V2025

පුවත්

මංගල කට අරි - 'ජනපතිට එරෙහි කුමන්ත්‍රණයක් ! (වීඩියෝ)

දේශපාලන ක්ෂේත්‍රයේ සිදුවීම් සම්බන්ධයෙන් මෑතක සිට ප්‍රසිද්ධ නිහඬ පිළිවෙතක් අනුගමනය කරන මුදල් හා මාධ්‍ය අමාත්‍ය මංගල සමරවීර මහතා ඊයේ විශේෂ ප්‍රකාශයක් කරමින් ජනාධිපති මෛත්‍රීපාල සිරිසේන මහතා ඉදිරියේදී මුහුණදී ඇති අනතුරක් හෙළිදරව් කළේය.

අගමැති රනිල් වික්‍රමසිංහ මහතාට එරෙහිව ඒකාබද්ධ විපක්ෂය විසින් ඉදිරිපත් කර ඇති විශ්වාස භංගයේ මුලික ඉලක්කය වී ඇත්තේ ජනාධිපති මෛත්‍රීපාල සිරිසේන මහතා බව ඔහු එහිදී අවධාරණය කර සිටියේය.

මෛත්‍රීපාල සිරිසේන මහතා ජනාධිපති ධුරයට පත්කර ඔහුව ආරක්ෂා කරමින් සිටින එක්සත් ජාතික පක්ෂ නායකයා හා ජනාධිපතිවරයා අතර ගැටුමක් ඇතිකර ජනාධිපතිවරයා දේශපාලනිකව අස්ථාවර කිරීම ඒකාබද්ධ විපක්ෂයේ උත්සාහය වී ඇතැයි ඇමතිවරයා එහිදී ප්‍රකාශ කළේය.

ඒකාබද්ධය විශ්වාස භංගයෙන් පසු කතානායක ධුරයට තමන්ගේ හිතවතකු දමා ජනාධිපතිවරයට එරෙහිව දෝෂාභියෝගයක් ගෙන ඒමේ සුදානමක් ඇතැයි ද මංගල සමරවීර අමාත්‍යවරයා එහිදී අවධාරණය කර සිටියේය.

Comment (0) Hits: 1419

'තනතුරු ලැබෙනවා නම් කා එක්ක වුණත් එකතු වෙනවා' - අමරවීර

''ශ්‍රිලනිපයට ප්‍රධාන තනතුරු ලැබෙනවා නම් කා එක්ක වුණත් අපි එකතු වෙනවා'' යයි එක්සත් ජනතා නිදහස් සන්ධානයේ මහ ලේකම්, ධීවර හා ජලජ සම්පත් අමාත්‍ය මහින්ද අමරවීර මහතා පවසයි.

25දා අඟුණුකොළපැලැස්සේ පිහිටි ඔහුගේ නිවෙසේදී පැවති රැස්වීමකදී එබව සඳහන් කළ ඇමතිවරයා මෙසේද පැවසිය.

''අපි කිසිදු පක්ෂයක් එක්ක කටයුතු කරනවා කියලා තාම සාකච්ඡා කරල නැහැ. අපි බලාපොරොත්තු වෙන්නේ මොන පක්ෂය වුණත් කමක් නැහැ අපිට බලය ලැබෙනවා නම් අපේ අයට ප්‍රධාන තනතුරු ලැබෙනවා නම් අපි ඒ අයත් එක්ක එකතු වෙනවා.

කොට්ඨාසයට මන්ත්‍රිවරයෙක් ඉන්නවා. නමුත් ප්‍රායෝගික ගැටලු ටිකක් මතු වෙලා තියෙනවා. ඒක නිවැරැදි කරන්න අපි බලාපොරොත්තු වෙනවා.

බහුතර බලයක් එක් පක්ෂයකට ලබා ගැනීම අපහසු වීම නිසා පළාත් පාලන ආයතන පිහිටුවීම ප්‍රමාද වෙලා එයයි අපි ඉදිරියේදී වෙනස් කරන්නේ.''

ශ්‍රීලනිපයේ 'ඩබල් ගේම්' !

මේ අනුව පොහොට්ටු පක්ෂය සමග එක්ව පළාත් පාලන බලය පිහිටුවීමට අමාත්‍ය එස්.බී. දිසානායක දිසානායක මහතා, ශ්‍රී ලංකා නිදහස් පක්ෂය වෙනුවෙන් සාකච්ජා පවත්වමින් සිටින අතර ශ්‍රීලනිප මහ ලේකම් අමාත්‍ය දුමින්ද දිසානායක මහතා සිය ආධාරකරුවන්ට උපදෙස් දී ඇත්තේ, එක්සත් ජාතික පක්ෂය සමග එක්ව පළාත් පාලන ආයතන වල බලය තහවුරු කරගැනීමට කටයුතු කරන ලෙසයි.

මේ සම්බන්ධයෙන් කල විමසීමකදී අදහස් දැක්වූ පොහොට්ටු පක්ෂයේ ප්‍රධානියකු පැවසුයේ, ශ්‍රී ලංකා නිදහස් පක්ෂය තම පක්ෂය සමගත් එක්සත් ජාතික පක්ෂය සමගත් වෙන වෙනම රහස් සාකච්ජා පවත්වමින්, කේවල් කරමින් කුමන පක්ෂයකට හෝ 'ජැක්' ගසා උප නගරාධිපති, උප සභාපති ආදී තනතුරු ලබාගැනීමට අවස්ථාවාදී ලෙස කටයුතු කරමින් සිටින බවයි.

මෙම තත්වය තුල පළාත් පාලන ආයතන බහුතරයක තනතුරු හා වරප්‍රසාද ලබාගැනීමට ශ්‍රීලනිපය කටයුතු කරමින් සිටින බව ඔහු වැඩිදුරටත් පැවසිය.

Comment (0) Hits: 572

යුද්ධයේ කාලකණ්නි මතකයක් කිලිනොච්චියෙන් ඉවතට

යුද්ධයේ අමිහිරි මතකය මිහිරිව තබා ගැනීම වෙනුවෙන් තබාගෙන සිටි ගැටුම්වලින් බිමට සමතලා වූ කිලිනොච්චිය නගරය මැද පිහිටි යෝධ වතුර ටැංකිය එම ස්ථානයෙන් ඉවත් කිරීමට යන බව වාර්තා වෙයි.

2000 වර්ෂයේ පමණ එම ප්‍රදේශයේ ඇති වූ දරුණු යුද ගැටුම්වල ප්‍රතිඵලයක් වශයෙන් මෙම යෝධ වතුර ටැංකිය විනාශ වී ඇත.

පැවති රාජපක්ෂ රෙජීමය විසින් යුද්ධයේ අමිහිරි මතකයක් ලෙස එය ඉවත් කරනු වෙනුවට එය කිළිනොච්චියට ආවේණික වූ සංකේතයක් වශයෙන් තබාගන්නට එය වටා ආරක්ෂිත වැටක් ඉදිකොට තිබු අතර ඊට විශේෂ ආරක්ෂාවක්ද යොදා තිබිණ.

කෙසේ නමුත් මේ යුද්ධයේ මුසල මතකය වමාරවන මේ විනාශවූ අවශේෂ වතුර ටැංකිය එම ස්ථානයෙන් ඉවත් කිරීම යහපාලන ආණ්ඩුවේ බලධාරීන් පමාවීගත් හොඳ තීන්දුවක්ය.

Comment (0) Hits: 498

පක්ෂ ප්‍රතිසංවිධානයට අවසන් දිනය අප්‍රේල් 4 : නැත්නම් UNP 27ක් අගමැතිට එරෙහිව

එළඹෙන අප්‍රේල් 4 ට පෙර එක්සත් ජාතික පක්ෂයේ අපේක්ෂිත ප්‍රතිසංවිධාන කටයුතු සිදුනොවන්නේ නම් එදිනට පක්ෂයේ 27 දෙනෙකු අග්‍රාමාත්‍ය රනිල් වික්‍රමසිංහට එරෙහි විශ්වාසභංග යෝජනාවට පක්ෂව ජන්දය ප්‍රකාශ කිරීමට හෝ ජන්දය වර්ජනය කිරීමට නියමිත බව රාජ්‍ය අමාත්‍ය පාලිත රංගේබණ්ඩාර සඳහන් කරයි.

එසේම මේ වන විට ලබා ඇති අපකීර්තිය පදනම් කරගෙන අදාළ දිනයට පෙර රනිල් වික්‍රමසිංහ මහතා පක්ෂ නායකත්වයෙන් සහ අග්‍රාමාත්‍යධුරයෙන් ඉවත්විය යුතු බවත් මින් පෙර කිසි දිනෙක එක්සත් ජාතික පක්‍ෂ නායකයෙකු මෙතරම් අපකීර්තියට ලක් වී නැති බවද ඔහු පවසයි.

ආනමඩුව ආසනය සදහා තේරී පත් වූ පළාත් පාලන මන්ත‍්‍රීවරුන් දිවුරුම් දීමේ අවස්ථාවේදී ප්‍රසිද්ධියේ මාධ්‍ය අමතමින් රාජ්‍ය අමාත්‍යවරයා මේ බව සඳහන් කළඅතර අග්‍රාමාත්‍යවරයාට සහය පලකරමින් අත්සන් කරන ලද යෝජනාවට තමන් අත්සන් නොකල බවත් එසේ අත්සන් කිරීමටද තමන්ට අදහසක් නැති බවත් ඔහු සදහන් කර ඇත.

Comment (0) Hits: 471

LTTE නැවක් මුහුදේ ගිල්වයි

එල්ටිටිඊ සංවිධානය විසින් භාවිතා කරන ලද "වෙලින්" හෙවත් A 522 නෞකාව මුහුදේ ගිල්වා විනාශ කිරීමට බලධාරීන් කටයුතු කර ඇත.

වාර්තා වන ආකාරයට ඒ අදාළ නෞකාව කැබලි කර විකිණීමට ලංසු කැඳවූ නමුත් ඊට නිසි මිලක් නොලැබී ඇති නිසාය.
අදාළ නෞකාව යුධ සමයෙන් පසු නාවික හමුදාව අත්පත් කර ගැනීමට කටයුතු කළ අතර, එම නෞකාව මේ වන තෙක් නාවික හමුදාව භාරය ආරක්‍ෂිතව කොළඹ වරායේ නැංගුරම්ලා තිබුණි.

නෞකාව භාවිතා කිරීමට නොහැකි තත්වයේ පැවති හෙයින් එය නිසි ක්‍රමවේදයන්ට අනුව මුහුදේ ගිල්වා දැමිමට රජය තිරණය කළ අතර, ඒ අනුව අද (මාර්තු 26) බටහිර මුහුදු තීරයේදී ඒ 522 නෞකා‍ව ගිල්වා දැමිමට නාවික හමුදාව කටයුතු කරන ලදී

තවද, ගිල්වන ලද නෞකව තුල විශාල වශයෙන් කොරල්පර බිහිවිම සහ ජලජ ජිවින් ගැවසිම හේතුවෙන් දේශිය සහ විදේශිය සංචාරකයින් හට කිමිදුම් කටයුතු සිදු කිරීමට හැකි වනු ඇති අතර, එය අප රටේ සංචාරක ව්‍යාපරයට මහත් රැකුලක් වනු ඇත.

View the embedded image gallery online at:
http://newstube.lk/news?start=6660#sigProIdb9e7490885

Comment (0) Hits: 650

නාවික හමුදාවට ඉන්දියාවෙන් දෙවන අධි තාක්ෂණික නෞකාවක්

ශ්‍රී ලංකා නාවික හමුදාවේ මෙහෙයුම් කටයුතු පුළුල් කිරීම වෙනුවෙන් ඉන්දියානු ‍ගෝවා නැව් තඨාකාංගනයේ නිෂ්පාදනය කරන ලද දෙවන ගැඹුරු මුහුදු නිරීක්ෂණ නෞකාව අද (මාර්තු 26) උදෑසන 0940 පමණ කොළඹ වරායට සේන්දු විය. එහිදී නාවික සම්ප්‍රදායානුකූල චාරිත්‍ර අනුව නාවික හමුදාව විසින් එම නෞකාව පිළිගන්නා ලදී.

නෞකාවේ අණදෙන නිලධාරී වශයෙන්, කපිතාන් (ඒඑස්ඩබ්) සමන් පෙරේරා මහතා කටයුතු කරනු ලබන අතර, නිලධාරීන් 18 දෙනෙකුගෙන් සහ නාවිකයින් 100 දෙනෙකුගෙන් එහි නැව් මුළුව සමන්විත වේ. මෙම නෞකාව ඉන්දියාවේ සිට ශ්‍රී ලංකාව වෙත රැගෙන එම කොමදෝරු ආනන්ද ගුරුගේ මහතාගේ පුර්ණ අධික්‍ෂණය යටතේ සිදුවිය.

මෙම අවස්ථාව සඳහා නාවික හමුදාධිපති, වයිස් අද්මිරාල් සිරිමෙවන් රණසිංහ, නාවික හමුදා නියෝජ්‍ය මාණ්ඩලික ප්‍රධානී සහ අධ්‍යක්ෂක ජෙනරාල් මෙහෙයුම්, රියර් අද්මිරාල් පියල් ද සිල්වා, බටහිර නාවික විධානය භාර ආඥාපති, රියර් අද්මිරාල් නිශාන්ත උළුගේතැන්න, නාවික හමුදාධිපතිගේ ලේකම් සහ නාවික ලේකම්, රියර් අද්මිරාල් (සැපයුම්) විජිත මැද්දගොඩ මහතා, අධ්‍යක්‍ෂ නාවික මෙහෙයුම් කොමදෝරු සංජිව ඩයස් යන ජ්‍යෙෂ්ඨ නිලධාරීන් සහභාගී වී සිටියහ. තවද, නාවික හමුදා මූලස්ථානය සහ බටහිර නාවික විධානය නි‍යෝජනය කරමින් ජ්‍යෙෂ්ඨ නිලධාරීන් රැසක් ද එම අවස්ථාව සඳහා එක් වී සිටියහ.

ඉන් අනතුරුව, නාවික හමුදාධිපතිතුමා නෞකාවේ නිරීක්ෂණ චාරිකාවාරයක නිරතවූ අතර, එහිදී නෞකාවේ ක්‍රියාකාරීත්වය, මෙහෙයුම් සූදානම සහ සැකැස්ම පිළිබඳව නාවික හමුදාධිපතිතුමන්ගේ නිරීක්ෂණයට ලක් විය. මෙම නෞකාව නුදුරේදීම සන්නද්ධ හමුදා සේනාධිනායක, අතිගරු ජනාධිපති මෛත්‍රීපාල සිරිසේන මැතිතුමාගේ සුරතින් අධිකාරියට පත් කිරීමට නියමිතව ඇත.

එමෙන්ම, පසුගිය මාර්තු 23 වන දින මෙම නෞකාව නිල වශයෙන් නාවික හමුදාවට භාර දීමේ උත්සවය, ඉන්දියාවේ ශ්‍රි ලංකා මහ කොමසාරිස්වරිය ලෙස කටයුතු කරන අතිගරු චිත්‍රාංගනි වාගිෂ්වර මැතිණියගේ ප්‍රධානත්වයෙන් ඉන්දියාවේ ගෝවා නැව් තඨාකංගනයේදී සිදු කෙරුණි. එහිදී නාවික හමුදා මාණ්ඩලික ප්‍රධානී රියර් අද්මිරාල් නීල් රොසයිරෝ මහතා විසින් නිල වශයෙන් නෞකාව භාර ගන්නා ලදී.

View the embedded image gallery online at:
http://newstube.lk/news?start=6660#sigProId252878b329

Comment (0) Hits: 522

''අපි ත්‍රස්තවාදීන්ට එරෙහිව අවිහිංසාවාදීව ක්‍රියා කළා'' - චම්පික

''අපි ත්‍රස්තවාදීන්ට එරෙහිව අවිහිංසාවාදීව කටයුතු කළා මිස කිසිම ආකාරයක සන්නද්ධ ක්‍රියාදාම වල නියැලිලා නැහැ.'' යයි ජාතික හෙළ උරුමයේ මහලේකම්, මහානගර හා බස්නාහිර සංවර්ධන අමාත්‍ය පාඨලී චම්පික රණවක මහතා කියා සිටියි.

ඇමතිවරයා මෙම අදහස් පළ කර සිටියේ, වර්තමාන දේශපාලන තත්වය පිළිබඳව බත්තරමුල්ල හෙළ උරුමය පක්ෂ කාර්යාලයේදී අද(26) දින පැවති මාධ්‍ය දැනුවත් කිරීමේ හමුවකට සහභාගී වෙමිනි.

එහිදී අදහස් දැක්වූ ඇමතිවරයා මෙසේද පැවසිය.

 ''සන්නද්ධ කල්ලි රජයේ අරමුදල්වලින් පවත්වාගෙන ගිහිල්ලා, සිය ගණනක් මිනිසුන් අතුරුදහන් කළ මිනීමරුවෝ අද තමන්ගේ ප්‍රකාශකයෝ හරහා මේවයේ වගකම අනෙක් අයට පැවරීමේ ශුද්ධවන්තයින් වීමේ, තමන්ගේ ලේ තැවරුණු ටයි කෝට්වලට උඩින් සිල් රෙදි ඇඳ ගැනීමේ ව්‍යාපාරයක් තමයි මේ පොහොට්ටු පක්ෂය අද ක්‍රියාත්මක කර තිබෙනවා.

අපි සතුටු වෙනවා මොකද අපි අභියෝගයක් හැටියට දැකීම පිළිබඳව. ඒ නිසා අප ඉදිරියටත් මේ රටේ සාමය ඇති කරලීම සඳහා කටයුතු කරනවා.

අපි ලියපු පොත පහේ ජාතිවාදයක් නැහැ :

ඒ වගේම සමහර මුස්ලිම් අයිතීන් රැක ගැනීමේ ව්‍යාපාරය කියා කොටසක් චෝදනා කර තිබුණා. අපි ලියපු පොත පත විසින් තමයි මේවා ඇති කළේ කියා.

අප ලියපු පොත්පත් ශාස්ත්‍රීය පොත්පත්. ඒවායේ තිබෙන එක වැරදි කරුණක් හරි පෙන්නලා දෙන්න කියලා අපි අභියෝග කරනවා.

මොකද මවිසින් රචනා කළ අල්ජිහාඞ් අල්කයිඩා කෘතියෙ තියෙන්නේ, අල්කයිඩා ත්‍රස්තවාදී සංවිධානය ඇතිවූ ආකාරය හා ගමන් මග. එහි කිසිම සාමාන්‍ය මුස්ලිම් ජනතාවකට හෝ ලංකාවේ මුස්ලිම් සමාජයට සම්බන්ධයක් නැහැ.

ඒ වගේම ඒ වකවානුවේ අග්නිදිග විශ්ව විද්‍යාලයට එකතු වෙලා ලංකාව තුළ වෙනම මුස්ලිම් රාජ්‍යයක් පිහිටුවා ගැනීම සඳහා වූ ව්‍යාපාරයක් අග්නිදිග විශ්ව විද්‍යාලයෙන් ආරම්භ උනා.

ඒ පිළිබඳවයි ඒ සඳහන් කර තිබෙන්නේ. කවුරු හරි කියනවා නම් එතනයි ප්‍රශ්නේ තියෙන්නේ කියලා ඒ ගොල්ලෝ අල්කයිඩා එකේ සාමාජිකයෝ වෙන්න ඕනේ. එහෙම නැත්නම් ඒ ගොල්ලෝ ලංකාවේ වෙනම මුස්ලිම් රාජ්‍යයක් පිහිටුවන්න ගිය අය විය යුතුයි.

මේ රටේ ඒ අයට විතරයි එම පොත්වලට විරුද්ධ විය හැක්කේ. ශාස්ත්‍රීය වශයෙන් කිසිම වැරදි කරුණක් පැහැදිලිව ලියලා නැහැ.

ත්‍රස්තවාදී එල්.ටී.ටී.ඊ. සම්බන්ධයෙන් ලියපු ශාස්ත්‍රීය සංග්‍රහවලත්, ලේකයේ දේශපාලනය පිළිඳව පළ කර ඇති ශාස්ත්‍රීය සංග්‍රහවලත් සිද්ධ කර තිබෙන්නේ එම කාරණය. ඒවාට ශාස්ත්‍රීය වශයෙන් පිළිතුරු දෙන්න බැරි අය තමයි මම නිසා මේ කළ ඇති උනයි කියලා කියලා ප්‍රකාශ කරන්නේ.

ත්‍රස්තවාදය ගැන එක්තරා මතවාදයකට :

අද මුළු ලෝකයේම ත්‍රස්තවාදය සම්බන්ධයෙන් එක්තරා මතවාදයකට පැමිණ තිබෙනවා. අපේ වෙනස අපි දශක දෙකකට කලින් ලෝකය මුහුණ දෙන මේ ගැටලූව දැක්කා. එය තමයි අපේ පෙර ගමන් දැකීම.

ඒකාලයේ අපට දොස් කියපු ඇතැම් බටහිර තානාපති කාර්යාල අංශ පවා අද අපත් සමග කරන සාකච්ඡාවලදී කියනවා ඕගොල්ලෝ මේක කලින්ම දැකලා කිව්වා. අපට මෙය තේරුම් ගන්න පමා උනා වැඩියි කියලා.

ඒ නිසා මේ රටේ මුස්ලිම් ජනතාව සාතිශය බහුතරයක් මේ රටේ සංස්කෘතියට අනුව ජීවත් වෙන්නත් උත්සාහ කරනවා. ඒ වගේම මේ රට තුළ සාමයෙන් කටයුතු කරනවා.

මේ රටේ මුස්ලිම් ප්‍රජාව විශේෂයෙන්ම 1947 දී ඒ අයට වෙන්වෙලා යාම සඳහා අවස්ථාවක් ඕනෙ නම් ගත හැකිව තිබුණා. නමුත් ඒ වෙනුවට එක්සත් ජාතික පක්ෂයට එකතු උනා. තව පිරිසක් ඊට පස්සේ බණ්ඩාරනායක මහත්මයාට එකතු උනා.

ප්‍රධාන දේශපාලන පක්ෂ දෙකත් සමග එකතුවෙලා සාමකාමීව මේ ගමන මෙතනට ආවේ.

දිගු දක්නා නුවනක් තිබූ මුස්ලිම් නායකයින්:

අද මුස්ලිම් ප්‍රජාව ජනගහණය, ව්‍යපාරික, අධ්‍යාපනය, සමාජමය පැත්තෙන් යම් තැනකට පැමිණ තිබෙනවාද ඒ පැමිණ තිබුණේ සාමකාමීව ප්‍රජාතන්ත්‍රවාදිව කටයුතු කිරීමට 1947 දී එවකට සිටි දිගු දක්නා නුවනක් තිබූ මුස්ලිම් නායකයින්, දොස්තර කලීඞ්, ටී.බී. ඡයා වැනි අය ක්‍රියා කළ නිසයි.

ඒ බව මගේ කෘතියේ පැහැදිලිව සඳහන් කර තිබෙනවා. ඒ වෙනුවට අන්තවාදී අල්කයිඩා වැනි පිරිස් ඒ වෙලාවේ කි‍්‍රයා කළා නම් අදත් මුස්ලිම් ජනතාවට අත්වනුයේ ඉතාම ඛේදනීය ඉරණමක්. සිරියාවේ ඉරාකයේ අත් වූ ඉරණම මේ රටේමත් ඇතිවනවා.

ඒ අනුව අපි ස්තූතිවන්ත විය යුතුයි දුරදක්නා නුවණින් කටයුතු කළ මුස්ලිම් නායකයින් ගැන. ඒ අයගේ ආදර්ශයෙන් තමයි අපට අනාගතයේ ඉදිරිය ගොඩනගාගත හැකිවන්නේ මේ අන්තවාදී පිරිස් වලින් නොවේය කියන එක අපි අවධාරණය කරනවා. ''

Comment (0) Hits: 445

මරීනාගේ සිහිනය වතුරේ : දෙහිවල - ගල්කිස්ස බලයත් පොහොට්ටුවේ

දෙහිවල මහ නගර සභාවේ නගරාධිපති ලෙස ශ්‍රී ලංකා පොදුජන පෙරමුණේ නාවලගේ ස්ටැන්ලි ඩයස් මහතා පත්ව ඇත.

නගරාධිපති ධූරය තේරීම සඳහා අද (26) ජන්ද විමසීම සිදුකල අතර එහිදී ශ්‍රී ලංකා පොදුජන පෙරමුණ වෙනුවෙන් නාවලගේ ස්ටැන්ලි ඩයස් මහතාත් එක්සත් ජාතික පක්ෂය වෙනුවෙන් සුනේත්‍රා රණසිංහ මහත්මිය තරඟ වැදී ඇත. විවෘත ලෙස පැවති මෙම ඡන්ද විමසීමේදී ස්ටැන්ලි ඩයස්ට ඡන්ද 23 ක් ලැබුණු අතර සුනේත්‍රා රණසිංහ ලබාගත්තේ ඡන්ද 21 ක් පමණි.

එජාපයට සහ පොහොට්ටුවට සමාන මන්ත්‍රීධුර

2018 පළාත් පාලන ඡන්ද විමසීමේදී දෙහිවල - ගල්කිස්ස මහනගර සභාව ඡන්ද 36,985 ක් ලබාගනිමින් ජයග්‍රහණය කළේ එක්සත් ජාතික පක්ෂය වූ අතර ශ්‍රී ලංකා පොදුජන පෙරමුණ දෙවැනි ස්ථානයට පත්වුයේ ඡන්ද 36,029 ක් ලබා ගනිමින්ය.

අදාළ ප්‍රතිඵලය අනුව දෙපාර්ශවයටම හිමිවුයේ 19 බැගින් සමාන මන්ත්‍රීධුර ප්‍රමාණයකි. දෙහිවල - ගල්කිස්ස මහනගර සභාවට හිමි සමස්ත මන්ත්‍රී ධුර සංඛ්‍යාව 48ක් වන අතර ඉතිරි මන්ත්‍රීධුර 10 බෙදී ගියේ එක්සත් ජනතා නිදහස් සන්ධානයට 06 ක් සහ ජනතා විමුක්ති පෙරමුණට 04 ක් ලෙසය.

නිදහස් සන්ධානයේ 4ක් පොහොට්ටුවේ සහයට

අදාළ ජන්ද විමසීමේදී එහිදී එක්සත් ජනතා නිදහස් සන්ධානයේ මන්ත්‍රීවරුන් 6 දෙනාගෙන් 4 ක් ශ්‍රී ලංකා පොදුජන පෙරමුණට ඡන්දය ලබා දුන් අතර සෙසු මන්ත්‍රීවරුන් 2 එක්සත් ජාතික පක්ෂයට ඡන්දය ලබා දී ඇත.

පොහොට්ටුවේ සහය නිදහස් සන්ධානයට

අනතුරුව උප නගරාධිපතිවරයා තෝරා ගැනීමට ද විවෘත ඡන්දයක් පැවති අතර එහිදී එක්සත් ජනතා නිදහස් සන්ධානයේ ලැයිස්තුවෙන් පත්ව සිටි කීර්ති උඩවත්ත මහතා ඡන්ද 25 ක් හිමි කරගත්තේය.

ඒ එක්සත් ජාතික පක්ෂයේ රුවන් කිත්සිරි ලියනගුණවර්ධන (ඡන්ද 19) පරාජයට පත්කරමින්ය. එහිදී ශ්‍රී ලංකා පොදුජන පෙරමුණේ මන්ත්‍රීවරුන් 19 දෙනාම සන්ධාන මන්ත්‍රීවරයාට සහය පළ කර ඇත.

මරීනාගේ සිහිනය වතුරේ : සිරිකොතේ වහලය බේරේ

මේ අතර 1991 වසරේ සිට අඛණ්ඩව දෙහිවල ගල්කිස්ස මහ නගරසභාවේ මන්ත්‍රීවරියක් ලෙස කටයුතු කළ මරීනා ආබ්දීන් මහත්මිය තමන්ට නගරාධිපතිධුරය ලබාදිය යුතු බවට එජාප නායකත්වයට බලපෑම් කල බව වාර්තා විය. එසේ තමන්ට නගරාධිපතිධුරය නොලැබුණහොත් තමන් සිරිකොත පක්ෂ මුලස්ථානයේ වහලයට නැග උපවාස කරන බවද එහිදී ඇය සඳහන් කර තිබිණ.

ඊට හේතු ලෙස ඇය දක්වා තිබුණේ පසුගිය පළාත් පාලන මැතිවරණයේදී අදාළ බල ප්‍රදේශය තුළ එජාපය වෙනුවෙන් වැඩිම ජන්ද ප්‍රමාණයක් සහ වැඩිම ජන්ද ප්‍රතිශතයක් (65%) ලබාගෙන තිබීමය.

කෙසේ නමුත් දැන් නගරසභාවේ නගරාධිපතිධුරය පොහොට්ටුවට හිමිව ඇති නිසා ඇයට සිරිකොතේ වහලයට නගින්න සිදුවන්නේද නැත.

Comment (0) Hits: 554

සරත් ෆොන්සේකාගෙන් ආණ්ඩුවට තර්ජනයක් : "වඩින්නේ කොහෙටදැයි" රතන අන්තරාභවයක

වැරදිකරුවන් දඬුවම් දීමට ඉදිරියටත් පසුබට වුවහොත් රජයට එරෙහිව නැගී සිටීමටද තමන්ද සුදානම් බව ප්‍රාදේශිය සංවර්ධන අමාත්‍ය ෆීල්ඩ් මාෂල් සරත් ෆොන්සේකා සඳහන් කරයි.

ගම්පහ ප්‍රදේශයේදී මාධ්‍ය අමතමින් අමාත්‍යවරයා මේ බව සඳහන් කර තිබෙන අතර ශ්‍රී ලංකා නිදහස් පක්ෂයේ පාර්ශව යළිත් මහින්ද පාලනයක් ගෙන ඒම වෙනුවෙන් කටයුතු කරන බවත් නායකයින් ඒ සම්බන්ධව නිහඬ පිළිවෙතක් අනුගමනය කිරීම වැරදි කටයුත්තක් බවද සඳහන් කර තිබේ.

පසුගිය පාලනය යටතේ වැරදිකරුවන්ට දඬුවම් ලබා නොදීම සම්බන්ධයෙන් රජය මේ වන විටත් අසාර්ථ වී ඇති බවත් ජනතාව අතර ආණ්ඩුව අප්‍රසාදයට පත්වීමට එය මුලික හේතුවක් බවද එහිදී අමාත්‍යවරයා සඳහන් කර ඇත.

රතන හිමි දේශපාලන අන්තරාභවයක

මේ අතර කිසිම ජාතික සම්පතක් නොවිකුණන්න බවට, රණවිරුවන් හිරේ නොදමන බවට හා ගල්යිපොසේත් තහනම ඉවත් නොකරන බවට රට හමුවේ පොරොන්දු වන්නේ නම් අගමැති රනිල් වික‍්‍රමසිංහට සහය දිය හැකි බව අතුරලියේ රතන හිමියන් සඳහන් කරයි.

පසුගියදා විද්‍යුත් මාධ්‍යක් හමුවේ උන්වහන්සේ මේ බව සඳහන් කර තිබෙන අතර අග්‍රාමාත්‍යවරයා ඊට එකඟ නොවන්නේ නම් ඉදිරියේදී නව ජාතික නායකයෙකු ගෙන ඒමට සයාය දීමට තමන් පසුඉට නොවන බවද සඳහන් කර ඇත.

ආණ්ඩුව පිහිටුවීමේදී එජාපය නියෝජනය කළ රතන හිමියන් පසුව එජාපය සමඟ විරසකව පාර්ලිමේන්තුව තුළ ස්වාධීන වන බව පවසමින් ජනාධිපතිවරයාගේ පාර්ශවයට සමීප විය. පසුව වස විස නැති කාබනික කෘෂිකර්මය සමඟ රට වටේ වැඩම කල උන්වහන්සේ රසායනික පොහොර ආනයනයට සහ ගල්යිපොසේට් තහනම ඉවත් කිරීමට ජනාධිපතිවරයාගේ මුලිකත්වයෙන් යුතු ජාතික ආර්ථික සභාව තීන්දු කර තිබෙන බවට පුවත් පළවීමත් සමඟ එම පාර්ශවය වෙතින්ද ඈත්වූ අතර වස විස ප්‍රතිපත්තියට එකඟ නම් විශ්වාසභංග යෝජනාවේදී ඒකාබද්ධ විපක්ෂයේ පෙරහරට එක්වන බවද පැවසීය.

කෙසේ වුවත් රතන හිමියන්ගේ මේ දේශපාලන වෙනස්වීම ගැන දේශපාලන විචාරකයින් සඳහන් කරන්නේ මේ වනවිට උන්වහන්සේ දේශපාලනයේ අන්තරාභවයක සිටින බවත් එය බොහෝ දුරට නැවත රාජපක්ෂ රෙජීමයේ නියෝජිතයෙක් අසල ජීවය ලැබීමකින් අවසන් වනු ඇති බවත්ය.

Comment (0) Hits: 2308

හැකිනම් රුපියල බාල්දුවීම වළක්වන හැටි කියන්න : රවී මහ බැංකු නිලධාරීන්ගේ රෙදි ගලවයි !

රුපියල පාවීමට ඉඩ හැරීමේ ප්‍රතිඵලයක් ලෙස, තෙල් මිල වැඩිකිරීම ට සිදුවී ඇති බවත්, මෙම තත්ත්වයට මහ බැංකුවේ ඉහළ නිලධාරීන් වගකිව යුතු බවත් හිටපු මුදල් අමාත්‍ය පාර්ලිමේන්තු මන්ත්‍රී රවී කරුණානායක ප්‍රකාශ කරයි.

මන්ත්‍රීවරයා මේ බව ප්‍රකාශ කර සිටියේ ඊයේ (25) මට්ටක්කුලිය, කදිරානවත්ත එකමුතු පුර නිවාස සංකීර්ණයේ නිරීක්ෂණ චාරිකාවකට එක්වෙමින්ය.

මහ බංකුවේ නිලධාරීන් ගේ දුර්වලතා නිසා ආර්ථික යේ ඇතිවී තිබෙන කඩා වැටීම හමුවේ ඊට ජනාධිපතිවරයාට හෝ අගමැතිවරයාට දෝෂාරෝපණය කිරීම සුදුසු නොවන බවත් මූල්‍ය විනය සම්බන්ධයෙන් එල්ල වී ඇති මෙම අයහපත් තත්ත්වයට එකම විසඳුම, විදේශයන්ට අවශ්‍ය ලෙස තීරණ ගන්නා මහ බංකුවේ නිලධාරීන් සම්බන්ධයෙන් නිසි තීන්දුවක් ගැනීම බවත් මන්ත්‍රීවරයා පැවසීය.

සියළු ආනයන භාණ්ඩ මිල ඉහළයාමේ අවධානමක් !

එසේම රුපියල බාල්දු වී මේ ප්‍රතිඵලයක් ලෙස තෙල්මිල පමණක් නොව සියළු ආනයනික භාණ්ඩ වල මිල ඉහළ යාමේ අවධානමක් පවතින බව අවධාරණය කල රවී කරුණානායක මන්ත්‍රීවරයා වැඩිදුරටත් මෙසේද පැවසීය.

නිලධාරීන් හිතන්නේ ඔවුන් ගැන විතරයි !

"මහ බංකුවේ ඇතැම් නිලධාරින් තීරණ ගන්නෙ ඒ අයගෙ පෞද්ගලික සුඛවිහරනය වෙනුවෙන් හිතල. විශ්‍රාමගත්තට පසුව ජාත්‍යන්තර මූල්‍ය අරමුදලේ තනතුරු බලාපොරොත්තුවෙන් ඔවුන් ගන්නා තීන්දු නිසා රටත් ,රටේ ආර්ථිකයත්, භයානක ඉරණමකට මුහුණ දී තිබෙනවා. රට කවුරු පාලනය කළත් මේ නිලධාරීන් වෙනස් වෙන්නෙ නැහැ. එදා මම මුදල් ඇමැතිව සිටින කාලය තුළ මේ ක්‍රමය වෙනස් කරන්න පියවර ගත්ත. දැන් මහ බැංකු නිලධාරීන් ට අවශ්‍ය විදිහට රටේ ආර්ථිකය පාලනය වෙනවා නම් ආණ්ඩුවක් අවශ්‍ය නැහැනෙ.

පුළුවන් නම් රුපියල ශක්තිමත් කරන හැටි කියන්න

"රටට නව රැකියා උත්පාදනය සඳහා මහ බැංකුවට වැඩපිළිවෙළක් තියෙනවා ද?. නව ආයෝජන රටට ගෙන්වා ගැනීමට වැඩපිළිවෙළක් තියෙනවා ද? ඔවුන් තීරණ ගන්නෙ මහ පොළවේ පය ගහල නෙමේ . මම මහ බැංකුවට අභියෝග කරනව රුපියල බාල්දු නොකර, රුපියලේ අගය ශක්තිමත් කරන වැඩ පිළිවෙළක් සකස් කරල රටට පෙන්නන්න කියලා.

දැන් ලංකාවට විදේශීය නීතිඥවරුනම්ගේ සේවය ලබාගැනීමේ සූදානමක් තියෙනවා, ඒකට මම කිසිසේත් එකඟ නැහැ. අපේ නීති ක්ෂේත්‍රය නවීකරණයට ලක්විය යුතුයි. නමුත් විදේශීය නීතිඥයන් ලංකාවට ගේන්න අවශ්‍ය නැහැ . නීති ක්ෂේත්‍රයේ අඩුපාඩු තියෙනවා නම්, ඒවා රට තුල නිවරදි කර ගත යුතුයි. "

රවී කරුණානායක මන්ත්‍රීවරයා කදිරානවත්ත ප්‍රදේශයේ නව නිවාස සංකීර්ණයක් ඉදිකිරීම සම්බන්ධයෙන් මෙම සංචරයේදී ජනතාව සමඟ කතාබහ කල බවද වාර්තා වෙයි.

IMG 20180325 103718

Comment (0) Hits: 545

සිරිකොතේ තිබූ සුගත්ගේ කාර්යාලයට සීල් තියයි

අග්‍රාමාත්‍ය රනිල් වික්‍රමසිංහගේ පෞද්ගලික සහකාර සහ එක්සත් ජාතික පක්ෂයේ සන්නිවේදන බලකායේ අධ්‍යක්ෂ ලෙස කටයුතු කළ සුදත් චන්ද්‍රසේකර විසින් සිරිකොත පක්ෂ මුලස්ථානයේ භාවිතා කළ කාර්යාලය මීට ස්වල්ප මොහොතකට පෙර සීල් තබා ඇති බව වාර්තා වෙයි.

සිරිකොත ආරංචිමාර්ග සඳහන් කරන ආකාරයට සුදත් චන්ද්‍රසේකර මහතා යටතේ සේවයේ යොදවා සිටි 14 දෙනෙකුද අදාළ රාජකාරි වලින් නිදහස් කර ඔවුන්ටද සිරිකොත මුලස්ථානයෙන් පිටවන ලෙස දැනුම්දී ඇත.

දේශපාලන කුමන්ත්‍රණයක් !

එජාප පක්ෂ මුලස්ථාන සිරිකොත ආරංචිමාර්ග සඳහන් කර සිටින්නේ අග්‍රාමාත්‍ය රනිල් වික්‍රමසිංහගේ පෞද්ගලික සහකාර ලෙස වසර ගණනාවක් සේවය කළ සුදත් චන්ද්‍රසේකර හදිසියේ ඉවත්වීමත්, ඊට අදාළව නිකුත් කළ ආන්දෝලනාත්මක ලිපිය මාධ්‍ය වෙත නිකුත්වීම යන කාරනා අග්‍රාමාත්‍යවරයාට එරෙහි විශ්වාසභංග යෝජනාවට සමගාමීව සිදුවූ දේශපාලන කුමන්ත්‍රණයක් බවට සැක පහළවී ඇති බවය.

එසේම එම ආරංචිමාර්ග වැඩිදුරටත් සඳහන් කර සිටින්නේ සුදත් චන්ද්‍රසේකරගේ ඉවත්වීම පක්ෂ අභ්‍යන්තරය බරපතල අවධානයක් යොමුකර ඇති කාරණයක් වී ඇති බවය. වසර ගණනාවක් අග්‍රාමාත්‍යවරයා සමඟ සමීපව කටයුතු කළ සහ වඩාත් විශ්වසනීය අයෙකු ලෙස කටයුතු කළ සුදත් මේ ආකාරයට ඉවත්වීම හුදකළා කටයුත්තක් විය නොහැකි බව පක්ෂයේ බහුතරයක අදහසවී තිබෙන බවද එම ආරංචිමාර්ග පෙන්වා දෙයි.

එසේම සුදත් චන්ද්‍රසේකර මහතා විසින් සිය ඉල්ලා අස්වීම ප්‍රකාශයට පත්කර යවන ලද ලියවිල්ල ජනාධිපති මාධ්‍ය අංශය විසින් මාධ්‍ය වෙත නිකුත් කර ඇති බවට වාර්තාවී ඇති බවත් ඒ පිළිබඳවද පක්ෂයේ අවධානය යොමුව ඇති බව එම ආරංචිමාර්ග වැඩිදුරටත් සඳහන් කර සිටියි.

Comment (0) Hits: 733

විශ්වාසභංගය : ශ්‍රීලනිප දෙගිඩියාවක - තීරණය 04 දා

අග්‍රාමාත්‍ය රනිල් වික්‍රමසිංහ මහතාට එරෙහිව ඉදිරිපත්ව ඇති විශ්වාසභංගය සම්බන්ධයෙන් ශ්‍රී ලංකා නිදහස් පක්ෂයේ තීරණය එළැඹෙන 04 දා ගන්නා බව එම පක්ෂයේ මහ ලේකම් අමාත්‍ය දුමින්ද දිසානායක මහතා පවසයි.

විශ්වාසභංග යෝජනාව සම්බන්ධයෙන් මේ දක්වා පක්ෂය කිසිඳු තීරණයක් ගෙන නොමැති බවත් එයට අත්සන් තැබූ නිදහස් පක්ෂ මන්ත්‍රීවරුන් සම්බන්ධයෙන් කිසිදු තීරණයක් ගෙන නොමැති බවත් ඔහු වැඩිදුරටත් ප්‍රකාශ කළේය.

ඒකාබද්ධ විපක්ෂය විසින් ඉදිරිපත් කර ඇති විශ්වාසභංග යෝජනාව 04 විවාදයට ගෙන ඡන්දය විමසීමට නියමිතය.

ජනාධිපති දෙගෙඩියාවක !

මේ අතර ජනාධිපති මෛත්‍රීපාල සිරිසේන මහතා පවසන්නේ, අග්‍රාමාත්‍ය රනිල් වික්‍රමසිංහ මහතාට එරෙහිව ඉදිරිපත්ව ඇති විශ්වාසභංගය සම්බන්ධයෙන් තවම සාකච්ඡාවක් පවත්වා නොමැති බවත් එසේ කිරීම පිළිබඳ කිසිදු තීරණයක් ගෙන නොමැති බවත්ය.

ඒකාබද්ධ විපක්ෂය ඉදිරිපත්කල විශ්වාසභංගයට ස්වාධීනව ඡන්දය භාවිත කිරීමට ශ්‍රීලනිප මැති ඇමතිවරුන්ට අවස්ථාව ලබා දෙන්නේදැයි ජනාධිපති මෛත්‍රිපාල සිරිසේන මහතා සමඟ පාකිස්තානයේ සංචාරයට එක්වී සිටී 'මව්බිම' පුවත්පතේ මාධ්‍යවේදියකු නැඟූ ප්‍රශ්නයට පිළිතුරු දෙමින් ජනාධිපතිවරයා එබව සඳහන් කර තිබේ.

 charitha herath 54 of 120''ජනාධිපති සිතන්නේ කෙසේදැයි තක්සේරු කරගැනීම වැදගත්'' - ආචාර්ය චරිත හේරත්

 මේ අතර හිටපු අමාත්‍ය බැසිල් රාජපක්ෂ මහතාගේ ජ්‍යෙෂ්ඨ උපදෙශයකු වන පේරාදේනිය විශ්ව විද්‍යාලයේ දර්ශන අධ්‍යයන අංශයේ අංශාධිපති, ආචාර්ය චරිත හේරත් මහතා පවසන්නේ, ''මේ විශ්වාසභංගය ජයගැනීමට නම් කළමනාකරණය කරගත යුතු සාධක අතර වැදගත්ම එකක් වන්නේ මේ කාරණය පිළිබදව ජනාධිපතිතුමන් සිතන්නේ කෙසේදැයි හරියට තක්සේරු කරගැනීම'' බවයි.

එතුමන්ගේ සහාය නොලැබෙන යෝජනාවකින් මේ රජයේ අගමැති මේ මොහොතේ අස්කළ හැකි යැයි තමා නොසිතන බව ඔහු පවසයි.

ඒ සම්බන්ධයෙන් 'ලංකාදීප' පුවත්පතට විශේෂ ලිපියක් සපයමින් ඔහු මෙසේද සඳහන් කර තිබේ.

''එතුමන් මේ යෝජනාවට පක්ෂ වන්නේ යැයි සිතුවහොත් ඒ පක්ෂ වන්නේ දැන් සිටින අගමැති අයින් කර එජාපයෙන් වෙනත් කෙනෙක් පත්කර ගැනීමටද එසේත් නැතිනම් ශ්‍රී ලනීපයේ කෙනෙක් සුලූතර ආණ්ඩුවක් ලෙසින් පත්කර ගැනීමටද කියන කාරණයද තවම පැහැදිලි නැත.

ජනාධිපතිතුමන් විසින් මේ දෙකෙන් කොයි එක කළත් ඒ වැඬේට ඒකාබද්ධ විපක්ෂය සම්බන්ධ විය යුත්තේ කෙසේද යන කාරණය මෙහිදි කළමනාකරණය කර ගත යුතුය. ''

සබැඳි පුවත් :
පාර හරිද? : චරිත හේරත්

Comment (0) Hits: 532

මිග් ගනුදෙනුවේ සඳහන් බ්‍රෝකර් සමාගම ලන්ඩනයේ නෑ - FCIDය අධිකරණයට කියයි

ශ්‍රී ලංකා ගුවන් හමුදාවට “මිග්” ප්‍රහාරක යානා හතරක් මිලදි ගැනීමේදී අතරමැදියන් ලෙස කටයුතු කළ බව කියන නමෙන් යුතු සමාගමක් මහා බ්‍රිතාන්‍යයේ ලන්ඩන් නුවර තිබී නැති බව වාර්තා වෙයි.

පොලිස් මූල්‍ය අපරාධ කොට්ඨාසය විසින් පසුගියදා අධිකරණය හමුවේ මේ බව අනාවරණය කර තිබෙන අතර අදාළ ගනුදෙනුව හරහා රුපියල් එකසිය පන් කෝටි අසූ අටලක්ෂ පනස් අටදහස් තුන්සිය විස්සක් (රු. 1,058,858,320) වංචා කර ඇති බවද පොලිස් මූල්‍ය අපරාධ කොට්ඨාසය අධිකරණයට දැනුම්දී ඇත.

අදාළ මිග් යානා මිලදී ගෙන ඇත්තේ 2006 ජූලි 26 වැනි දින ජාත්‍යන්තර සමාගමක් සමඟ ඇති කර ගන්නා ලද ගිවිසුමක් අනුව බවත් අනාවරණය වී ඇති අතර රුසියාවේ හිටපු ශ්‍රී ලංකා තානාපතිවරයා වූ උදයාංග වීරතුංග මෙම නඩුවේ චුදිතයකුව සිටියි.

 මේ දක්වා කරන ලද පරීක්ෂණ පිළිබඳ විස්තරයක් විමර්ශකයන් විසින් අධිකරණයට ඉදිරිපත් කර තිබෙන අතර ඊට අනුව මිග් ප්‍රහාරක යානා 04 මිලදි ගැනීම සඳහා ඩොලර් එක්කෝටි පනස් ලක්ෂ හැටපන්දහස් හාරසිය තිස්හතක් (ඩොලර් 15,565,437) පමණ මුදලක් ශ්‍රී ලංකා ගුවන් හමුදාව විසින් ‘බෙලිමිසා හෝල්ඩිංස්’ නම් සමාගමට ගෙවා ඇත.

මෙම ගනුදෙනුව සම්බන්ධව ආරක්ෂක අමාත්‍යංශයේ හිටපු ලේකම් ගෝඨාභය රාජපක්ෂ වෙතද චෝදනා එල්ලවී තිබේ.

කෙසේ නමුත් දිගින් දිගටම විදේශගතව සිට නිවේදන නිකුත් කරන රුසියාවේ හිටපු ශ්‍රී ලංකා තානාපතිවරයා වූ උදයාංග වීරතුංග සඳහන් කර සිටින්නේ තමන් වෙත එල්ලවී තිබෙන චෝදනා දේශපාලන පළිගැනීමක් බවත් අදාළ ගනුදෙනුව නීත්‍යානුකුල බවත්ය.

Comment (0) Hits: 522

මෛත්‍රීගේ විශ්වාසභංග යෝජනාවට ජවිපෙ සහය හිමිවෙයි

අග්‍රාමාත්‍ය රනිල් වික්‍රමසිංහට එරෙහිව ගෙනවිත් තිබෙන විශ්වාසභංග යෝජනාවට පක්ෂව ඡන්දය දීමට ප‍්‍රතිපත්තිමය වශයෙන් තම පක්‍ෂය තීරණය කර ඇති බව ජනතා විමුක්ති පෙරමුණේ පාර්ලිමේන්තු මන්ත‍්‍රී බිමල් රත්නායක පවසයි.

මෙම විශ්වාස භංගය මහින්ද රාජපක්‍ෂ මහතා මුල් වී ගෙනෙන බව පෙන්වූවාට සැබෑවටම ඊට මුල් වී කටයුතු කරන්නේ ජනාධිපති මෛත‍්‍රීපාල සිරිසේන විසින් යයිද ඔහු සදහන් කරයි.

මෙම විශ්වාස භංගයේදී රනිල් වික‍්‍රමසිංහ මහතාගේ ආරක්‍ෂකයා ලෙස කටයුතු කරන්නේද මහින්ද රාජපක්‍ෂ මහතා බවත් කතානායකවරයා වෙත විශ්වා භංගය බාර දීමට හිටපු ජනාධිපතිවරයා රැගෙන ගියේ මස් කඬේට ගෙනියන ගවයෙක් ලෙසින් යයිද ඔහු වැඩි දුරටත් කියා සිටියි.

Comment (0) Hits: 505

උතුරු පළාතේ නව ආණ්ඩුකාරවරයා ලෝගේස්වරන්

උතුරු පළාතේ නව ආණ්ඩුකාරවරයා ලෙස කේ.සී. ලෝගේස්වරන් පත්කර ඇත.

මීට පෙර බස්නාහිර පළාත් ආණ්ඩුකාර ධුරය හෙබවූ කේ.සී. ලෝගේස්වරන් ජනාධිපතිවරයා අතින් සිය පත්වීම ගෙන ඇති අතර උතුරු පළාතට පත්වන පළමු දමිළ ආණ්ඩුකාරවරයා ලෙසින්ද ලෝගේස්වරන් මහතා ඉතිහාස ගත වෙයි.

මින් පෙර උතුරු පළාත් ආණ්ඩුකාර ධූරය දරණ ලද්දේ ශ්‍රීලනිපය නියෝජනය කළ රෙජිනෝල්ඩ් කුරේ වන අතර ඉන් පෙර එම ධුරයේ කටයුතු කරනු ඇබූවේ එස්. පලිහක්කාර, ඒ. චන්ද්‍රසිරි, ඩික්සන්, සරත්චන්ද්‍ර දෑල, වික්ටර් පෙරේරා සහ මොහාන් විජේවික්‍රම යන අයය.

 

Comment (0) Hits: 512

කේම්බ්‍රිජ් ඇනලිටිකා සමාගම රනිල්වත් හමුවෙලා !

විවිධ රටවල දේශපාලන සහ මැතිවරණ තීන්දුවලට බලපෑම් කිරීම සඳහා අසත්‍ය ප්‍රචාර සහ බියගැන්විමේ ක්‍රමෝපායන් යොදාගන්නා බ්‍රිතාන්‍ය ආයතනයක් ලෙස චැනල් 4 නාලිකාව විසින් අනාවරණය කළ කේම්බ්‍රිජ් ඇනලිටිකා සමාගමේ නියෝජිතයන් තමන් හමුවීමටද පැමිණි බව අග්‍රාමාත්‍ය රනිල් වික්‍රමසිංහ සඳහන් කරයි.

ඔහු මේ බව සඳහන් කර සිටියේ ශ්‍රී ලංකා නීතීඥ සංගමයට සභාපතිවරයා ලෙස දෙවන වරටත් නිතරගයෙන් පත්වූ ජනාධිපති නීතීඥ යූ.ආර්.ද සිල්වා දිවුරුම්දීමේ උත්සවය අමතමින්ය.

කෙසේ වුවත් එක්සත් ජාතික පක්ෂය ජයග්‍රහණය කරවීම සඳහා ඔවුන්ගේ සහභාගීත්වය තමන් ප්‍රතික්ෂේප කල බවත් එය වාසනාවක් බවද අග්‍රාමාත්‍යවරයා පවසා ඇත.

කේම්බ්‍රිජ් ඇනලිටිකා ආයතනය සම්බන්ධව මේ වන විට චැනල් 4 නාලිකාව සිදුකර තිබෙන අනාවරණයට අදාළ කරුණු කේම්බ්‍රිජ් ඇනලිටිකා ආයතනය තමන් සමඟද පැවසු බවත් ඒ හේතුවෙන් චැනල් 4 අනාවරණය විශ්වාසදායක බවද අග්‍රාමාත්‍යවරයා සඳහන් කර සිටියේය.

Comment (0) Hits: 540

ගාල්ලේදී UNPය පාවාදුන් හතේ කල්ලියට වජිරගෙන් රතු එළි !

ගාල්ල මහ නගර සභාව සඳහා නගරාධිපතිවරයෙකු තෝරා පත් කරගැනීමේදී පක්ෂ තීරණයට පිටුපාමින් කටයුතු කළ එජාප මන්ත්‍රීවරුන් හත්දෙනාට එරෙහිව දැඩි ක්‍රියාමාර්ග ගන්නා බව අමාත්‍ය වජිර අබේවර්ධන සඳහන් කරයි.

අමාත්‍ය වජිර අබේවර්ධන සඳහන් කරන ආකාරයට නගරාධිපති තේරීමේ දී එක්සත් ජාතික පක්ෂ සභිකයින් 14 දෙනා එක්සත් ජනතා නිදහස් සන්ධාන සභිකයින් තිදෙනා සහ එක්සත් ජාතික නිදහස් පෙරමුණේ සභිකයා එක්ව කටයුතු කිරීමට එකඟතාව පළ කර තිබී ඇත.

ගාල්ල මහ නගර සභාව සඳහා නගරාධිපතිවරයෙකු තෝරා පත් කරගැනීමේ දී එක්සත් ජාතික පක්ෂයෙන් සහ ශ්‍රී ලංකා පොදුජන පෙරමුණෙන් නම් දෙකක් යෝජනා වී ඇති අතර එහිදී එජාප මන්ත්‍රීවරුන් 7 දෙනෙකු පොදුජන පෙරමුණට සහය දී සිය අපේක්ෂකයා පරාජයට පත්කර ඇති අතර මේ වන විට ඒ පිළිබඳ පක්ෂ නායකත්වය දැනුවත් කර ඇති බවද වජිර අමාත්‍යවරයා සඳහන් කරයි.

එසේම ගාල්ල මහ නගර සභාවට එක්සත් ජාතික පක්ෂ නගරාධිපතිවරයෙකු තෝරාපත් කරගැනීමේ අපේක්ෂාවෙන් ඡන්දය ලබාදුන් පාක්ෂිකයින්ගේ මතය කිහිපදෙනෙකු විසින් මෙලෙස මුදලට පාවාදීම අනුමත කළ නොහැකි බවද අමාත්‍යවරයා වැඩිදුරටත් සඳහන් කර සිටියි.

පසුගිය පළාත් පාලන ආයතන ඡන්ද විමසීමේ දී එක්සත් ජාතික පක්ෂයට බලය හිමිවු තිබූ අතර ඒ වසර 16 කට පසුවය.

එම එකඟතාව කඩකරමින් එක්සත් ජාතික පක්ෂ සභිකයින් හත් දෙනෙකු පොදුජන පෙරමුණේ අපේක්ෂකයාට ඡන්දය ලබාදුන් බව වජිර අබේවර්ධන අමාත්‍යවරයා පවසයි.

Comment (0) Hits: 690

මහසෝනාගේ සුවදුක් බලන්න ඥාණසාර හිමි බන්ධනාගාරයට

මහනුවර සිදුකළ ජාතිවාදී ප්‍රහාරයන්ට සැකපිට අත්අඩංගුවට ගෙන බන්ධනාගාර ගතකර සිටින මහසොහොන් බලකායේ අමිත් වීරසිංහගේ සුවදුක් බැලීමට බොදු බල සේනා සංවිධානයේ මහ ලේකම් ගලගොඩ අත්තේ ඥාණසාර හිමි ඊයේ (24 ) දිනයේ අනුරාධපුර බන්ධනාගාරයට ගොස් ඇත.

බොදුබල සේනා සංවිධානයේ පිරිසක් සමඟ ඥාණසාර හිමි මේ ගමන ගොස් තිබෙන අතර අමිත් වීරසිංහ අත්අඩංගුවට ගනු ලැබුවේ තෙල්දෙණිය ඇතුළුව මහනුවර තදාසන්න ප්‍රදේශ වල ජාතිවාදී ප්‍රහාර මෙහෙයවූ බවට ප්‍රධාන සැකකරුවකු ලෙස හඳුනාගෙන තිබෙන බව සඳහන් කරමින්ය.

කෙසේ නමුත් අත්අඩංගුවට ගැනීමෙන් පසුව අමිත් වීරසිංහගේ බිරිඳ ශ්‍රී ලංකා මානව හිමිකම් කොමිසම වෙත පැමිණිල්ලක් ගොනුකරමින් සඳහන් කර සිටියේ තම සැමියා මෙම ප්‍රචණ්ඩ ක්‍රියා සඳහා සම්බන්ධ නැති බවය.

එසේම 'නුවර ඞී.අයි.ජී. මහත්තය තමයි අමිත් වීරසිංහ ඔයා මේ වෙලාවෙ පොඞ්ඩක් මෙතනට එන්න කියල ප්‍රශ්නයකට පැටලෙවුවෙ කියල මං තරයේ කියා සිටිනවා’ යනුවෙන්ද එහිදී ඇය පැවසුවාය.

Comment (0) Hits: 872

Page 371 of 421