවිත කරමින් පොලිස් පරීක්ෂණ යටපත් කිරීමේ උත්සාහයක් ක්‍රියාත්මක වෙමින් පවතින බවට ගුරු සංගම් චෝදනා කරති.

පළාතේ අධ්‍යාපන ලේකම් සන්ධ්‍යා අඹන්වලගේ සැමියා හිටපු ජේ‍්‍යෂ්ඨ නියෝජ්‍ය පොලිස්පතිවරයෙකු වීම මේ චෝදනාවට ආසන්නතම හේතුව වී තිබේ.

මේ අතර සිදුවීම පිළිබඳ පූර්ණ පරීක්ෂණයක් සිදුකරන මෙන් අධ්‍යාපන අමාත්‍ය අකිල විරාජ් කාරියවසම් අධ්‍යාපන ලේකම්වරයා වෙත නියෝග කර ඇත.

අදාළ සිදුවීමේ දී සත්‍ය තත්ත්වය වසන් කිරීම සඳහා මැදිහත්වී ඇති බව පැවසෙන ඌව පළාත් අධ්‍යාපන ලේකම්වරිය සහ සෙසු පළාත් අධ්‍යාපන ප්‍රධානීන් කටයුතු කළ ආකාරය පිළිබඳව ද සොයා බලා කරුණු වාර්තා කරන ලෙස අධ්‍යාපන අමාත්‍යවරයා ලේකම්වරයාට උපදෙස් දී තිබේ.

එසේම ඌව පළාත් අධ්‍යාපන ලේකම්වරිය පරීක්ෂණයක් සඳහා අග්‍රාමාත්‍ය කාර්යාලයට කැඳවා ඇති බව ද වාර්තා වේ.

(බීබීසී සිංහල සේවය)

Comment (0) Hits: 1000

ඌව මහ ඇමතිට ඇප

බදුල්ල දෙමළ බාලිකා විද්‍යාලයේ විදුහල්පතිනිය දණ ගැස්වූ බවට වූ සිද්ධිය සම්බන්ධයෙන් සැකපිට අධිකරණයට ඉදිරිපත් කළ ඌව මහ ඇමැති චාමර සම්පත් දසනායක මහතා ඇප මත මුදා හරින ලෙස බදුල්ල මහේස්ත්‍රාත්වරයා නියෝග කර තිබේ.

ඔහුට රුපියල් ලක්ෂ දෙකක ශරීර ඇප නියම වී තිබේ .

මහා ඇමතිවරයා නීතිඥවරයෙකු මාර්ගයෙන් පොලීසියට බාරවූ බවත් ඔහුව අද(23) දින බදුල්ල මහේස්ත්‍රාත්වරයාට ඉදිරිපත් කිරීමට නියමිත බවත් මීට පෙර පොලිස් මාධ්‍ය ප්‍රකාශකවරයා සඳහන් කර තිබුණි.

බදුල්ල දෙමළ මහා විද්‍යාලයේ විදුහල්පතිනිය බදුල්ල පොලීසියට පැමිණිල්ලක් සිදු කරමින් පවසා තිබුණේ මහා ඇමැතිවරයාවරයා විසින් නිර්දේශ කරන ලද සිසුවියක් තම පාසලට බඳවා ගැනීම ප්‍රතික්ෂේප කිරීම හේතුවෙන් මෙලෙස දණ ගැසීමට බලකළ බවයි.

ප්‍රධාන අමාත්‍යවරයාට එරෙහිව නීතිමය ක්‍රියාමාර්ග නොගතහොත් වැඩවර්ජන ක්‍රියාමාර්ගයකට එළඹෙන බව ගුරු වෘත්තීය සමිති විසින් මිට පෙර ප්‍රකාශ කර තිබිණි.

මේ සම්බන්ධයෙන් ශ්‍රී ලංකා මානව හිමිකම් කොමිසම විසින් ද පරීක්ෂණයක් ආරම්භ කර තිබේ. ඊට අමතරව ඊයේ(22) බදුල්ල දෙමළ මහා විද්‍යාලය ඉදිරිපිට සහ අනුරාධපුර නගරයේ මෙම සිදුවීමට එරෙහිව විරෝධතා සංවිධානය කර තිබුණි.

Comment (0) Hits: 818

කාන්තා මත්පැන් තහනමට එරෙහිව රංගන ශිල්පිනී ස්වර්ණා අධිකරණයට

මත්පැන් මිල දී ගැනීමට සහ මත්පැන් අළෙවි සැල්වල සේවය කිරීම සඳහා කාන්තාවන්ට තහනම් කිරීමට එරෙහිව ප්‍රවීන රංගන ශිල්පිනී ස්වර්ණා මල්ලවාරච්චි ඇතුළු කාන්තාවන් විසිදෙනෙක් ඊයේ(22) ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොණුකර තිබේ.

මිට පෙර සමනලී ෆොන්සේකා ඇතුළු කාන්තාවන් එකොළොස් දෙනෙක් මත්පැන් මිල දී ගැනීමට සහ මත්පැන් අළෙවි සැල්වල සේවය කිරීම සඳහා කාන්තාවන්ට අවසර ලබාදෙමින් මුදල් අමාත්‍යවරයා විසින් නිකුත් කර ඇති ගැසට් නිවේදනයක් අවලංගු කිරීමට අමාත්‍ය මණ්ඩලය මගින් ගෙන ඇති තීරණය නීති විරෝධී යැයි ප්‍රකාශ කරන මෙන් ඉල්ලා මූලික අයිතිවාසිකම් පෙත්සමක් ඉදිරපත් කර තිබුණි.

මාධ්‍යට අදහස් දක්වමින් මානව හිමිකම් ක්‍රියාකාරිණී මේනකා ගල්ගමුව මහත්මිය පවසා තිබුණේ මෙම මෙම නීතිය ස්ත්‍රීන්ට එරෙහි වෙනස් කොට සැලකීමක් පමණක් නොව ස්ත්‍රීන්ට සිදුකළ අපහාසයක් බවයි.

ඊයේ මූලික අයිතිවාසිකම් පෙත්සම ගොනු කළ කාන්තාවන් අතර සමාජ ක්‍රියාකාරිණී සාවිත්‍රි රොද්‍රිගු සහ කාන්තා වාණිජ මණ්ඩලයේ ආරම්භක සභාපතිනියක් වූ චලෝ ඩි සොයිසා මහත්මියද වේ.

මේ අතර ශ්‍රී ලංකා පොදුජන පෙරමුණේ කඩුවෙල අපේක්ෂිකා සහ රංගන ශිල්පිනී රුවන්ති මංගලා මහත්මිය ඩේලි මිරර් පුවත්පතට සම්මුඛ් සාකච්චාවක් ලබාදෙමින් පවසා තිබුණේ කාන්තාවන් කළ යුතු සහ නොකළ යුතු යනුවෙන් කොටස් දෙකෙක් ඇති බවයි. මත්පැන් විකුණන ස්ථානවල සේවය කිරීම සහ මත්පැන් විකිණීම ඔවුන් නොකළ යුතු දේවල්වලට අයත් වන බව ඇය පවසා තිබේ.

Comment (0) Hits: 895

යුද්ධයක් ඇතිවීමට ප්‍රධාන හේතුව ? - චන්ද්‍රිකා හෙළිකරයි (වීඩියෝ)

රටේ භයානක යුද්ධයක් ඇතිවීමට ප්‍රධානතම හේතුව එකිනෙකාගේ භාෂාවල් කතා කිරීමට නොහැකියාව බව හිටපු ජනාධිපතිනිය පෙන්වා දෙයි.

ඇගේ ප්‍රධානත්වයෙන් යුත් ජාතික සමගිය හා සංහිඳියා කාර්යාංශය විසින් පවත්වනු ලබන “සහෝදර පාසල්” ශිෂ්‍ය කඳවුරෙහි 9 වැනි අදියර අවසන ඊයේ (22 ) කොළඹ ශ්‍රී ලංකා පදනම් ආයතනයදී පැවැති මාධ්‍ය හමුවකදී ඇය එබව සඳහන් කළාය.

එහිදී හිටපු ජනාධිපතිනිය කියා සිටියේ ශ්‍රී ලංකාව කුඩා රටක් වුවත්, විශාල ජනගහනයක් නොමැති වුවත් දශක ගණනාවක් බෙදී වෙන්ව ජීවත්වූ ජන කොටස් එකිනෙකා හඳුනා නොගැනීම යුද්ධයක් දක්වා දිග්ගැසුනු බවයි.

ආගම් හතරකට අයත් ජාතීන් හතරක් මෙරට ජීවත් වුවත් එකිනෙකා සමග කිසිදිනක කතා කර නොමැති අතර රටක භයානක ගැටුම් ඇතිවීමට එයම ප්‍රමාණවත් බව හිටපු ජනාධිපතිනියගේ අදහසයි.

 'ප්‍රභාකරන් කෙනෙක් බිහි නොවෙන්න තිබුනා'

 දෙමළ, මුස්ලිම් ප්‍රෙද්ශවලට සංවර්ධන කටයුතු ක්‍රියාත්මක වුයේද අසමානතාවයෙන් යුතුව බවට චන්ද්‍රිකා බණ්ඩාරනායක පිළිගත්තේය.

“එහෙම නැතිවුණා නම් මේ රටේ ප්‍රභාකරන් කෙනෙක් බිහි නොවෙන්න තිබුනා.” ඇය මාධ්‍ය හමුවේදී තරයේ විශ්වාසය පළ කළාය.

ජාතීන් අතර නැතිවි ගිය වැටහීම ගොඩනගා ගැනීම සදහා ජනාධිපතිවරයාගේ ප්‍රධානත්වයෙන් ජාතික සංහිදියාව හා කාර්යාංශය එම කටයුතු මේ වන විට සිදු කරගෙන යන බව ඇය වැඩි දුරටත් සඳහන් කළාය.

ජාතික සමගිය හා සංහිදියාව සම්බන්ධයෙන් ක්‍රියාකළ හැකි දහස් ගණනක සිසු සිසුවියන් පිරිසක් පළාත් මට්ටමින් ඇති කිරීම තුලින් ඔවුනොවුන්ගේ සමාජයන්හි ධනාත්මක වෙනසක් ඇති කිරීම “සහෝදර පාසල්” වැඩ සටහනෙහි අරමුණ වී තිබේ.

 වෙනම රාජ්‍යයක් ඉල්ලීම යුක්ති සහගතයි''

 කාලාන්තරයක් තිස්සේ දෙමළ ජනතාවට රට තුල මුහුණ පෑමට සිදුවී ඇති වෙනස්කම් සලකා බැලූ කල ඔවුන් වෙනම රාජ්‍යයක් ඉල්ලීමේ යුක්ති සහගත භාවයක් ඇති බව ද හිටපු ජනාධිපතිනිය පෙන්වා දෙයි.

සිංහල බහුතරයක් ජීවත් වන පලාත්වලට ලැබී ඇති සංවර්ධනය දෙමළ ජනතාවට ලැබී නැති බව සත්‍යයක් යැයි පිළිගත් දෙවරක් මෙරට විධායක ජනාධිපතිධුරය දැරූ චන්ද්‍රිකා බණ්ඩාරනායක කුමාරතුංග, “අපිට කෙරෙන්නේ නැත්තම් අපිට වෙනත් රටක් දෙන්න,” යනුවෙන් දෙමළ ජනතාව රජයෙන් ඉල්ලීම සාධාරණ බව සඳහන් කළාය.

 (radiogagana)

 

Comment (0) Hits: 858

රේගුව විනාශ කළේ 'විෂ සහිත භාණ්ඩ'

2017 දී නීති විරෝධී ලෙස රට තුළට ආනයනය කළ රුපියල් ලක්ෂ 310ක් වටිනා භාණ්ඩ ශ්‍රී ලංකා රේගුව විසින් ප්‍රසිද්ධියේ විනාශ කරන ලදි.

ශ්‍රී ලංකා රේගුවේ බුද්ධිමය දේපල අයිතීන් සම්බන්ධ නීති බලාත්මක කිරීමේ අංශය මගින් 2017 වසරේ අත්අඩංගුවට ගෙන තිබුණු මෙම භාණ්ඩ තොගය, අද (ජනවාරි 22) ඔරුගොඩවත්ත බහලුම් අංගනයේදී විනාශ කෙරුනි.

ප්‍රසිද්ධ සන්නාම නමින් ගෙන් වූ ව්‍යාජ භාණ්ඩ රැසක් මෙලෙස විනාශ කෙරුණු අතර පාසල් උපකරණ, සෙල්ලම් බඩු, ජංගම දුරකථන අමතර කොටස් සහ වාහන අමතර කොටස් ද ඒ අතර විය.

මෙම බොහෝ උපකරණ නිෂ්පාදනය කර තිබුණේ ලොව ප්‍රසිද්ධ සමාගම්වල සන්නාම නමිනි.

එම උපකරණ බහුතරයක් විනාශ කෙරුනේ, ගල් රෝලක් යොදාගෙන තලා දැමීමෙනි.

  "නීති ගරුක වෙළෙඳුන් ආරක්ෂා කිරීමට"

 "රේගු පනත හා බුද්ධිමය දේපළ පනත උල්ලංඝනය කරමින් ගෙනාපු උපකරණ තමයි අපි අද විනාශ කළේ," යනුවෙන් රේගුවේ මාධ්‍ය ප්‍රකාශක සුනිල් ජයරත්න භාණ්ඩ විනාශ කිරීමෙන් පසු මාධ්‍ය වෙත අදහස් දක්වමින් පැවසීය.

එහි ප්‍රධාන අරමුණ නීති ගරුකව රට තුළට මුල් නිෂ්පාදන ආනයනය කරන වෙළෙන්දන්ගේ අයිතිවාසිකම් ආරක්ෂා කිරීම ඔහු පැවසීය.

මෙවැනි භාණ්ඩ නිරපරාදේ විනාශ නොකර නැවත භාවිතයට ගත හැකි නේදැයි නැගෙන ප්‍රශ්නයට ද රේගු මාධ්‍ය ප්‍රකාශක සුනිල් ජයරත්න එහිදී පිළිතුරු ලබා දුන්නේය.

 99694028 still0601 00009

විනාශ කෙරුණු භාණ්ඩ

"නිරන්තරයෙන්ම වෙළෙඳපොළවල ගොඩගහල තියෙනවා මේ බාල භාණ්ඩ, මුල් නිෂ්පාදනයට සමාන භාණ්ඩ. මේවා පිළිකා කාරක භාණ්ඩ. මේ පාසල් වලට භාවිත කරන පැන්සල් පෙට්ටි කවකටු පෙට්ටි ඉතා බාල වරගයේ අධික විෂ සහිත ප්ලාස්ටික් යොදාගෙන හදපු ඒවා."

"මේ බාල ජංගම දුරකථන අමතර කොටස් පුපුරලා වෙන හානි අපි දැකල තියෙනවා. මේක සෞඛ්‍යයටත් විශාල වශයෙන් බලපාන දෙයක්," ඔහු වැඩිදුරටත් සඳහන් කළේය.

එබැවින් බුද්ධිමය දේපල අයිතීන් උල්ලංඝනය කරමින් භාණ්ඩ ආනයනය කිරීමක් සිදුවන්නේ නම් ඒ ගැන පැමිණිලි තමන්ට ඉදිරිපත් කරන ලෙස ශ්‍රී ලංකා රේගුව ජනතාවගෙන් ඉල්ලා සිටියි.

(බීබීසී සිංහල සේවය)

Comment (0) Hits: 932

මුස්ලිම් විවාහ නීතිය ඉක්මණින් සංශෝධනය කරන්න - මුස්ලිම් කාන්තා ක්‍රියාකාරිනියන්

මුසිල්ම් විවාහ සහ දික්කසාද නීතිය සංශෝධනය කිරීම සඳහා පත්කළ කමිටුවේ වාර්තාව තවදුරටත් ප්‍රමාද නොකරන ලෙස සහ එම නීතිය ඉක්මණින් සංශෝධනය කරන ලෙස ඉල්ලමින් අද (22) උදෑසන ශ්‍රේෂ්ඨාධිකරණය අසල නිහඬ විරෝධයක් පැවැත්විණි.

මුස්ලිම් කාන්තා ක්‍රියාකාරිනියන් පිරිසක් විසින් සංවිධානය කර තිබූ එම විරෝධතාවයේ තවත් ඉල්ලීමක් වූවේ අධිකරණ අමාත්‍යංශය මගින් පත්කරන ලද කොමිසම් වාර්තාවේ තත්ත්වය සහ එය බාරදෙන දිනය දන්වන ලෙසයි.

මුස්ලිම් විවාහ සහ දික්කසාද නීතිය සංශෝධනය කිරීම සඳහා අධිකරණ අමාත්‍යංශය මගින් 2009 වසරේ කමිටුවක් පත්කර තිබුණි. වසර නාමයක් ගතව ඇතත් එහි වාර්තාව කෙසේ සකස් වෙන්නේද යන්න පිළිබඳ කිසිදු තොරතුරක් නොමැති බව වාර්තා වේ.

මුස්ලිම් කාන්තාවන් සහ ගැහැණු දරුවන් මෙම පනත යටතේ විශාල අසාධාරණකම්වලට ලක්වෙමින් සිටින බව මුසිල්ම් කාන්තාවන් පවසයි.

ඔවුන් වැඩිදුරටත් ඉල්ලා සිටින්නේ එම වාර්තාවේ අඩංගු කරුණු මහජනතාවට දන්වන ලෙසයි. එසේම වාර්තාවේ නිර්දේශ පිලිබඳ එම නීතිය බලපානු ලබන කාන්තාවන් සමඟ සංවාදයක් ගොඩනගන ලෙස මුස්ලිම් කාන්තා ක්‍රියාකාරිනියන් ඉල්ලා සිටියි.

muslim2

muslim women

 

Comment (0) Hits: 1053

ඌව ප්‍රධාන අමාත්‍යවරයාට එරෙහිව ගුරුවරු සහ දෙමව්පියන් විරෝධතාවයක

බදුල්ල දෙමළ බාලිකා විද්‍යාලයේ විදුහල්පතිනිය තර්ජනය කර ඇයව දණ ගැස්වීම සම්බන්ධයෙන් විරෝධය පළකරමින් එම විද්‍යාලයේ ගුරුවරුන්ගේ සහ දෙමව්පියන්ගේ මූලිකත්වයෙන් අද(22) විරෝධතාවයක් පවත්වා තිබේ.

ඔවුන් ඉල්ලා සිටින්නේ ඌව පළාත් ප්‍රධාන අමාත්‍ය චාමර සම්පත් දසනායකව අත්අඩංගුවට ගන්නා ලෙසයි.

ප්‍රධාන අමාත්‍යවරයාට එරෙහිව නීතිමය ක්‍රියාමාර්ග නොගතහොත් වැඩවර්ජන ක්‍රියාමාර්ගයකට එළඹෙන බව ගුරු වෘත්තීය සමිති විසින් ද ප්‍රකාශ කර තිබිණි.

මේ සම්බන්ධයෙන් ශ්‍රී ලංකා මානව හිමිකම් කොමිසම විසින් ද පරීක්ෂණයක් ආරම්භ කර තිබුණු අතර ශ්‍රී ලංකා නිදහස් පක්ෂය ද පරීක්ෂණයක් ආරම්භ කරන බව ප්‍රකාශ කර ඇත. ඊට අමතරව අධ්‍යාපන අමාත්‍ය අකිල විරාජ් කාරියවසම් ද මේ සම්බන්ධ වාර්තාවක් කැඳවා ඇති බව පැවසේ.

විදුහල්පතිනියක් දණ ගැස්වීම සම්බන්ධ පරීක්ෂණ අවසන් වන තෙක් තමන් දරණ පළාත් අධ්‍යාපන අමාත්‍ය ධුරයෙන් ඉල්ලා අස්වන බව ඌව පළාත් ප්‍රධාන අමාත්‍ය චාමර සම්පත් දසනායක ප්‍රකාශ කර ඇති බව වාර්තා වේ.

26992556 10213465895695336 2082027010657332128 n

uva tamil2

26993992 10213466232143747 6890181306140936728 n

Comment (0) Hits: 836

දප්පුල ඩි ලිවේරා බැඳුම්කර නඩුවෙන් ඉවත් කෙරේ

මහ බැංකු බැඳුම්කර වංචා විමර්ශනය කළ ජේෂ්ඨ අතිරේක සොලිසිටර් ජනරාල් දප්පුල ඩි ලිවේරා මහතා එම කොමිසමේ නිර්දේශ මත පදනම්ව ඉදිරි නීතිමය ක්‍රියාමාර්ග ගැනීමේ කටයුතුවලින් ඉවත් කර ඇති බව වාර්තා වේ.

ඔහු වෙනුවට එම කටයුතු සිවිල් අංශයට අනුයුක්ත කර ඇති අතිරේක සොලිසිටර් ජනරාල් මුරුගේ ප්‍රනාන්දු මහතාට පවරා ඇති බව පැවසේ.

දප්පුල ඩි ලිවේරා මහතා නීතිපති දෙපාර්තමේන්තුවේ අපරාධ අංශයේ ජේෂ්ඨ නිලධාරියෙකි.

ජනාධිපති කොමිෂන් සභාව හරහා බැඳුම්කර වංචා විමර්ශනය කිරීම සඳහා සම්බන්ධ වූ ජනාධිපති නීතිඥ යසන්ත කෝදාගොඩ සහ ප්‍රියන්ත නාපාන ඇතුළු අනිකුත් නිලධාරීන් කිසිවෙක් නීතිමය ක්‍රියාමාර්ග ගැනීමේ කටයුතු සඳහා සම්බන්ධ කරගෙන නැත.

Comment (0) Hits: 828

සයිටම් ආයතනයේ කටයුතු 'Sunset’ වෙත පැවරේ

මාලඹේ සයිටම් ආයතනයේ වත්කම්, කාර්ය මණ්ඩලය සහ ශිෂ්‍යන් 'Sunset’ නම් ආයතනයකට පැවරීමට නියමිත බව නියෝජය අමාත්‍ය හර්ෂ ද සිල්වා මහතා ඊයේ(21) පැවති මාධ්‍ය හමුවකදී පැවසීය.

මීට අමතරව, ලබන වසරේදී ශ්‍රී ලංකා තොරතුරු තාක්ෂණ ආයතනට (SLIIT) අනුබද්ධිත ලාභ නොලබන, ශ්‍රී ලංකා වෛද්‍ය සභාවේ (SLMC) හි ප්‍රමිතිවලට අනුකූලව උපාධි පිරිනමන වෛද්‍ය විද්‍යාලයක් ආරම්භ කිරීමට කටයුතු කරන බවද ඔහු පැවසීය.

වෛද්‍ය නෙවිල් ප්‍රනාන්දු රෝහලේ වත්කම් සෞඛ්‍ය අමාත්‍යංශය වෙත පැවරෙන බව පැවසේ.

මේ අතර වෛද්‍ය ශිෂ්‍ය පීඨ ක්‍රියාකාරී කමිටුව සහ රජයේ වෛද්‍ය පීඨ දෙමාපිය සංගමය ඊයේ(21) පැවති මාධ්‍ය හමුවකදී අදහස් දක්වමින් පැවසුවේ මෙම විසඳුම සමඟ තමන් එකඟ නොවන බවයි. එසේම මාලඹේ පෞද්ගලික වෛද්‍ය විද්‍යාලය අහෝසි කිරීම සඳහා වූ පොරොන්දුව ඉටුකිරීමට අසමත් වුවහොත් එයට විරුද්ධව ඔවුන් විසින් කොළඹදී දැවැන්ත උද්ඝෝෂණයක් පැවැත්වීමට කටයුතු යොදා ඇති බවද පැවසිණි.

Comment (0) Hits: 877

කතරගම ආරක්ෂාවට STF එයි

කතරගම ආරක්ෂාව සඳහා පොලිස් විශේෂ කාර්ය බළකාය සහ කැරලි මර්දන ඒකකයේ නිලධාරීන් නිරත කරනු ලැබ ඇත.

පොලිසියට ගල් මුල් ආදියෙන් පහර දුන් බව කියන සැකකරුවන් විශාල පිරිසක් මේවනවිට අත්අඩංගුවට ගෙන ඇති බව කතරගම පොලිසිය පවසයි.

අත්අඩංගුවට ගනු ලැබ සිටින පිරිස අතර පුරුෂයන්ට අමතරව කාන්තාවන්ද සැලකිය යුතු සංඛ්‍යාවක් වෙති.

පොලිස් ආරංචි මාර්ග අනුව ලද එක් වාර්තාවකට අනුව, පිරිමින් 44 දෙනකු සහ කාන්තාවන් 13 දෙනකු පොලිස් අත්අඩංගුවේ පසු වෙන අතර ඔවුන් මහේස්ත්‍රාත් හමුවට පැමිණවීමට නියමිතව තිබුණි.

 99685530 kataharagama1

කාන්තාවෝ විරෝධතා ව්‍යාපාරයේ

 එවැනි ගැටුම්කාරී තත්වයක් උද්ගත වුණේ පොලිසිය විසින් කරන ලද වෙඩි තැබීමකින් අනතුරුව ප්‍රදේශවාසීන්ගේ විරෝධය හමුවේ ඇතැම් පුද්ගලයන් විසින් කතරගම පොලිසියට පහර දෙනු ලැබීම හේතුවෙනි.

කලහකාරී පිරිස් එල්ල කළ ගල් මුල් ප්‍රහාරවලින් පොලිසියේ විසි දෙනකුට පමණ සුළු තුවාල සිදු වූ බවත්, දේපොළ රැසකට හානි සිදු වූ බවත් කතරගම පොලිසිය පවසයි.

ගැටුම ආරම්භ වී ඇත්තේ පොලිස් අණ නොතකා ධාවනය කළ යතුරුපැදියකට රාත්‍රී මුර සංචාරයේ නිරතව සිටි පොලිස් කොස්තාපල්වරයකු විසින් වෙඩි තබනු ලැබීමෙන් එම යතුරුපැදිකරු ජීවිතක්ෂයට පත්වීමත් සමඟ බවත් වාර්තා වෙයි.

 එම පොලිස් වෙඩි තැබීමට එරෙහිව තිස්ස - කතරගම මාර්ගය අවහිර කළ විරෝධතා වාදීන් ටයර් පුළුස්සමින් උද්ඝෝෂණය කරමින් සිටි අතර ප්‍රදේශයේ කළු කොඩි ඔසවා තිබුණි.

 99685532 sannaddha

විරෝධතාකරුවන්ට මුහුණ දුන් පොලිසිය

 පොලිසියට ගල්මුල් ප්‍රහාරයක් එල්ල වෙමින් පවතිද්දී එය මැඩපැවැත්වීමට පොලිසිය විසින් කදුළු ගෑස් ප්‍රහාර එල්ල කරනු ලැබ ඇත.

පොලිස් වෙඩි පහරින් මියගොස් ඇත්තේ කතරගම නාගහ වීදියේ පදිංචි අවුරුදු විසි පහක් (25) පමණ වයසැති පතිරණගේ නිරෝෂන් නමැති විවාහකයෙකි.

ඔහු කතරගම ප්‍රාදේශීය සභාවේ ටැක්ටර් රථ රියදුරෙකි.

 වෙඩි තැබීම සිදු කරන ලදැයි කියන පොලිස් කොස්තාපල්වරයා අත්අඩංගුවට ගෙන තිස්සමහාරාම අධිකරණයට ඉදිරිපත් කිරීමෙන් පසු ජනවාරි 30 දින තෙක් රක්ෂිත බන්ධනාගාර ගත කරනු ලැබ ඇත.

තමන් රාජකාරියේ නියැලී සිටිය දී සිය අණ නොතකා ධාවනය කළ යතුරුපැදිකරුට නියෝග කොට නතර කරනු ලැබීමෙන් අනතුරුව ඔහු පොලිස් ගිනි අවිය උදුරා ගැනීමට තැත්කළ බවත්, පසුව පළායමින් සිටියදී වෙඩි තැබූ බවත් වෙඩි තැබීම සිදුකළ පොලිස් කොස්තාපල්වරයා පවසා ඇත.

 99685534 yathurupadiya

පොලිස් වෙඩි පහරට ගොදුරු වූ යතුරුපැදිය

 කතරගම පොලිසියේ සහ ප්‍රදේශයේ ආරක්ෂාව පිණිස පොලිස් විශේෂ කාර්ය බලකායේ නිලධාරීන් හා කැරලි මර්දන ඒකකයේ නිලධාරීන් යොදවා තිබෙන බවත්, මේ සිද්ධියේ දී පොලිසියට ප්‍රහාර එල්ල කළ හිටපු ප්‍රාදේශීය දේශපාලනඥයකු සහ තවත් කීප දෙනෙකු අත්අඩංගුවට ගැනීමට පරීක්ෂණ ආරම්භ කර ඇති බවත් තංගල්ල කොට්ඨාස භාර පොලිස් අධිකාරී ලක්සිරි ගීතාල් බීබීසිය කළ විමසීමකදී සඳහන් කළේය.

 99685537 polisalabha

අලාභ හානි සිදු වූ පොලිස් රථයක්

අදාළ පරීක්ෂණ සඳහා කොළඹින් විශේෂ පොලිස් කණ්ඩායමක් කතරගමට යවා ඇති බව අලුත්ම වාර්තා මගින් පැවසෙයි.

 (බීබීසී සිංහල සේවය)

 

 

 

 

 

Comment (0) Hits: 900

උදයාංග වීරතුංගගෙන් ආණ්ඩුවට අභියෝගයක්

මිග් ගනුදෙනුව හරහා අයතා ලෙස දේපළ උපයාගත් බව සඳහන් කරනවා නම් ඊට අදාළ ලිඛිත සාක්ෂි අධිකරණයට ඉදිරිපත් කරන ලෙස තමන් ආණ්ඩුවට අභියෝග කරන බව රුසියාවේ හිටපු තානාපති උදයංග වීරතුංග සඳහන් කරයි.

විද්‍යුත් තැපෑල හරහා නිවේදනයක් නිකුත් කරමින් ඔහු මේ බව අවධාරණය කර සිටින අතර එහි වැඩිදුරටත් සඳහන් වන්නේ තමන් සතු සියළු දේපළ වසර 32ක විදෙස්ගතව සිටියදී උපයාගත් ධනය ආයෝජනය කර ලබාගත් දේ වන බවය. වන බවය.

උදයංග වීරතුංගගේ එම නිවේදනයේ වැඩිදුරටත් මෙසේද සඳහන් කර ඇත.

2006 සිට වත්කම් බැරකම් ප්‍රකාශයට පත්කළා
"යහපාලනය වසර තුනකට ආසන්න කාලයක්‌ මගේ සියලු ගිණුම් සක්‍රීය කර ඇති අතර සියලු ගිණුම් පරික්ෂා කරන ලදී. මා විසින් නිත්‍යානුකූලව මිලදී ගෙන ඇති වත්කම් බැරකම් ප්‍රකාශය මගීන් වාර්ෂිකව රජයට ඉදිරිපත් කර ඇති දේපල විකිණීම හෝ පැවරීම අත්හිටු වීම හුදෙක් දේශපාලන පළිගැනීමකි. 2006 වර්ෂයේ සිට වත්කම් බැරකම් ප්‍රකාශය මගීන් රජයට ඉදිරිපත්කර ඇති මෙම දේපල සැගවීමට අවශ්‍ය නැත"

ලංකාවට ආවා කියලා බොරු චෝදනා දාලා

මිග් ගනුදෙනුවට අදාළ ගිවිසුම අත්සන් කල කාලය තුල මා, ශ්‍රී ලංකාවට පැමිණ නැති බව ආගමනය විගමන දත්ත අනුව සරලව ඔප්පුවන නමුත්, මා එම ගිවිසුම ලංකාවට රැගෙනවිත් ගුවන් හමුදාපතිගේ අත්සන් ලබාගෙන නැවත රැගෙන ගිය බවට පොලිසිය සාවද්‍ය තොරතුරු ඉදිරිපත් කර අධිකරණය හරහා මා සැකකරුවකු ලෙස නම් කරන ලදී. මෙවරත් කිසිදු සාක්ෂියක් ඉදිරිපත් නොකර මිග් ගනුදෙනුවේ මුදල් මගේ ගිණුම්වලට ලැබී ඇති බවට අසත්‍ය තොරතුරු අධිකරණයට ඉදිරිපත් කර ඇත. එසේ ගිවිසුමට අදාළ මුදල් මගේ ගිණුම්වලට බැරවී ඇති බවට සාක්ෂි ඇත්නම්, ඒවා වහාම අධිකරණයට ඉදිරිපත් කර නිතිය ක්‍රියාත්මක කරන ලෙස ආණ්ඩුවට මා අභියෝග කරමි.

ඒ අතර මිග් ගිවිසුම යුක්රේන්මාෂ් අත්සන් නොකළ බව මුල්‍ය අපරාධ විමර්ශන ආයතනය චෝදනා කරන අතර එම ගිවිසුමට අමතරව වෙනත් ගිවිසුමක් ඇති බව යහපාලන ඇමතිවරුන් චෝදනා කරයි. එසේ නම් ගුවන් හමුදාවේ ඇති මිග් ගුවන්යානා 8 අප රටට ලබා දී ඇත්තේ කුමන ගිවිසුමක් යටතේද යන්න යුක්රේනියානු රජයෙන් දැනගත යුතු අතර දෙවන ගිවිසුමකට ගුවන්හමුදාව විසින් අත්සන් කර ඇතිනම් ඊට වගකිව යුතු සැකකරුවන් වහාම අධිකරණයට ඉදිරිපත් කල යුතුය.

වසර තුනක් ගතවෙලා - සාක්ෂි කෝ ?

ගුවන්යානා තත්ව පරික්ෂාකිරීමෙන් පසු “Factory Acceptance Certificate” සහතික දෙපාර්ශවය විසින් අත්සන් කර ඇත. ගුවන් හමුදාවේ නිර්දේශ මත එම සහතිකය අදාළ විදේශ බැංකුවට ඉදිරිපත්කර විකුණුම් පාර්ශවය විසින් අදාළ මුදල් වසර 3ක් තුල ලබාගෙන ඇත. එම මුදල් මගේ ගිණුම්වලට බැරවී ඇති බව පොලිසිය විසින් ජනවාරි 18 දින උසාවියට දැනුම් දී ඇත. එසේ නම් එම චෝදනා සනාථ කිරීමට සත්‍ය සාක්ෂි අධිකරණයට වහාම ඉදිරිපත්කර දේශපාලන බලපෑමකින් තොරව නිතිය ක්‍රියාත්මක කරන ලෙස යහපාලනය ආණ්ඩුවට මා අභියෝග කරමි. වසර තුනකට ආසන්න කාලයක්‌ ඊට අදාළ කිසිදු සත්‍යය සාක්ෂියක් පොලිස් මුල්‍ය අපරාධ විමර්ශන ආයතනය අධිකරණයට ඉදිරිපත් කර නැති නමුත්, බැංකු ගිණුම් අක්‍රීය කිරීම මෙන්ම දේපල විකිණීමට තහනම් නියෝගයක් පැනවීමට කටයුතු කිරීම වනාහි පොලිස් රාජ්‍යයේ උපරිම ලක්ෂණ පෙන්නුම් කිරීමකි.

ආණ්ඩුවේ බොරු සියල්ලම අතේ පත්තු වී හමාර නිසා දැන් ජන්ද වාසි ලබා ගැනීමට වෙනත් බොරු ගොතමින් සිටී. ඔවුන් මට විරුද්ධව එල්ල කරන චෝදනා සියල්ල අමූලික බොරු බව ලාංකික ජනතාවට දැනගැනීම පිණිස ඉතා වගකීමෙන් මෙම ප්‍රකාශ කරමි.

උදයාංග වීරතුංග - රුසියාවේ හිටපු ශ්‍රී ලංකා තානාපති.

Comment (0) Hits: 1139

ජවිපෙට වඩා කොටි හොඳයි - මහින්දගෙන් නිවේදනයක්

 

සමස්ථ යුද හමුදාවම 1987 කොටි සංවිධානයට එරෙහිව වඩමාරච්චි මෙහෙයුම සඳහා යොමුකොට තිබෙන අවස්ථාවක ජනතා විමුක්ති පෙරමුණ දේශපාලන බලය ඩැහැ ගැනීම සඳහා සන්නද්ධ හමුදා සාමාජිකයන් මරා දැමුවා පමණක් නොව කොටි සංවිධානයවත් නොකල ආකාරයට සන්නද්ධ හමුදා සමාජිකයන්ගේ පවුල් වල සාමාජිකයන්ද ඝාතනය කළ බව හිටපු ජනාධිපති මහින්ද රාජපක්ෂ සඳහන් කරයි.

නිවේදනයක් නිකුත් කරමින් හිටපු ජනාධිපතිවරයා මේ බව සඳහන් කර සිටින්නේ මෙරට නිල විපක්ෂය ලෙස කටයුතු කරන ද්‍රවිඩ ජාතික සන්ධානයට සහ ජනතා විමුක්ති පෙරමුණට බරපතල දේශපාලන විවේචනයක් එල්ල කරමින්ය.

එසේම මේ වන විට රට තුළ යහපාලන ආණ්ඩුවක් පමණක් නොව යහපාලන විපක්ෂයක්ද පවතින බවද හිටපු ජනාධිපති මහින්ද රාජපක්ෂගේ එම නිවේදනයේ සඳහන්ව ඇත.

නව පලාත් පාලන ඡන්ද ක්‍රමය ප්‍රසංශා කරමින් එය ජනතාව ඉදිරියේ සාධාරණීකරනය කලේ ජවිපෙ මන්ත්‍රීවරුන් බවත් යහපාලන ජනාධිපතිවරයා තම ධූර කාලය අවුරුදු 5 සිට 6 දක්වා වැඩිකර ගැනීමට උත්සාහ කළ අවස්ථාවේදී පාර්ලිමේන්තුවේ නිල විපක්‍ෂය හැටියට තනතුරු හොබවන දෙමළ ජාතික සන්ධානය හා ජවිපෙ එයට එරෙහිව ශ්‍රේෂ්ඨාධිකරණයේ පෙනී නොසිටීමෙන්ද ඔවුන් සැබවින්ම ආණ්ඩුව පැත්තේ යැයි ඔප්පුකර පෙන්වා ඇති බවද එම නිවේදනයේ සඳහන්ව ඇත.

පහත පළවන්නේ එම නිවේදනයයි.

අපිව ගණන් ගත්තෙත් නෑ

2015 අගෝස්තු පාර්ලිමේන්තු මැතිවරණයෙන් පසු එජාප කතානායකවරයා මන්ත්‍රීවරුන් 50කට වඩා සිටි ඒකාබද්ධ විපක්‍ෂය, විපක්‍ෂයේ කොටසක් හැටියට පිළිනොගෙන, මන්ත්‍රීවරුන් 16 ක් සිටින දෙමළ ජාතික සන්ධානයට විපක්‍ෂ නායකකම පිරිනැමුවේය. මන්ත්‍රීවරුන් 6ක් සිටින ජනතා විමුක්ති පෙරමුණට විපක්‍ෂයේ ප්‍රධාන සංවිධායක තනතුර ලැබුණේය. මේ අනුව සෑම වසරකම යහපාලන ආණ්ඩුවේ අයවැයට විරුද්ධව ඡන්දය දෙමින්, පාර්ලිමේන්තුව ඇතුළෙත්, පිටතත් ආණ්ඩුවට විරුද්ධව කටයුතු කරන ඒකාබද්ධ විපක්‍ෂය, විපක්‍ෂයේ කොටසක් නොවන ලෙසත්, සෑම වසරකම යහපාලන අයවැයට පක්‍ෂව ඡන්දය දෙමින් පාර්ලිමේන්තුව ඇතුලේත් පිටතත් ආණ්ඩුවට පක්‍ෂව කටයුතු කරන දෙමල ජාතික සන්ධානය ප්‍රධාන විපක්‍ෂය හැටියටත් යු.එන්.පී කතානායකවරයා විසින් සලකනු ලබයි. මෙවැනි විකෘත්තියක් ශ්‍රී ලංකා පාර්ලිමේන්තු ඉතිහාසයේ කිසිදාක අපි අත්දැක නැත.

හැමදේකම මුල්තැන ජවිපෙට

2015 ජනාධිපතිවරණයෙන් පසු රට පාලනය කිරීම සඳහා කැබිනට් මණ්ඩලයටත් ඉහලින් “ජාතික විධායක සභාවක්” පිහිටවූ විට ජවිපෙ හා දෙමළ සංධානය එම සභාවේ ප්‍රධාන කොටස්කරුවන් විය. එයත් සමඟම යු.එන්.පී අගමැතිවරයාගේ ප්‍රධානත්වයෙන් පරාජය වූ ආණ්ඩුවේ සාමාජිකයන් දඩයම් කොට සිරගත කිරීම සඳහා පිහිටුවන ලද ඊනියා “දූෂණ විරෝධී කමිටුව” තුළද ජවිපෙට හා දෙමළ සන්ධානයට කැපී පෙනෙන කාර්යභාරයක් හිමිවිය. එම දූෂණ විරෝධී කමිටුවේ අංගයක් හැටියට පිහිටවනු ලැබූ “හදිසි වැටලීම් ඒකකය” ක්‍රියාත්මක වූයේ ජවිපෙ නායක අනුර කුමාර දිසානායකගේ පුද්ගලික අධීක්‍ෂණය යටතේය. ඒ අනුව යහපාලන ආණ්ඩුවේ මුල් දවස්වල ජවිපෙ සාමාජිකයන් පොලීසියේ කාර්යභාරය සියතට ගෙන පරණ ආණ්ඩුවේ වැරදි සෙවීමට ආණ්ඩුවේ මෙන්ම පුද්ගලික ආයතනද වැටලුවේය.

පළාත් පාලන ජන්ද ක්‍රමය ස්ථාවර නියෝග වලට පටහැනියි

මේ ක්‍රියාදාමයට පොලිස් මූල්‍ය අපරාධ විමර්ශන කොට්ඨාශය පිහිටුවීම තුළින් විධිමත් භාවයක් ලබාදෙනු ලැබූ පසුත්, එම නව පොලිස් ඒකකය පාලනය කළ කමිටුවේ සාමාජිකයන් හැටියට ජවිපෙ හා දෙමළ සන්ධාන නායකයන්ද දිගටම ක්‍රියා කලේය. විපක්‍ෂයේ දේශපාලන පක්‍ෂ හැටියට ජනතාව ඉදිරියේ පෙනී සිටිමින් රඟපෑමක් කරන අතරම මේ පක්‍ෂ දෙක පසුගිය අවුරුදු තුන මුලුල්ලේ යහපාලන ආණ්ඩුව විසින් ගෙන තිබෙන සෑම ප්‍රජාතන්ත්‍ර විරෝධී ක්‍රියාවකටම සහයෝගය දක්වා තිබේ. 2017 අගෝස්තු මාසයේදී ව්‍යවස්ථාවට මෙන්ම පාර්ලිමේන්තුවේ ස්ථාවර නියෝග වලටද පටහැනිව පලාත් පාලන ඡන්ද නීතිය වෙනස් කිරීමට ජවිපෙ හා දෙමළ සන්ධානය ආණ්ඩුවට සහයෝගය දක්වන ලදී. ඒ අවස්ථාවේදී සිදුවූයේ එවක පැවති පලාත් පාලන ඡන්ද නීතියේ තිබුණු සුලු තාක්‍ෂණික දෝෂ ගණනාවක් නැවැරදි කිරීමට ගැසට් කරන ලද පනත් කෙටුම්පතකට පාර්ලිමේන්තුවේ කමිටු අවස්ථාවේදී නව සංශෝධන විශාල ප්‍රමාණයක් එක් කිරීමෙන් සම්පූර්ණයෙන්ම අලුත් ඡන්ද ක්‍රමයක් හඳුන්වා දීමයි.

ආණ්ඩුවේ වැරදි ජවිපෙ සාධාරණීකරණය කරනවා

පාර්ලිමේන්තු ඉතිහාසයේ ප්‍රථම වතාවට තුන්වන කියවීමේදී සම්මත වූයේ දෙවනි කියවීමෙන් පසු ඇති වූ විවාදයේදී සාකච්ඡා වූ පනත් කෙටුම්පත නොවේ. මේ ආකාරයට හඳුන්වා දෙනු ලැබූ නව පලාත් පාලන ඡන්ද ක්‍රමය ප්‍රසංශා කරමින් එය ජනතාව ඉදිරියේ සාධාරණීකරනය කලේ ජවිපෙ මන්ත්‍රීවරුන්ය. එමෙන්ම 2017 සැප්තැම්බර් මාසයේදී පලාත් සභා ඡන්ද ක්‍රමයද වෙනස් කොට පලාත් සභා ඡන්දයද කල් දමා ගැනීමට අණ්ඩුවට පාර්ලිමේන්තුවේ අවශ්‍ය වූ තුනෙන් දෙකේ බලය ලබා දුන්නේද ජවිපෙය. මේ අවස්ථාවේදීද සිදුවූයේ පලාත් සභා වල කාන්තා නියෝජනය වැඩි කිරීමට හඳුන්වා දී තිබූ පනත් කෙටුම්පතකට පාර්ලිමේන්තුවේ කමිටු අවස්ථාවේදී විශාල සංශෝධන ප්‍රමාණයක්ගෙන ඒමෙන් සම්පූර්ණයෙන්ම අලුත් ඡන්ද ක්‍රමයක් හඳුන්වා දීමයි.

වත්මන් ජනාධිපතිට JVP සහ TNA ජන්ද ලැබුණා

පසුගියදා යහපාලන ජනාධිපතිවරයා තම ධූර කාලය අවුරුදු 5 සිට 6 දක්වා වැඩිකර ගැනීමට උත්සාහ කළ අවස්ථාවේදී පාර්ලිමේන්තුවේ නිල විපක්‍ෂය හැටියට තනතුරු හොබවන දෙමළ ජාතික සන්ධානය හා ජවිපෙ එයට එරෙහිව ශ්‍රේෂ්ඨාධිකරණයේ පෙනී නොසිටීමෙන්ද ඔවුන් සැබවින්ම සිටින්නේ ආණ්ඩුව පැත්තේ යැයි නැවත වතාවක් රටට ඔප්පුකර පෙන්වීය. වත්මන් ජනාධිපතිවරයා ජවිපෙ - දෙමළ සන්ධාන ඡන්ද වලින් පත් කරගත් අයෙක් බවද අපි අමතක නොකළ යුතුය.

ජවිපෙ උත්සාහය රට ව්‍යාකුල කිරීමයි

1971 සිටම ජවිපෙ අරමුණ වී ඇත්තේ රටේ පාලනය සම්පූර්ණයෙන්ම ව්‍යාකූල කොට තමන්ට බලය ලබා ගැනීමට හැකි තත්වයක් ඇති කර ගැනීමයි. 1971 දී අලුත් ආණ්ඩුවක් බලයට පත්වී මාස 9ක් ඇතුළත ආයුධ සන්නද්ධ කැරැල්ලකින් එම ආණ්ඩුව බලයෙන් පහ කිරීමට උත්සාහ කිරීම තුළින් ඔවුන් තරුණ ජීවිත 10,000ක් බිල්ලට දුන්නේය. 1987 – 89 සමයේදී, අද පවතින පලාත් සභා ක්‍රමය හඳුන්වාදීමට එරෙහිව නැවත වතාවක් සන්නද්ධ අරගලයක් දියත් කර තරුණ ජීවිත 60,000කට අධික ප්‍රමාණයක් බිල්ලට දුන් ජවිපෙ අද යහපාලන ආණ්ඩුව ගෙන ඒමට සැරසෙන රට ෆෙඩරල් ඒකක නවයකට කඩන නව ව්‍යවස්ථා යෝජනාවලියට කිසිදු විරෝධයක් දක්වන්නේ නැත. ඔවුන්ගේ බලාපොරොත්තුව වන්නේ මේ ආකාරයට රට කැබලි කිරීමෙන් ඇතිවන අරාජිකත්වය ප්‍රයෝජනයට ගෙන ජවිපෙට බලය ඩැහැ ගැනීමට හැකිවෙන වාතාවරණයක් නිර්මාණය කර ගැනීම විය හැක.

71 හා 87 - 89 කරපුවා මතකද ?

1971 හා 1987– 89 සමයේදී සන්නද්ධ කැරළි තුළින් දේශපාලන බලය ඩැහැ ගැනීමට ජවිපෙ කළ උත්සාහයන් වලදී, ඡන්ද පැවැත්වීම තහනම් කොට ඡන්දපොලට ගිය ඡන්ද දායකයන් බුරුතු පිටින් ඝාතනය කරන ලදී. රාජ්‍ය පරිපාලනය කඩාකප්පල් කිරීමේ අටියෙන් ග්‍රාම සේවක නිලධාරීන් ඇතුලු රජයේ සුළු නිලධාරීන් සිය ගණන් ඔවුන් මරා දමන ලදී. ප්‍රවාහන පද්ධතිය කඩාකප්පල් කිරීමේ අටියෙන් ප්‍රවාහන සේවකයන් සිය ගණන් ඝාතනය කරන ලදී. රටේ නීතිය ක්‍රියාත්මක වීම නැවැත්වීම සඳහා පොලිස් නිලධාරීන් ඝාතනය කරන ලදී. තම ත්‍රස්ථ ව්‍යාපාරය සඳහා ආයුධ එකතු කිරීමට ඔවුන් හමුදා කඳවුරු වලට පහර දුන්නේ, මුලු යුද හමුදාවම 1987 කොටි සංවිධානයට එරෙහිව වඩමාරච්චි මෙහෙයුම සඳහා යොමුකොට තිබෙන අවස්ථාවකය. ඔවුන් දේශපාලන බලය ඩැහැ ගැනීම සඳහා කළ අරගලයේදී සන්නද්ධ හමුදා සාමාජිකයන් මරා දැමුවා පමණක් නොව කොටි සංව්ධානයවත් නොකල ආකාරයට සන්නද්ධ හමුදා සමාජිකයන්ගේ පවුල් වල සාමාජිකයන්ද ඝාතනය කලේය.

අලුත් පරපුර නොදන්නා කතාවක්

1987 – 89 ජවිපෙ දෙවන කැරැල්ල සමයේදී එහි ප්‍රධාන නායකයන් සිටියේ වෙනත් ගරිල්ලා සංවිධාන වල නායකයන් මෙන් කැලෑ වල නොව ධනවත් ව්‍යාපාරිකයන් හා ඉඩම් හිමියන් හැටියට වෙස් වලාගෙන සුඛෝපබෝගී ජීවති ගත කරමිනි. මේ සඳහා ඔවුන් මුදල් සොයා ගත්තේ බැංකු මංකොල්ල කෑමෙන් හා මහජනතාවගෙන් හා ව්‍යාපාරිකයන්ගෙන් කප්පම් මුදල් ලබාගැනීමෙන්ය. ජවිපෙ මන්ත්‍රීවරුන් මේ රටේ ඉපදී සිටින අවංකම, අහිංසකම දේශපාලඥයන් හැටියට රඟපාන හැටි පමණක් දැක තිබෙන අලුත් පරපුර ඔවුන්ගේ බිහිසුණු යටගියාව ගැන කිසිවක් දන්නේ නැත. අද නිල විපක්‍ෂ නායකත්වය දරණ දෙමළ ජාතික සන්ධානයද, අවසන් මොහාත දක්වාම කොටි ත්‍රස්තවාදීන්ට සහයෝගය දැක්වූ දේශපාලන පක්‍ෂයක් බවද අපි අමතක නොකල යුතුය.

JVP - TNA කතාවට දක්ෂයි : ඒත් වැඩ බෑ

ජවිපෙ හා දෙමළ සන්ධානය වැනි දේශපාලන පක්‍ෂ නෛයිසර්ගිකව කතාවට දක්‍ෂ වුවත්, පරිපාලනයේදී අසමත්ය. 2004–2005 සමයේදී ජවිපෙට චන්ද්‍රිකා කුමාරතුංග ආණ්ඩුව යටතේ බලගතු අමාත්‍යංශ හතරක් ලැබුණු අතර ඉන් එකක් වූයේ කෘෂිකර්ම ඉඩම්, වාරිමාර්ග හා පශුසම්පත් අමාත්‍යංශයයි. එහි ඇමතිවරයා අනුර කුමාර දිසානායක වූ අතර නියෝජ්‍ය ඇමතිවරයා වුයේ බිමල් රත්නායකය. 2005 ජනවාරි 4 වන දා උමා ඔය ව්‍යාපෘතිය ආරම්භ කිරීමට අංක 05/0036/039/002 දරණ කැබිනට් පත්‍රිකාව කැබිනට් මණ්ඩලයට ඉදිරිපත් කරනු ලැබුවේ දිසානාක ඇමතිවරයා විසිනි. අවුරුදු පනහක පමණ කාලයක් මුලුල්ලේ විවිධ ආණ්ඩු යටතේ සාකඡ්චා වෙමින් පැවති උමා ඔය ව්‍යාපෘතිය මගේ ආණ්ඩුව විසින් ක්‍රියාවට නංවන ලදී.

උමාඔයේ වැඩ ඇල්ලුවේ ජවිපෙ

2014 දෙසැම්බර් අවසානයේදී මගේ ආණ්ඩුව පරාජය වීමට දින කිපයකට කලින් උමා ඔය ව්‍යාපෘතිය සඳහා ඉඳිකරමින් පැවති උමං මාර්ගයක් තුළට ජලය කාන්දු වීමට පටන් ගත්තේය. මගෙන් පසු බලයට පත් වූ වැඩ බැරි ආන්ඩුව මේ ගැන නිසි කලට නිසි පියවර නොගැනීම නිසා ජල කාන්දුව වැඩිවී පලාත පුරාම භූගත ජලය අඩුවී ගොඩනැගිලි හා වගාවන් වලටද හානි සිදුවිය. මේ ආකාරයට උමා ඔය ව්‍යාපෘතියේ ගැටලු ඇති වූ විට ජවිපෙ කළේ මේ ව්‍යාපෘතිය ආරම්භ කිරීමට තමන් කල කාර්යභාරය ජනතාවගෙන් වසන් කරමින් ඇඳ යටට රිංගාගෙන මේ සියලුම ප්‍රශ්න ඇති වූයේ මගේ ආණ්ඩුව විසින් උඩරට ජල සම්පත් දකුණට හැරවීමට ගත් උත්සාහය නිසා යැයි ජනතාවට කීමයි.

ප්‍රශ්න අවහම ජවිපෙ ඇඳයට රිංගනවා

ජවිපෙ ඇමතිවරයෙකු විසින් මුලපුරන ලද එකම මහා පරිමාන සංවර්ධන ව්‍යාපෘතිය වෙනුවෙන් පෙනී සිටීම තියා එයට ඔවුන් මුලපුරපු බවවත් පිලිගැනීමට ආත්ම ශක්තියක් නැති, සුලු ගැටලුවක් මතුවුවත් වහාම ඇඳ යටට රිංගා ගන්නා පක්‍ෂයකට රටේ සංවර්ධනයක් ඇතිකල හැකිද? උමං හෑරීමේදී අනිවාර්යෙන්ම එයට ඉහලින් ඇති භූගත ජලය උමඟ තුළට කාන්දු වේ. මෙය වැලැක්වීමට උමඟ හාරන අතරම එය සීල් කල යුතු වේ. මේ වන විට උමා ඔය ව්‍යාපෘතියේ කොන්ත්‍රාත්කරුවන් අදාල උපකරණ ගෙන්වාගෙන ජල කාන්දුව පාලනය කර ඇත. සංවර්ධන ව්‍යාපෘති ක්‍රියාත්මක කිරීමේදී ගැටලු නිරන්තරයෙන්ම ඇති වේ. පරිපාලකයන්ගේ කාර්යභාරය වන්නේ එවැනි ගැටලු ඇතිවූ විට විසඳුම් ලබාදීමය. ජනතා විමුක්ති පෙරමුණ පසුගිය වකවානුව පුරාම නැවත නැවතත් ඔප්පුකොට ඇත්තේ ඔවුන්ට කතා පැවැත්වීමට දක්‍ෂතාවයක් තිබුණත් වැඩ කිරීමට දක්‍ෂතාවයක් නැති බවයි. ඔවුන් විසින් දියත් කරන ලද සන්නද්ධ කැරළි අසාර්ථක වී, තරුණ ජීවිත 70,000 කට අධික ගණනක් නැති වූයේද මේ නිසාය. අසාර්ථක කැරළිකරුවන්ට සාර්ථක පරිපාලකයන් විය හැකි යැයි සිතන්නේ කවුද?

දන්නෙ උද්ඝෝෂණය කරන්න විතරමයි

2001 චන්ද්‍රිකා කුමාරතුංග ආණ්ඩුව සමඟ සම්බන්ධතාවයක් ඇතිකර ගැනීමෙන් පසු 2002 දී ජවිපෙට මුල් වතාවට තිස්සමහාරාම ප්‍රාදේශීය සභාවේ බලය ලබාගැනීමට හැකි විය. 2006 දී මගේ ආණ්ඩුවට සහයෝගය දෙමින් සිටින සමයේ ඔවුන්ට නැවත වතාවක් තිස්සමහාරාම ප්‍රාදේශීය සභාව දිනා ගැනීමට හැකි විය. නමුත් 2011 දී අපෙන් වෙන්වීමෙන් පසු ඔවුන් තිස්සමහාරාම ප්‍රාදේශීය සභාව පරාජය වී තුන්වන තැනට ඇද වැටුනේය. ජනතා විමුක්ති පෙරමුණ හා දෙමළ ජාතික සන්ධානය වැනි දේශපාලන පක්‍ෂ, හුදු විරෝධකල්පික උද්ඝෝෂණකරුවන්ගේ දේශපාලන පක්‍ෂ වේ. 2004–2005 කාලය තුළදී ජවිපෙ අමාත්‍යංශ හතරක් පාලනය කිරීම, දෙමළ ජාතික සන්ධානය උතුරු පලාත් සභාව පාලනය කිරීමට සමාන විය. වැඩබැරි යහපාලන ආණ්ඩුවක් මෙන්ම වැඩබැරි යහපාලන විපක්‍ෂයක්ද මේ රටේ තිබෙන බව සියලුම ඡන්ද දායකයන් අවබෝධ කර ගැනීම වැදගත්ය. මේ යහපාලන පාර්ශව දෙකම ජනතාව විසින් ප්‍රතික්‍ෂේප කළ යුතු වේ.

 

Comment (0) Hits: 1251

ආණ්ඩුව බිඳ දැමීමේ කුමන්ත්‍රණයේ "B ප්ලෑන්" ක්‍රියාත්මකයි - ජනාධිපතිගේ ප්‍රතිරූපයට දැඩි හානි

ප්ලෑන් B ක්‍රියාත්මකයි

යහපාලන සම්මුති ආණ්ඩුව බිඳ දැමීමේ කුමන්ත්‍රණය නව අදියරක් ඔස්සේ දීයත්වී ඇති බවත් ඒ හමුවේ ජනාධිපතිවරයාගේ දේශපාලන ප්‍රතිරූපයට බරපතල ලෙස හානි සිදුවෙමින් තිබෙන බවත් බුද්ධි අංශ අනාවරණය කර ඇති බව වාර්තා වෙයි.

මේ බව සඳහන් කරමින් බුද්ධි වාර්තා සඳහන් කර සිටින්නේ ප්‍රශ්නගත බැඳුම්කර සිදුවීම සම්බන්ධව පත්කළ ජනාධිපති කොමිසමේ නිර්දේශ විකෘති කරමින් සහ ජනාධිපතිවරයාගේ ප්‍රකාශ තම කුමන්ත්‍රණයට වාසි සහගත ලෙස යොදා ගනිමින් ආණ්ඩුව බිඳ දැමීමේ කුමන්ත්‍රණයේ දෙවන කොටස ක්‍රියාවට නගන්නට එම පාර්ශව කටයුතු අරඹා ඇති බවය.

 ලැබී ඇති තොරතුරු වලට අනුව සම්මුති ආණ්ඩුව බිඳ දැමීමේ කුමන්ත්‍රණයේ දෙවන අදියර ක්‍රියාවට නැගී ඇත්තේ ජනාධිපතිවරයා සහ එක්සත් ජාතික පක්ෂය අතර සෘජු ගැටුමක් නිර්මාණය කිරීම අරමුණු කරගෙනය. එහිදී අතරමැද සමාදානයක් නොමැති තැනට දෙපාර්ශවයම කැඳවීම කුමන්ත්‍රණකාර පාර්ශවයේ ඉලක්කය වී ඇති බව අනාවරණයවී ඇති බවද බුද්ධි වාර්තා සඳහන් කරයි.

රවී අත්අඩංගුවට ගැනීමට සුදානමක් !

මීට ආසන්නතම සිදුවීම ලෙස බුද්ධි අංශ අනාවරණය කර සිටින්නේ බැඳුම්කර කොමිසම විසින් හිටපු අමාත්‍ය රවී කරුණානායක වරදකරුවකු කර ඇති බවත් ඒ මත පදනම්ව ළඟදීම ඔහුව අත්අඩංගුවට ගැනීමට නියමිත බවට ප්‍රචාරයක් ආරම්භ කිරීමය.

මෙම පුවත සම්බන්ධව සිදුකළ බුද්ධි විමර්ශනයේදී හෙළිවී ඇත්තේ බැඳුම්කර ජනාධිපති කොමිෂන් වාර්තාවේ කිසිඳු තැනක හිටපු අමාත්‍ය පාර්ලිමේන්තු මන්ත්‍රී රවී කරුණානායක ප්‍රශ්නගත බැඳුම්කර ගනුදෙනුවට සම්බන්ධ බවට කිසිඳු සඳහනක් නොමැති බවය.

ආණ්ඩුව දන්නෙත් නෑ - නීතිපති දන්නෙත් නෑ

එසේම අදාළ කොමිෂන් සභා වාර්තාව පදනම් කරගෙන හිටපු අමාත්‍යවරයා අත්අඩංගුවට ගැනීමක් සම්බන්ධව කිසිඳු තීන්දුවක් ආණ්ඩුව පාර්ශවයෙන් හෝ නීතිපති දෙපාර්තමේන්තුව පාර්ශවයෙන් ගෙන නොමැතිබවද අනාවරණය වී ඇත. ඒ අනුව මෙම පුවත මේ වන විටත් ආණ්ඩුව අභ්‍යන්තරයේ නිර්මාණයවී ඇති ආතතිගත තත්ත්වය වර්ධනය කිරීමේ අපේක්ෂාවෙන් සිදුකර ඇති පුවත් නිර්මාණයක් බව බුද්ධි වාර්තා පෙන්වා දෙයි.

ඊට නිදර්ශන දක්වමින් බුද්ධි තොරතුරු මුලාශ්‍ර ආණ්ඩුව බිඳ දැමීමේ කුමන්ත්‍රණකාර පාර්ශවයන්ගේ හැසිරීම මෙසේ අනාවරණය කර සිටියි.

බැඳුම්කර වාර්තාවේ නිර්දේශ විකෘති කිරීම දිගටම

ජනාධිපති බැඳුම්කර කොමිසමේ වාර්තාවේ කිසිඳු තැනක රවී කරුණානායක මන්ත්‍රීවරයා වරදකරුවකු බව සඳහන් කර නැත. එහෙත් එවැනි අදහසක් සමාජගතවීම මේ මොහොතේ ආණ්ඩුව දෙකඩ කිරීම සඳහා ක්‍රියා කරමින් සිටින පාර්ශව වෙත අවාසි සහගතය. එම අවාසිය මඟ හැරීම වෙනුවෙන් කුමන්ත්‍රණකාර පාර්ශව අදාළ වාර්තාවේ නිර්දේශ විකෘති කරමින් සමාජගත කිරීම අරඹා තිබේ.

ඒ අනුව ඔවුන් ගොඩනගා ඇති කතාව වන්නේ, බැඳුම්කර ජනාධිපති කොමිසම හමුවේ බොරු සාක්ෂි ලබාදීමේ වරද මත හිටපු අමාත්‍යවරයාව අත් අඩංගුවට ගැනීමට නියමිත බවය. එසේම එය අවමය මාස 03 ක් වත් ඉක්මවන තුරු ඇප ලබා නොදිය හැකි තරමේ වරදවල් ගණයට වැටෙන බව ප්‍රචාරය කිරීමය.

ලොවෙත් නැති කොමිසමක් !

මෙතැන ආරම්භයේම තිබෙන විකෘති කිරීම වන්නේ ජනාධිපති බැඳුම්කර කොමිසම "පූර්ණ බලැති" බවට පත්කළ "නිර්ණායකය" කුමක්ද යන්නය. සාමාන්‍යයෙන් ජනාධිපති කොමිසන් වර්ග දෙකක් සම්බන්ධව අප දැනුවත්ය. ඒ විශේෂ ජනාධිපති කොමිෂන් සභාවක් සහ සාමාන්‍ය ජනාධිපති කොමිෂන් සභාවක් වශයෙන්ය.

විශේෂ ජනාධිපති කොමිෂන් සභාවකින් විමසන ලද සාක්ෂි මත පදනම්ව නිගමනය කර ප්‍රජා අයිතිය අහෝසි කිරීම වැනි අවස්ථා අප රටේ ඉතිහාසයේ පවතී. සිරිමාවෝ බණ්ඩාරනායක අගමැතිනියගේ සහ ෆිලික්ස් ඩයස් බණ්ඩාරනායක වැනි දේශපාලන චරිත වල ප්‍රජා අයිතිය අහෝසි කෙරුණේ එවැනි නිර්දේශ පදනම් කරගෙනය. එහෙත් ඒද සිදුවුයේ පාර්ලිමේන්තුවේ ජන්ද විමසීමක් සිදුකර සහ ඒ වෙනුවෙන් ගෙනෙන යෝජනාවට තුනෙන් දෙකක ජන්දයක් ලබාගැනීමෙන් ය.

නමුත් සාමාන්‍ය ජනාධිපති කොමිසමකට එවැනි බලයක් නොමැති අතර ඊට කළ හැකි වන්නේ තමන් සාක්ෂි විමසීමෙන් සහ සිදුකළ විමර්ශන කටයුතු වලින් සකස් කළ වාර්තාවක් නිර්දේශ සහිතව ජනාධිපතිවරයාට ඉදිරිපත් කිරීම පමණය. ඒ නිර්දේශ මත නඩු පැවරිය යුතුද ? ඒ කාටද? යන්න තීරණය ගනු ලබන්නේ නීතිපතිවරයා විසින් වන අතර ඊට අදාළ නෛතික ක්‍රියාවලියක් පවතී.

කෙසේ වුවත් අවම වශයෙන් බැඳුම්කර ජනාධිපති කොමිසම පත්කළ බව නිවේදනය කරමින් 2017 ජනවාරි 27 නිකුත් කර ඇති රජයේ අතිවිශේෂ ගැසට් නිවේදනයේද එවැන්නක් සඳහන් වන්නේ නැත. ( එම ගැසට් පත්‍රය මෙම ලිපිය අවසානයේ දක්වා ඇත.)

කොමිසමේ නිර්දේශ අනුව රවී වැරදිද ?

ඒ පසුබිමේ බැඳුම්කර කොමිසමේ නිර්දේශ හරහා රවී කරුණානායක වැරදිකරුවකු බවට නම් කර ඇති බවත් කොමිසමට බොරු සාක්ෂි දීම හේතුවෙන් එම අත්අඩංගුවට ගැනීම සිදුවන බව පැවසීම බැඳුම්කර ජනාධිපති කොමිසමට සිදුකළ අපහාසයකට වඩා වැඩි දෙයක් නොවන බව නීති ක්ෂේත්‍රයේ ප්‍රවීණයන්ගේද අදහස වී තිබේ. මේ ඇත්තේ ඊට අදාළව ඇති සාක්ෂිය.

001

එහි නිවැරදි සිංහල පරිවර්තනය මෙසේය.

24] 24 වැනි පරිච්ඡේදය තුළ පූ්ර්වයෙහි පෙන්වා ඇති පිදි අප කොමිසම නිර්දේශ කරනවා. ගරු රවී කරුණානායක මුදල් අමාත්‍යවරයා වශයෙන් සිටියදී වෝල්ට් හ රෝව් ඇසෝශියේට්ස් ( එය පර්පෙටුවල් ට්‍රෙෂරීස් ආයතනයට අයත් සහකාර සමාගමකි. එහි අයිතිය හ පාලනයද පර්පෙටුවල් ට්‍රෙෂරීස්හි පුද්ගලයින් විසින්ම කරන ලදී.) මගින් ගරු රවී කරුණානායක සහ ඔහුගේ පවලේ අය රැදී සිටි නිවසේ කල්බද්ද පිළිබදව කරන ලද බදු ගෙවීම් මගින් ඔහු සැලකිය යුතු වාසියක් සදහා අත්පත් ගත්තේ ද යන්න සොයා බැලීම හා එසේ ලබා ඇත්නම් පාර්ලිමේන්තු මන්ත්‍රී ගරු රවී කරුණානායකට එරෙහිව අල්ලස් පනත යටතේ සුදුසු ක්‍රියා මාර්ග ගත යුතද යන්න අල්ලස් හා දූෂණ විමර්ශන කොමිෂන් සභාව විසින් සලකා බැලිය යුතු බව

25] 24 වන පරිච්ඡේදයේ පූර්වයෙහි සදහන් කර ඇති පරිදි, අප ඉදිරිපිටදී ගරු පාර්ලිමේන්තු මන්ත්‍රී රවී කරුණානායක විසින් ලබා දුන් සමහර සාක්ෂි අසත්‍යයද යන්න සලකා බැලිය යුතු බව හා එය එසේ වන්නේ නම් ගරු නීතිපතිතුමා සහ අනෙකුත් සුදුසු බලධාරීන් දණ්ඩ නීති සංග්‍රහයේ 179 වැනි වගන්තිය සහ හෝ 188 වැනි වගන්තිය යටතේ හෝ නීතියේ සෙසු අදාළ විධිවිධාන සමග අංක 17, 1948 කොමිෂන් සභා විමර්ශන පනතෙහි 09 වන කොටසට අනුව ඔහුට එරෙහිව නඩු පැවරිය යුතු බව අප තවදුරටත් නිර්දේශ කරනවා.

 කුමන්ත්‍රණයේ නොනවතින ප්‍රහාරය

මීට අනුව හිටපු අමාත්‍ය රවී කරුණානායක වරදකරුවකු වන බවට සඳහන්කර තිබේද? නැත. ඒ අනුව කුමන්ත්‍රණකරුවන් සිදුකරමින් සිටින්නේ බැඳුම්කර කොමිසමේ නිර්දේශ හේතුවෙන් ගැලවී ගිය වස්ත්‍ර යළි ඇඳ ගැනීමේ තක්කඩි රංගනයකට වඩා වැඩි දෙයක් නොවේය.

පැහැදිළිව කොමිසම හමුවේ සාවධ්‍ය තොරතුරු දක්වා ඇත්නම් ඊට අදාළව අත්අඩංගුවට ගැනීමක් හෝ වෙනත් නීතිමය ක්‍රියාමාර්ගයක් ගැනීමට හැකි වන්නේ ඉදිරියේදී වෙනම සිදුකරනු ලබන අධිකරණ කටයුත්තක් හරහා පමණය. ඒ හැර මෙම නිර්දේශය පදනම් කරගෙන අත්අඩංගුවට ගැනීමට අවස්ථාවක් නොමැත. කොමිසන් වාර්තාවේ රවී කරුණානායක සාවධ්‍ය සාක්ෂි සපයා ඇති බවක් සඳහන් වන්නේද නැත.

ජනාධිපති ලේකම්ගේ ලිපිය

එපමණක් නොව ජනාධිපති කොමිසම පිළිබඳව දැනුම්දෙමින් එවකට ජනාධිපති ලේකම් පී.බී. අබේකෝන් යවා ඇති මේ ලිපිය බලන්න. ඊට අනුව මෙම කොමිසමේ විමර්ශනය සඳහා සාක්ෂි විමසීමේ කාර්යභාරය සිදුවන්නේ "කොමිෂන් සභා පරීක්ෂණ පනතේ" "section 14" පදනම් කරගෙනය.

002

section 14 මොකක්ද ?

 section 14 ට අනුව නම් කොමිසමේ මෙම සාක්ෂි අදාළ විමර්ශනය සඳහා මිස වෙනත් සිවිල් හෝ අපරාධ නඩු කටයුත්තක් සඳහා පාදක කරගත නොහැකිය. එසේම එම විමර්ශනයේ සාක්ෂි වෙනත් අධිකරණ කටයුත්තකට යොමුකිරීමටද අවස්ථාවක් නැත.

 නමුත් මෙම කොමිසම ක්‍රියාත්මක කිරීම අධිකරණ කටයුත්තක් සිදුකිරීමට සමාන බැවින් ඒ හමුවේ සාවධ්‍ය ප්‍රකාශ සිදුකිරීම දඬුවම් ලැබිය හැකි වරදක්ය. ඒ බව කොමිසම හමුවේ තහවුරු වනවා නම් එම අදාළ පාර්ශවයට එරෙහිව අභියාචනාධිකරණය වෙත පැමිණවීමේ බලය මෙම කොමිසම සතුව තිබිණ.

003

004

එහෙත් කොමිසම එවැන්නක් ස්ථිර ලෙස සඳහන් කර නොමැත. ඒ වෙනුවට කොමිසමේ නිර්දේශ තුළ සඳහන් වන්නේ,

25] 24 වන පරිච්ඡේදයේ පූර්වයෙහි සදහන් කර ඇති පරිදි, අප ඉදිරිපිටදී ගරු පාර්ලිමේන්තු මන්ත්‍රී රවී කරුණානායක විසින් ලබා දුන් සමහර සාක්ෂි අසත්‍යයද යන්න සලකා බැලිය යුතු බව හා එය එසේ වන්නේ නම් ගරු නීතිපතිතුමා සහ අනෙකුත් සුදුසු බලධාරීන් දණ්ඩ නීති සංග්‍රහයේ 179 වැනි වගන්තිය සහ හෝ 188 වැනි වගන්තිය යටතේ හෝ නීතියේ සෙසු අදාළ විධිවිධාන සමග අංක 17, 1948 කොමිෂන් සභා විමර්ශන පනතෙහි 09 වන කොටසට අනුව ඔහුට එරෙහිව නඩු පැවරිය යුතු බව අප තවදුරටත් නිර්දේශ කරනවා.
යනුවෙන්ය.

 ඒ අනුව කුමන්ත්‍රණකරුවන් මේ සුදානම් වන්නේ පළමු අවස්ථාවේ ලෙසම රවීගෙන් වැඩ අල්ලා පෙළින් පෙළට ආණ්ඩුව අර්බුදයට යැවීම බව පැහැදිළිය. ඒ බව තවදුරටත් සනාථ වන්නේ රවී කරුණානායක අත්අඩංගුවට ගැනීමේ සුදානම පිළිබඳ විකෘති පුවත පළකර පැය 24ක් ගතවීමට පෙර "බැඳුම්කර ජනාධිපති කොමිසමේ වාර්තාවට අනුව රනිල් වික්‍රමසිංහ වරදකරුවකු බව තහවුරු වන බව සඳහන් පුවතක් පල කිරීමය.

සිවිල් නඩු එක්ස්පර්ට්ලා අපරාධ නඩුවල ප්‍රැක්ටිකල් ෆේල් ?

එහි දක්වා ඇති නෛතික පසුබිම සම්බන්ධව නීති ක්ෂේත්‍රයේ ප්‍රවීණයන් කිහිපදෙනෙකු අදහස් දක්වමින් සඳහන් කර සිටියේ සිවිල් නීතිය ගැන හසළ දැනුමක් සහ පරිචයක් ඇතිව ඒ දෘෂ්ටියෙන් අපරාධ නීතිය සහ නඩු කටයුතු විග්‍රහ කරගන්න ගිය විට එවැනි ප්‍රායෝගික අඩුපාඩු නීති වෘත්තිකයන් අතින් සිදුවන බවය. එසේම එම ප්‍රායෝගික දුර්වලතාව නිසාම අපරාධ නඩුවක් වෙනුවෙන් සකස් කළයුතු නෛතික පසුබිමක් සඳහා සිවිල් නඩුවක හැඩයක් ලැබී ඇති බවත් එහෙත් මේ තත්ත්වය අධිකරණ විනිසුරුවරුන්ට හොඳින් පුරුදු බැවින් නීතිය ක්‍රියාත්මකවීම සහ යුක්තිය ඉටුවීම සම්බන්ධව වැරදි අදහසක් තබාගත යුතු නැති බවද ඔවුන් සඳහන් කරයි.

ඒ බව පෙන්වා දෙමින් ඔවුන් සඳහන් කර සිටින්නේ මේ වන විටත් තමන්ද අදාළ කොමිෂන් වාර්තාව විමර්ශනය කරමින් සිටින බවත් පැහැදිළි අවබෝධයකින් තොරව හතු පිපෙන්නාසේ මේ ගැන අදහස් පළකිරීම සුදුසු නොවන බවත්ය.

බැඳුම්කර වාර්තාව අන්තර්ජාලයේ

කෙසේ වුවත් කොමිෂන් සභා වාර්තාව මේ වන විටත් අන්තර්ජාලය වෙත මුදාහැර ඇති බැවින් එය යොදාගෙන මේ කුමන්ත්‍රණයේ ඇත්ත නැත්ත මෙන්ම වාර්තාව හමුවේ මෙතෙක් කුමන්ත්‍රණකාර පාර්ශවය විසින් සමාජගත කළ බොරුවේ තරම හෙළිකර ගැනීම දුෂ්කර නැත.

එහෙත් බුද්ධි අංශ මෙහිදී අනාවරණය කර දක්වන්නේ සම්මුති ආණ්ඩුව බිඳ දැමීම වෙනුවෙන් කොමිසමේ නිර්දේශ ඇතුළත් වාර්තාව පදනම් කරගෙන සිදුකරන විකෘති ප්‍රකාශන සමඟ ජනාධිපතිවරයාගේ ප්‍රකාශද ඇතුළත් කිරීම හේතුවෙන් ජනාධිපතිවරයාගේ ප්‍රතිරූපයට බරපතලම හානිය සිදුවන බවය.

ජනාධිපතිගේ ජනප්‍රියතාව වාෂ්ප වෙන්න අරගෙන

වාර්තා වන ආකාරයට එය මේ වන විට බරපතල තත්ත්වයක් දක්වා වර්ධනයවී ඇති බවටද බුද්ධි තොරතුරු අනාවරණය කරගෙන ඇත. බුද්ධි අංශ විසින් සමාජ ජාලා ඇතුළුව පොදුජන සහභාගීත්වය සක්‍රීයව සිදුවන තෝරාගත් ක්ෂේත්‍ර කිහිපයක් ආවරණය වනසේ විශේෂ සමීක්ෂණයක් සිදුකර ඇති අතර එහිදීද ජනාධිපතිවරයාට පැවති ජනතා විශ්වාසය දුර්වල වෙමින් තිබෙන බව අනාවරණය වූ බවද වාර්තා වෙයි.

මෙම තත්ත්වය එළඹෙන පළාත් පාලන මැතිවරණයේදී ශ්‍රී ලංකා නිදහස් පක්ෂය ප්‍රමුඛ එක්සත් ජනතා නිදහස් සන්ධානයේ ජන්ද ප්‍රමාණය කෙරෙහිද අයහපත් අන්දමින් බලපෑමට ඉඩ ඇති බවත් විශේෂයෙන් 2015 ජනාධිපතිවරයාගේ නායකත්වයට ලැබුණු නව ජන්ද රාශියක් මේ වන විටත් එම පාර්ශවය වෙතින් ගිලිහීයන අවධානමක් මතුව ඇති බවද එම වාර්තා සඳහන් කරයි.

ආර්ථිකය භාරගන්නා කතාවේ ඇත්ත කතාව

මීට ආසන්නතම සිදුවීමක් ලෙස එම වාර්තා පෙන්වා දෙන්නේ පසුගියදා ජාතික ආර්ථිකය නැංවීමේ කටයුත්ත සඳහා ජාතික ආර්ථික සභාව හරහා කටයුතු කරන බවට ජනාධිපතිවරයා සිදුකළ ප්‍රකාශය විකෘති වන ආකාරයට සුක්ෂම ප්‍රචාරයක් කුමන්ත්‍රණකාර පාර්ශව දියත් කිරීමය.

එම පාර්ශවයේ නිවේදනය අනුව නම් කෙනෙකුට සිතෙන්නේ ජනාධිපතිවරයා අමාත්‍යංශ පවරා ගැනීමකට සුදානම් වන බවක්ය. එහෙත් 19 වන ව්‍යවස්ථා සංශෝධනය අනුව ජනාධිපතිවරයාට එවැනි බලයක් නොමැති බවත් ඒ පසුබිමේ ජනාධිපතිවරයාගේ ප්‍රකාශ තම කුමන්ත්‍රණකාර සැලැස්මට අවශ්‍ය ආකාරයට සංස්කරණය වීම හමුවේ සමාජය හමුවේ ජනාධිපතිවරයා හාස්‍යට ලක්ව ඇති බවය.

19 වන ව්‍යවස්ථා සංශෝධනය

19 වන සංශෝධනයේ 43 වැනි වගන්තියේ (3) වන පරිච්ඡේදය මෙසේය.

“ජනාධිපතිවරයා විසින් කවර හෝ අවස්ථාවකදී වුවද, අමාත්‍ය මණ්ඩලය වෙත පවරන ලද විෂය සහ කාර්ය වෙනස් කිරීම සහ අමාත්‍ය මණ්ඩලයේ සංයුතිය වෙනස් කිරීම ද කරනු ලැබිය හැක්කේ ය. අමාත්‍ය මණ්ඩලයේ අඛණ්ඩ පැවැත්මට සහ පාර්ලිමේන්තුව වෙත අමාත්‍ය මණ්ඩලය දරන වගකීමේ අඛණ්ඩ පැවැත්මට එවැනි වෙනස් කිරීමක් බල නොපාන්නේ ය.“

එසේම 19 වන ව්‍යවස්ථා සංශෝධනයේ 43(2) යටතේ අගමැතිවරයාගේ උපදෙස් නොමැතිව ඇමැතිවරුන් පත් කළ නොහැකි බවත් 46 (3) යටතේ අගමැතිගේ උපදෙස් නොමැතිව ජනාධිපතිට ඇමැතිවරයෙකු ධූරයෙන් ඉවත් කළ නොහැකි බවත් දක්වා ඇත.

ජනාධිපතිවරයාගේ ප්‍රකාශ විකෘති වූ කළ ඒවා කාට සේවයක් සිදුකළත් අවසානයේ ජනාධිපතිවරයාට අත්වෙන දේ පැහැදිළි කරගැනීම එම නිදර්ශනය හොඳටම ප්‍රමාණවත්ය.

 උපදේශකයන් මොකද කරන්නේ ?

එසේම ජනාධිපතිවරයාට උපදෙස් ලබාදීම සඳහා සිටින පාර්ශව සිය වගකීම නිසිලෙස ඉටුකිරීමට අසමත්වීම හමුවේ මේ තත්ත්වය මතුව ඇති බවත් ඔවුන් විසින් ජනාධිපතිවරයාව ජනප්‍රිය කිරීම වෙනුවෙන් සිදුකළ බොහෝ කටයුතු අවසානයේ ජනාධිපතිවරයාගේ ජනප්‍රියත්වයට හානියක් නිසා ලැබුණු වාසියක් නොමැති බවද තහවුරුව තිබේ.

අලුත් ජන්ද අවධානමේ !

විශේෂයෙන්ම මේ තත්ත්වය අලුත් ජන්ද දිනාගැනීමට ඇති අවස්ථාව අහිමිකර ගැනීමක් වන බවත් එය එළඹෙන මැතිවරණයේදී ජනාධිපතිවරයා නායකත්වය දෙන පාර්ශවයට සෘණාත්මක බලපෑමක් කරනු ඇති බවද බුද්ධි අනාවරණ සඳහන් කරයි.

එසේම ජනාධිපතිවරයාගේ ප්‍රතිරූපය නැංවීම වෙනුවෙන් ලියන කියන මාධ්‍ය කණ්ඩායම් පවා පැරණි රාජපක්ෂ මාදිලිය අනුගමනය කරමින් සිටින බවත් එයද ජනාධිපතිවරයාගේ ප්‍රතිරූපයට හානිකර බවත් දැනගන්නට ඇත.

රාජපක්ෂලාට වැරදුණ තැනත් මෙතැන

තම අත්දැකීම් ඇසුරෙන් මේ තත්ත්වය විග්‍රහකරන එම වාර්තා වැඩිදුරටත් සඳහන් කර සිටින්නේ 2009 යුධ ජයග්‍රහණයෙන් පසුව හිටපු ජනාධිපතිවරයාගේ ජනප්‍රියත්වය හීන වූ ආකාරයට සමාන තත්ත්වයක් වත්මන් ජනාධිපතිවරයාට අත්වෙමින් තිබෙන බවය.

ජනාධිපති බැඳුම්කර කොමිසම පත්කළ ගැසට් පත්‍රය 

Comment (0) Hits: 1722

ප්‍රවීන පුවත්පත් කළාවේදී ජටිල වැල්ලබඩ අභාවප්‍රාප්ත වෙයි

ස්වාධීන රූපවාහිනී සේවයේ උපදේශක (ප්‍රවෘත්ති ) ලෙස සේවය කළ ප්‍රවීන පුවත් පත් කළාවේදී ජටිල වැල්ලබඩ මහතා අද (21) අභාවප්‍රාප්ත විය.

ඒ මහතා 1984දී ආධුනික පුවත්පත් කලාවේදියෙකු ලෙස දිවයින පුවතින් ස්වකීය වෘත්තීය ජීවිතය ඇරඹීය. පුවත්පත් ක්ෂේත්‍රවල දස්කම් දැක් වූ ඔහු වඩාත් ප්‍රකට වූයේ දේශපාලන පුවත වාර්තාකරුවෙකු ලෙසය.

වසර 2002 දී ඔහු දිනපතා ලක්බිම පුවත් පතේ ප්‍රධාන කර්තෘවරයා විය. වසර දහයක් පමණ කර්තෘත්වය දැරූ ඒ මහතා , පසුව ඉරුදින පුවත්පතේ කර්තෘ ලෙස පත්විය. ඉන්පසුව ඔහු ෆ්රන්ට් පේජ් හා සවන යන අන්තර් ජාලා වෙබ් අඩවි සේවාවේ ප්‍රධානියා ලෙස කටයුතු කළේය.

මිය යන විට ඒ මහතා ස්වාධීන රූපවාහිනී සේවයේ උපදේශකවරයෙකු ලෙස (ප්‍රවෘත්ති ) සේවය කරමින් සිටියේය.

ඒ මහතා කොළඹ ආනන්ද විද්‍යාලයේ ආදී සිසුවෙකි.  ප්‍රියදර්ශනී වැල්ලබඩ මහත්මියගේ ආදරණීය සැමියා වූ ඒ මහතා දෙදරු පියෙකි.

මිය යන විට ඔහු 56 වැනි වියේ පසු විය.

පුවත් පත් කලාව පිළිබද දෙසු විදෙස් ඩිප්ලෝමාධිවරයෙකු වූ ඒ මහතා වසර ගණනාවක් පුරා ශ්‍රි ලංකා කර්තෘ සංසද සම්මාන උළලේ විනිශ්චය මණ්ඩලය නියෝජනය කළේය. 'ඔහු ජයවර්ධන පුර හා කැළණිය යන විශ්වවිද්‍යාල වල බාහිර කථිකාචාර්යවරයෙකු ලෙසද සේවය කළ අතර, ඔහු ශ්‍රී ලංකා කර්තෘ සංසදයේ හිටපු ලේකම්වරයෙකි.

මහජන ගෞරවය සදහා දේහය කැළණිය රජමහ විහාරස්ථානය අසල පිහිටි ඒ මහතාගේ නිවසේ තැන්පත් කර ඇත. අවසාන කටයුතු බදාදා ( 24 ) පස්වරු 5.00ට කැළණිය පිලපිටිය පොදු සුසාන භූමි‍යේදී සිදුකෙරේ.

 

Comment (0) Hits: 1111

චාමරගේ සිඟිති ආතල් අපට අදාළ නෑ - - ගුරු සංගම්

බදුල්ල දමිල කාන්තා විදුහලේ විදුහල්පතිනියට පරුෂවචනයෙන් බැනවැදී දනගැස්සවීම සිදුවීම සම්බන්ධව එල්ලවන සමාජ ප්‍රතිරෝධය සමනය කර ගැනීම සඳහා තුට්ටු දෙකේ වැඩ පෙන්වන තැනට ඌව ප්‍රධාන අමාත්‍යවරයා පත්ව ඇති බවත් ඔහුගේ මේ වැඩ සිඟිති ආතල් බැවින් ඒ පිළිබඳ බරපතල ලෙස නොතකන බව ගුරු වෘත්තීය සමිති ක්‍රියාකාරීන් සඳහන් කර සිටියි.

අදාළ සිදුවීම සම්බන්ධව සිදුකරන පොලිස් පරීක්ෂණවලට සහයදීම සඳහා තමන් ඌව අධ්‍යාපන අමාත්‍යධුරයෙන් ඉවත්වූ බවට ඌව පළාත් ප්‍රධාන අමාත්‍ය චාමර සම්පත් දසනායක අද (21) සිදුකළ ප්‍රකාශය සම්බන්ධව newstube.lk සිදුකළ අදහස් විමසීමේදී ගුරු වෘත්තීය සමිති නියෝජිතයන් මෙම අදහස් පළකර සිටින ලදී.

එහිදී newstube.lk වෙත ප්‍රකාශයක් කරමින් ගුරු වෘත්තීය සමිති නියෝජිතයකු වැඩිදුරටත් සඳහන් කර සිටියේ වයඹ පළාත් සභාවේ ගුරුවරියක දනගැස්සවූ පළාත් සභා අමාත්‍යවරයාට ඒ සඳහා පක්ෂ නායකත්වයෙන් ලැබෙන වරප්‍රසාදය පිළිබඳ අත්දැකීම් පවතින නිසා ඌව පළාත් සභා ප්‍රධාන අමාත්‍යවරයාද මෙවැනි විකාර සහගත ප්‍රහසන සිදුකරන බවක් පෙනීයන බවය.

ජනාධිපතිවරයාගේ දෙපැත්ත කැපෙන කඩුව දේශපාලන වේදිකාවල කතාවලට පමණක් සීමාවී ඇති බවත් මෙතරම් අමානුෂික සහ මානව හිමිකම් උල්ලංඝණය වීමක් සිදුව තිබියදී ඒ පිළිබඳ කිසිඳු ක්‍රියාමාර්ගයක් නොගෙන ඇත්තේ ඒ නිසා බවද ඔවුන් සඳහන් කර සිටියි.

එසේම තමන් අදාළ විදුහල්පතිනියට සිදුවූ අසාධාරණයට එරෙහිව දිගින් දිගටම පෙනී සිටින බවත් ඒ හේතුවෙන් ප්‍රධාන අමාත්‍යවරයාට එරෙහිව නිසි නෛතික ක්‍රියාමාර්ග ගැනීමට වගකිව යුතු පාර්ශව ක්‍රියා නොකළහොත් ඊට එරෙහිව වෘත්තීය ක්‍රියාමාර්ග හරහා මෙන්ම එළඹෙන තැපැල් ජන්දයෙදීද ආණ්ඩුවට තමන්ගේ ප්‍රතිචාරය ලබාදීමට සුදානම් බවද ඔවුන් පැවසීය.

Comment (0) Hits: 939

ජනපති අයෙත් 'ගේමක්' ඉල්ලයි : ඡන්දයට පසු කැබිනට් වෙනසක් !

ජනතාවගේ ජීවන බර අඩු කිරීම සඳහා රටේ ආර්ථික කළමනාකරණයේ වගකීම තමා අතට ගන්නා බව ඊයේ (20) කෑගල්ලේ පැවති සන්ධානයේ මැතිවරණ ප්‍රචාරක රැළියක් අමතමින් ජනාධිපතිවරයා කියා සිටියේය.

පසුගිය වසර තුන පුරා එක්සත් ජාතික පක්ෂයට රටේ ආර්ථික කළමනාකරණයට ඉඩ දී තිබුණත් මෙම වසරේ සිට එම වගකීම තමා අතට ගන්නා බව ජනාධිපතිවරයා එහිදී පැවසිය.

ඒ සඳහා මීට තෙමසකට පෙර ජාතික ආර්ථික සභාව පත් කළ බව පැවසූ ජනාධිපතිවරයා, ඒ හරහා රටේ ආර්ථිකය ඉදිරියට මෙහෙයවමින් ජනතාවට සහන ලබාදීමට කටයුතු කරන බව ද ප්‍රකාශ කළේය.

සටන ඡන්දයට පසුදාම :

දේශීය කර්මාන්ත, දේශීය නිෂ්පාදන සහ දේශීය ආයෝජන සියල්ල ආරක්ෂා කරමින් රටේ ජාතික ආර්ථිකය ශක්තිමත් කිරීමේ වගකීම තමා භාරගන්නා බව ද මෙහිදී ප්‍රකාශ කළ ජනාධිපතිවරයා, රට හැර නොගොස් මාතෘභූමිය ගොඩනැගීමට එක්වන ලෙස තමා සියලූ දේශීය කර්මාන්තකරුවන්ගෙන් මෙන්ම ආයෝජකයින්ගෙන්ද ඉල්ලා සිටින බව ප්‍රකාශ කළේය.

ස්වාභාවික සම්පත්වලින් අනූන අපේ රට ලෝකයේ දියුණු රාජ්‍යයක් බවට පත්කිරීමට කිසිදු බාධාවක් නොමැති අතර ඇති එකම බාධාව දූෂිත දේශපාලනය බව මෙහිදී ප්‍රකාශ කළ ජනාධිපතිවරයා, දූෂිත දේශපාලනයට තිත තැබීමේ ගමන තමා මෙම පෙබරවාරි 10 වෙනිදා පළාත් පාලන මැතිවරණයත් සමග ආරම්භ කරන බවද කියා සිටියේය.

එමෙන්ම රටේ සියලූ ආගමික නායකයින් උගතුන්, බුද්ධිමතුන් සහ රටේ සියලූ ජනතාව එකම කොඩියක් යටතට ගෙන එමින් මේ රට දූෂණයෙන් වංචාවෙන් තොර ලෝකයේ ප්‍රබුද්ධ රාජ්‍යයක් ලෙස ගොඩනැගීමේ ගමන ද එම මැතිවරණ ජයග්‍රහණයත් සමග අරඹන බව ජනාධිපතිවරයා පැවසීය.

 කැබිනට් සංශෝධනයක් :

ජනාධිපතිවරයාගේ කෑගලු කතාව සම්බන්ධයෙන් අදහස් දැක්වූ ජනාධිපති කාර්යාලයේ ප්‍රධානියකු පැවසුයේ පළාත් පාලන මැතිවරණය අවසන්වූ වූ වහාම යලි කැබිනට් සංශෝධනයක් කිරීමට ජනාධිපතිවරයා තීරණය කර ඇති බවයි.

එහිදී ආර්ථිකයට සම්බන්ධ විෂයන් කිහිපයක්ම ජනාධිපතිවරයා යටතට පත්වනු ඇති බවද ඔහු කියා සිටියේය.

Comment (0) Hits: 997

පොහොට්ටුවේ ඉන්න ශ්‍රීලනිප මන්ත්‍රීලට චන්ද්‍රිකාගෙන් අවසන් දිනයක්

රාජපක්ෂ පවුලේ බලතන්හාව සඳහා සංවිධානය කරගෙන ඇති ශ්‍රී ලංකා පොදුජන පෙරමුණට සහයදීමේ නිරතව සිටින ශ්‍රීලනිප මන්ත්‍රීවරුන් පෙබරවාරි 07 වන දිනට පෙර පක්ෂ විනය තුළ කටයුතු කළයුතු බව හිටපු ජනාධිපතිනි චන්ද්‍රිකා බණ්ඩාරනායක කුමාරතුංග සඳහන් කරයි.

පසුගියදා ගම්පහ ප්‍රදේශයේ පැවති ජනහමුවකදී හිටපු ජනාධිපතිනිය මේ බව සඳහන් කළ අතර එසේ පක්ෂ විනයට අනුව කටයුතු නොකරන සියළු මන්ත්‍රීවරුන් සම්බන්ධව දැඩි විනය ක්‍රියාමාර්ග ගැනීම පෙබරවාරි 07 න් පසුව සිදුවන බවද පැවසුවාය.

එහෙයින් රාජපක්ෂවරුන් සමඟ එකතුව ශ්‍රීලංකා නිදහස් පක්ෂය දුර්වල කිරීමට කටයුතු කරනවාද නැතිනම් ශ්‍රීලනිප ප්‍රතිපත්තිය දියත්කර රට ගොඩනැගීම වෙනුවෙන් පක්ෂය ශක්තිමත් කරනවාද යන්න ගැන තීන්දුව ගත යුතු බව හිටපු ජනාධිපතිවරිය සඳහන් කර සිටියාය. එසේම දැනටත් පොහොට්ටුව රට වටේ යන්නෙ ශ්‍රීලනිපය ප්‍රමුඛ එක්සත් ජනතා නිදහස් සන්ධානයේ මන්ත්‍රීවරුන්ගේ කරපිටින් බව තේරුම් ගෙන කටයුතු කළයුතු බවත් ශ්‍රී ලංකා නිදහස් පක්ෂය නොතිබෙන්න එම කිසිවෙකුට දේශපාලන අනාගතයක් නොමැති බවද ඇය සඳහන් කළාය.

Comment (0) Hits: 982

එජාපයට දුන්නා ඇති - රටේ ආර්ථිකය මං ගන්නවා - ජනාධිපති

වසර තුනක පමණ කාලයක් එක්සත් ජාතික පක්ෂයට ලබාදී තිබූ ආර්ථිකයට අදාළ වගකීම මෙම වසරේ සිට තමන් යටතට ගන්නා බව ජනාධිපති මෛත්‍රීපාල සිරිසේන සඳහන් කරයි.

එසේම මීට මාස තුනකට පෙර තමන් පිහිටවූ ජාතික ආර්ථික සභාව හරහා රටේ ආර්ථික කළමනාකරණයේ වගකීම ඉටුකිරීමට කටයුතු කරන බවත් ඒ හරහා රටේ ආර්ථිකය ඉදිරියට මෙහෙයවමින් ජනතාවට සහන ලබාදීමට කටයුතු කරන බවද ජනාධිපතිවරයා පැවසීය.

ජනාධිපතිවරයා මෙම අදහස් පළකර සිටියේ පළාත් පාලන මැතිවරණය වෙනුවෙන් 20 වනදා කෑගල්ල පොළ භුමියේ පැවති එක්සත් ජනතා සන්ධානයේ මැතිවරණ රැළියක් අමතමින්ය.

තවද දේශිය කර්මාන්ත, දේශීය නිෂ්පාදන සහ දේශීය ආයෝජන සියල්ල ආරක්ෂා කරමින් රටේ ජාතික ආර්ථිකය ශක්තිමත් කිරීමේ වගකීම තමා භාරගන්නා බව ද මෙහිදී ප‍්‍රකාශ කළ ජනාධිපතිතුමා රට හැර නොගොස් මාතෘභූමිය ගොඩනැගීමට එක්වන ලෙස තමා සියලූ දේශීය කර්මාන්තකරුවන්ගෙන් මෙන්ම ආයෝජකයින්ගෙන්ද ඉල්ලා සිටින බවද ප‍්‍රකාශ කළේය.

එමෙන්ම ස්වාභාවික සම්පත්වලින් අනූන මේ රට ලෝකයේ දියුණු රාජ්‍යයක් බවට පත්කිරීමට කිසිදු බාධාවක් නොමැති බවත් ඊට ඇති එකම බාධාව දූෂිත දේශපාලනය බව සඳහන් කළ ජනාධිපතිවරයා දූෂිත දේශපාලනයට තිත තැබීමේ ගමන මෙම පෙබරවාරි 10 වෙනිදා පළාත් පාලන මැතිවරණයත් සමග ආරම්භ කරන බවද කියා සිටියේය.

බැඳුම්කර මංකොල්ලය කළේ කවුද කියලා රටම දන්නවා - ජනාධිපති

මේ අතර බැඳුම්කර ගනුදෙනුව පිළිබඳවද ජනාධිපතිවරයා සිය කතාවේදී අදහස් දක්වා ඇත.

ඒ 71 නැගීටීම සම්බන්ධ අතීත කතාවක්ද සිහිපත් කරමින්ය.(සංස්කරණයකි)

71 තරුණ සහෝදරවරු වරකාපොල පොලිසියට ගැහුවා. ගහලා එතන සමතලා කරා පොලිසියක් තිබුණද කියලවත් හොයාගන්න අමාරු වෙන විදිහට. දවස් දෙක තුනකට පස්සේ ඒ පහරදීමට සම්බන්ධ අයව අත්අඩංගුවට අරගෙන ඇවිත් පොලිසියේ අය ප්‍රශ්න කරන්න ගත්තා. කවුද මේකට සම්බන්ධ? කියලා පොලිසිය අහනකොට අර පහර දුන්න කෙනා කියනවා දන්නෙ නෑ කියාලා. පොලිසිය අහනවා කවුද මේ පහරදීම සංවිධානය කළේ කියලා, ඒකටත් කියන්නෙ දන්නෙ නෑ කියලා. ඒ වගේ තමයි බැඳුම්කරේ ගැනත් එක එක උදවිය කියන්නෙ. ඒත් බැඳුම්කර මංකොල්ලය කළේ කවුද කියලා රටම දන්නවා.

අගමැති සහ ජනාධිපති අතර සීතල යුද්ධයක් - හිටපු ජනාධිපති මහින්ද

මේ අතර මහනුවර ගෙලිඔය ප්‍රදේශයේ පැවති ජනහමුවකට එක්වෙමින් හිටපු ජනාධිපති මහින්ද රාජපක්ෂ සඳහන් කර සිටියේ අගමැති සහ ජනාධිපති අතර සීතල යුද්ධයක් ආරම්භවී ඇති බවය.

එසේම දුෂිතයන් නරකාදියට යවන තෙක් ජනාධිපති බලයේ ඉන්න බව පවසා ඇති බවත් ඔහුට ධුරය ලැබීමෙන් පසුව දිගටම ඉන්න බැරි බව අමතකවී ඇති බවත් එහිදී හිටපු ජනාධිපතිවරයා පැවසීය.

Comment (0) Hits: 887

Page 622 of 642