V2025

පුවත්

'කතුන්ට මත්පැන් මිලට ගන්න අවසරය දෙන්න බැහැ' - හිමිවරුන් කිහිපනමක් සටනට

කාන්තාවන්ට මත්පැන් මිලදී ගැනීමට සහ විකිණිමට තිබූ තහනම ඉවත් කිරීම සම්බන්ධයෙන් මහානායක හිමිවරුන් අදහස් පළකළ යුතු බව 'සිංහලේ ජාතික පෙරමුණ' පවසයි.

එම පෙරමුණේ හිමිවරුන් අද(12) කොළඹ පැවැත්වූ මාධ්‍ය හමුවකට එක්වෙමින් එහි සභාපති පූජ්‍ය මැඩිල්ලේ පඤ්ඤාලෝක හිමියන් මේබව ප්‍රකාශ කළහ.

මත්පැන් දුලබ කරනවා යනුවෙන් පවසා අද වන විට ආණ්ඩුව එය සුලබ කර ඇති බව ද පැවසු මැඩිල්ලේ පඤ්ඤාලෝක හිමියන් කාන්තාවන් මත්පැන් සඳහා ඇබ්බැහි වුවහොත් මුළු මහත් ජාතියකට අබ සරණයි යනුවෙන් ද පැවසීය.

මේ අතර මත්පැන් නිෂ්පාදනය සහ අලෙවිය සම්බන්ධයෙන් කාන්තාවන්ට පනවා තිබූ නීතිරීති, මුදල් හා ජනමාධ්‍ය අමාත්‍ය මංගල සමරවීර මහතා විසින් ලිහිල් කිරීම සම්බන්ධයෙන් ජාතික හෙළ උරුමයේ හිටපු නායක, පූජ්‍ය ඕමල්පේ සෝභිත හිමියන් ද විරෝධතාව පළකර සිටිති.

මේ සම්බන්ධයෙන් දැඩි ක්‍රියාමාර්ග ගන්නා බවද උන්වහන්සේ පැවසූහ.

 සුද්දා දාපු නීති රීති :

 මේ අතර 'හෙළ බොදු සවිය' නමැති සංවිධානයේ සභාපති පුජ්‍ය බුදුගල ජිනවංස හිමියන් ජනාධිපතිවරයා වෙත ලිපියක් යොමුකරමින්, ''ඇමති මංගලගේ අවමංගල නීති සම්බන්ධයෙන් කඩිනම් ක්‍රියාමාර්ගයක් ගෙන රටේත් ජාතියේත් අනාගත පරපුරෙත් හෙට දවස ගැන සිහිනුවණින් සිතා සාදාචාර සමාජයක් උදෙසා කටයුතු කරන්නැයි'' ඉල්ලා සිටිති.

එම ලිපියේ මෙසේද සඳහන් වේ.

“මතින් තොර සමාජයකට යටත් විජිත සමයේ ද පැවති නීති රීති සුරාබදු පනතේ 116 පිටුවේ12 වගන්තිය අනුව මත්ද්‍රව්‍ය අලෙවි නොකළ යුතු පිරිස් හඳුන්වාදී මෙන් පැහැදිලිය. යුද හමුදා අණදෙන නිලධාරින්ට, නාවික හමුදාවේ ප්‍රධාන නිලධාරින්ට, ගුවන් හමුදාවේ අණදෙන නිලධාරින්ට, විදේශිය සුදු නිලධාරින්ට මෙන්ම අවුරුදු 18 අඩු පිරිමින් හා මොනයම් හෝ ස්ත්‍රින්ට මෙය තහනම් කර තිබිණි.

තැබැරුම්-විවෘත කරන හා වසා තබන වේලාවල් වෙනස් කිරීම හා කාන්තාවන් සඳහා මත්ද්‍රව්‍ය ලබාදීම හා එම ස්ථාන වල කාන්තාවන්ට සේවය කිරීමට අවස්ථාව සලසා දීමට වත්මන් ආණ්ඩුවේ මුදල් ඇමතිවරයා නියෝග නිකුත් කිරීම යහපාලන ආණ්ඩුවේ ස්ථාවරයට අභියෝග කිරීමකි.

මාතෘත්වයට විශාල තර්ජනයක් :

කාන්තාවන්ට මෙලෙස මත්ද්‍රව්‍ය භාවිතයට ප්‍රවර්ධනය කිරීමට සැළැස්වීම පවුල් ඒකකයට, මාතෘත්වයට විශාල තර්ජනයකි.

කාන්තා හිංසනයට හා ප්‍රචණ්ඩත්වයට එරෙහිව හඩ නඟන යුගයක මෙලෙස කාන්තාවන්ව විනාශයට තල්ලු කිරීම සමස්ත රටම විනාශයට ගෙනයන්නකි. සෞඛ්‍ය සම්පන්න නිරෝගී ජිවිතයක් සමස්ත රටේම අභිවෘද්ධියට බලපාන්නකි.

එසේම එදා මෙදා තුර අයවැයකින් සිදුකරන්නේ රටේ අදායම වැඩි කරගැනීමට මත්ද්‍රව්‍ය අලෙවියෙන් බදු වැඩි කිරීමය. එහෙත් මෙම යහපාලන අණ්ඩුව සිදු කරන්නේ මත්ද්‍රව්‍ය වල බදු අඩුකර නිතීරිති අඩු කර රටතුළ සදාචාරය විරෝධී සමාජයක් සඳහා උඩගෙඩි දෙන අණපනත් ඇති කිරිම බව අපගේ හැගිමයි.''

කාන්තාවන්ට වෙනස් ලෙස සැලකීමක්:

සුරාබදු ආඥා පනත යටතේ වන විශේෂ ගැසට් නිවේදනයට මුදල් හා ජනමාධ්‍ය අමාත්‍යවරයා පසුගිය 10 වැනිදා අත්සන් තැබීය.

ඒ අනුව, මත්පැන් නිෂ්පාදනය කරන සහ අලෙවි කරන ස්ථානවල රැකියා කිරීමට මෙන්ම මත්පැන් මිලදී ගැනීමටද කාන්තාවන්ට පනවා තිබු වාරණය අහෝසිවිය.

වයස අවුරුදු 18 ඉහළ කාන්තාවන්ට මත්පැන් මිලට ගැනීම සඳහා අවසර ලබා දීමට රජය තීන්දු කර තිබේ.

ඒ අනුව වසර 60 අධික කාලයකට පසු කාන්තාවන්ට නීත්‍යානුකූලව මත්පැන් මිලට ගැනීම සඳහා අවසර හිමිවනු ඇත.

කාන්තාවන්ට වෙනස් ලෙස සැලකීමක් සිදුවන බැවින් ඒ පිළිබඳ අවධානය යොමු කර 1955 වසරේ ක්‍රියාත්මක අදාළ නීතිය සංශෝධනය කිරීමට තීන්දු කළ බව රජය පැවසීය.

අදාළ නීතිය සංශෝධනය කෙරුණු බව බදාදා (ජනවාරි 10) නිවේදනය කෙරෙනු අතර ඒ අනුව මත්පැන් අලෙවිසැල් තුළ සේවය කිරීම සඳහා ද කාන්තාවන්ට පූර්ව අනුමැතියක් අවශ්‍ය නොවේ.

 සමාජ ජාල තුලින් පුළුල් ප්‍රතිචාරක් :

කෙසේ නමුත් අදාළ නීතිය තදින් ක්‍රියාත්මක නොවුණු අතර එම තහනම ඉවත් කිරීම පිළිබඳ සමාජ ජාල තුළ මිශ්‍ර ප්‍රතිචාර පළ වෙමින් තිබේ.

"නීතියේ වරදක් නැත. මත්පැන් පානයට ගැහැණු පිරිමි අදාලත්වයක් නැහැ. බොන අයට බොන්න පුළුවන් අකමැති අයට නොබි ඉන්න පුළුවන්" යනුවෙන් ප්‍රවීන් ශර්මා ෆේස්බුක් සමාජ ජලයේ අදහස් දක්වා තිබිණි.

 99537891 1181b05c e8a8 4715 87b6 1b83f236f114

 

ලලිත් ද සොයිසා ජයවර්ධන සමාජ ජාල ඔස්සේ අදහස් දක්වමින් පවසා තිබුණේ තැඹිලි, කැරට් ආදියෙන් කාන්තාවන් නිවසේදීම වයින් නිෂ්පාදනය කරන බවය.

 99537893 72738245 612c 4a1d 90a5 f21c76e2d62d

 තවත් සමහරෙක් පවසා තිබුණේ අදාළ තහනම ඉවත් කිරීම තුළින් කාන්තාවන් වැඩි වශයෙන් මත්පැන් භාවිතයට හුරු විය හැකි බවය.

මේ අතර නුවරඑළිය දිස්ත්‍රික්කය තුළ පුරුෂයන්ට වඩා කාන්තාවන් මත්පැන් පානය කිරීමට පෙළඹී සිටින බව ජනාධිපති මෛත්‍රීපාල සිරිසේන 2016 වසරේ දී පැවසීය.

 

Comment (0) Hits: 832

රථවාහන දඩ CCTV මගින් : අත්හදා බැලීම පෙබරවාරියේ

CCTV කැමරා මගින් රථවාහන නීති උල්ලංඝනය කිරීම් හඳුනාගෙන එම වැරදි කරුවන්ට දඬුවම් ලබාදීමේ ක්‍රමය ශ්‍රී ලංකාවේදී ලබන පෙබරවාරි මස අත්හදා බලන බව ශ්‍රී ලංකා පොලීසිය පවසයි.

විශේෂයෙන්ම කොළඹ හා ප්‍රධාන නගරවල මාර්ග හා මන්සන්ධි CCTV කැමරා පද්ධතියෙන් නිරීක්ෂණය කිරීම ශ්‍රී ලංකා පොලිසිය කලක පටන් සිදුකරයි.

රථ වාහන අනතුරු සඳහා එමගින් වැරදිකරුවන්ට දඬුවම් දීමට එම තාක්ෂනය උපයෝගිකරගත්තත් සාමාන්‍ය රථ වාහන වැරදි සඳහා දඩ ලබාදීමේ ක්‍රමයට තවමත් එම CCTV කැමරා භාවිතය ආරම්භ කර නොමැත.

සාමාන්‍යයෙන් යුරෝපා රටවල ක්‍රියාත්මක වන්නේ මෙම ක්‍රමය වන අතර දඩ කොලය කළ වැරැද්දේ ඡායාරූපය සමග වාහනයේ අයිතිකරුගේ නිවසට එවීමට කටයුතු කෙරේ.

දැන් ශ්‍රී ලංකාවේ ද රථ වාහන දඩ කොල නිකුත් කිරීම සඳහා නූතන තාක්ෂණය භාවිතා කිරීම අත්හදා බැලීමට ශ්‍රී ලංකා පොලීසය සුදානම් වේ.sagala 1

"වැරද්ද කරපු අවස්ථාවේ ඡායාරූපයක්, වැරුද්ද මොකක්ද කියන දේත් එක්ක දඩ කොලය ගෙදරට යවන ක්‍රමය ලබන පෙබරවාරි මාසයේ දී අපි අත්හදා බලන්න කටයුතු කරනවා. එතකොට ඉතින් උසාවියට ගිහින් තර්ක කරගන්න පුළුවන්" පොලිසිය භාර අමාත්‍ය සාගල රත්නායක මෙම ක්‍රමය අත්හදා බැලීම ගැන මාධ්‍යට අදහස් දැක්වුයේ එලෙසය.

කවුරු වැරදි කරලා තිබුණත් හැම වෙලාවෙම බැණුම් අහන්නේ පොලිස් නිලධාරියා. කවුරු මොනවා කිව්වත් ඒවාට උත්තර දෙන්න නොයා නිශ්ශබ්දව අදාළ වැරුද්දට සරිලන දඩ කොලය දෙන්න" ඇමතිවරයා මහාමාර්ගවලට රියදුරන්ට දඩ කොල ලබාදීමේදී පොලිස් නිලධාරීන් මුහුණ දෙන ගැටලු ගැන අදහස් දැක්වුයේ එලෙසය.

 "දිනකට මරණ 10 ක්"

 97416084 p05cldcsමෙම නව ක්‍රමය මගින් පොලිස් නිලධාරියා හා රථ වාහන හිමියන් අතර ඇතිවන මෙම ගැටලු බොහෝ දුරට මගහරිනු ඇති බව පොලිසිය විශ්වාස කරයි.

මෙම අත්හදා බැලීම කොළඹ නගරයේ ප්‍රධාන මංසන්ධිවල ඇති රථවාහන නිරීක්ෂණ කැමරා මගින් මුලින්ම අත්හදා බලන බව පොලිසියේ ප්‍රකාශකයෙක් පැවසීය.

රථවාහන රාජකාරි සඳහා පොලිසියේ නිලධාරීන් යෙදවීම අඩුකිරීමට ද පැය 24 ම රථවාහන ගැන නිරීක්ෂණය සිදුවීම ද මෙමගින් සිදුවන බව ඔහු සඳහන් කළේය.

රථ වාහන අනතුරු නිසා ශ්‍රී ලංකාවේ දිනකට මරණ 10ක් පමණ සිදුවන බව නීතිය හා සාමය පිලිබඳ අමාත්‍ය සාගල රත්නායක පසුගියදා උත්සවයක් අමතමින් පැවසීය.

රථවාහන රියදුරන්ගේ විනය ඇතිකර මාර්ග අනතුරු අඩුකිරීමේ ක්‍රමයක් ලෙස රථවාහන දඩ මුදල් වැඩිකිරීමට ද ආණ්ඩුව පසුගිය වර්ෂයේ කටයුතු කළේය.

(බීබීසී සිංහල සේවය)

Comment (0) Hits: 851

ගෝඨා ගැන රහසක් හෙළිකල ඉසුරට ජනපති දෙහිකපයි !

ආරක්ෂක අමාත්‍යංශයේ හිටපු ලේකම් ගෝඨාභය රාජපක්ෂ මහතා සම්බන්ධයෙන් බස්නාහිර පළාත් ප්‍රධාන අමාත්‍ය ඉසුර දේවප්‍රිය මහතා ඊයේ (11) ප්‍රසිද්ධියේ සිදුකල ප්‍රකාශයක් පිළිබඳව බලවත්සේ කෝපයට පත්ව සිටින ජනාධිපතිවරයා, ඊයේ රාත්‍රී මහ ඇමතිවරයාට දුරකථන ඇමතුමක් ලබාදෙමින් දැඩි ලෙස දෝශාරෝපනය කලබව ජනාධිපති කාර්යාල ආරංචිමාර්ග පවසයි.

මැතිවරණයක් කැඳවා ඇති මේමොහොතේ ආරක්ෂක අමාත්‍යංශයේ හිටපු ලේකම් ගෝඨාභය රාජපක්ෂ මහතාට රටින් පිටව සිටින ලෙස දැනුම්දුන්නේ ජනාධිපතිවරයා බව මහ ඇමතිවරයා සන්ධානයේ පළාත් පාලන අපේක්‍ෂකයන්ගේ ජයග්‍රහණය වෙනුවෙන් පැවති ජන හමුවක් අමතමින් ඊයේ පැවසිය.

සිරගත කිරීම සදහා රාජපක්‍ෂ පවුලේ ඇතැමුන් විසින් විසින් කුමන්ත්‍රණයක් කල බවත්, මේ බව දැනගත් ජනාධිපති මෛත්‍රීපාල සිරිසේන මහතා ඒ සම්බන්ධයෙන් ගෝඨාභය රාජපක්ෂ මහතා දැනුවත් කල බවත්, ඒ අනුව ඔහු වහාම රටින් පිටවූ බවත් බස්නාහිර පළාත් ප්‍රධාන අමාත්‍ය ඉසුර දේවප්‍රිය මහතා එහිදී කියා සිටියේය.

එමගින් රාජපක්ෂ පවුල ඇතැමුන් උත්සාහ කරනු ලැබුවේ ජනාධිපතිවරයා හා ශ්‍රී ලංකා නිදහස් පක්‍ෂය අපකීර්තියට පත් කිරීමට බවද ඔහු සදහන් කළේය.

මෙම ප්‍රකාශයට පිළිතුරුදීමට රාජපක්ෂ පවුලේ පොහොට්ටු කණ්ඩායම ගෝඨාභය රාජපක්ෂ මහතා වහාම යලි ගෙන්වීමට පවා ඉඩ ඇතැයි ජනාධිපතිවරයා, මහ ඇමතිවරයාට පවසා ඇතැයි ඉහත ආරංචිමාර්ග වැඩිදුරටත් පවසයි.

 වීඩියෝ

Comment (0) Hits: 898

තරුණයින් 11 දෙනකු ඝාතන නඩුවේ සාක්ෂිකරුවන්ට තර්ජන!

ත්‍රිකුණාමලය ගන්සයිඩ් නාවික හමුදා කදවුරේ තරුණයින් එකොළොස් දෙනකු ඝාතනයට ලක් කිරීම පිළිබඳ නඩුවේ සාක්ෂිකරුවන් මරණීය තර්ජනයට ලක්ව ඇති බවත්, අදාළ විමර්ශන පවත්වන අපරාධ පරීක්ෂණ දෙපාර්තමේන්තුවේ නිලධාරීන් අධෛර්යට පත් වන දේ නොකළ යුතු බවත් සඳහන් කරමින් එම නඩුවේ ප්‍රබල සාක්ෂිකරුවකු වන හිටපු ලුතිනන් කොමදෝරු ක්‍රිශාන් වෙලගෙදර විසින් ශ්‍රී ලංකා මානව හිමිකම් කොමිෂන් සභාව වෙත ලිපියක් යොමු කරනු ලැබ තිබේ.

හිටපු නාවික හමුදාපති වසන්ත කරන්නාගොඩ විසින් කොළඹ අපරාධ කොට්ඨාශයට කරන ලද පැමිණිල්ලක් අනුව 2009 වර්ෂයේදී පරීක්ෂණ ආරම්භ කළ අංක B 732/22009 නඩුවේ ප්‍රබල සාක්ෂිකරුවකු වූ ක්‍රිශාන් වෙලගෙදර 2012 වර්ෂයේ සිට කීප වතාවක් ලබා දුන් ප්‍රකාශ එවකට නාවික බුද්ධි කොමදෝරු ඒ. කේ. ගුරුගේ විසින්ද සනාථ කරනු ලැබ තිබිණි.

ජිවිත තර්ජන :

ක්‍රිශාන් වෙලගෙදර පසුගිය ජනවාරි 03වැනිදා ශ්‍රී ලංකා මානව හිමිකම් කොමිෂන් සභාවේ සභාපති දීපිකා උඩගම වෙත යොමු කළ ලිපියෙන් පෙන්වා දී ඇත්තේ නාවික හමුදාවේ 70කට අධික පිරිසක් විසින් ඉහත කී නඩුවට අදාළ සිද්ධිය සත්‍ය බව තහවුරු කරනු ලැබුවද නීතිඥ උදය ගම්මන්පිල හා නීතිඥ අජිත් ප්‍රසන්න ප්‍රසිද්ධියේ විවිධ ප්‍රකාශ කරමින් සිය ජීවිතයට තර්ජනය වන ආකාරයෙන් හැසිරෙන බව ය.

නීතිඥ අජිත් ප්‍රසන්න විසින් සමාජ වෙබ් අඩවි හරහා තමන්ට තර්ජන හා බලපෑම් කළ බවත් අජිත් ප්‍රසන්න හා උදය ගම්මන්පිල දෙදෙනා සිය පවුලේ සාමාජිකයින්ගේ ජීවිතද අවදානමට පත් කිරීමට සංවිධානාත්මකව පියවර ගන්නා බවත් ක්‍රිශාන් වෙලගෙදර සිය ලිපියෙන් පෙන්වා දී තිබේ.

සමූහ මිනීමැරුම් නඩුවක් වන මෙම නඩුවට අදාළව අජිත් ප්‍රසන්න හා උදය ගම්මන්පිල පුද්ගලයින්ගේ මෙවන් හැසිරීම් ශ්‍රී ලංකාවේ 2015 අංක 04 දරණ අපරාධයක වින්දිතයින් හා සාක්ෂිකරුවන් හට සහය දීමේ සහ ආරක්ෂා කිරීමේ පනත (Assistant to and Protection of Victims of Crime and Witnesses Act No. 04 of 2015) යටතේ සාපරාධී වරදක් වේ.

කරන්නාගොඩට කිසිදු චෝදනාවක් නැහැ !

තමන්ට බලපෑම් කරන මෙම පුද්ගලයින් - නඩුවේ මුල් පැමිණිල්ල කොළඹ අපරාධ කොට්ඨාසයට යොමු කළ අද්මිරාල් වසන්ත කරන්නාගොඩට කිසිදු චෝදනාවක් එල්ල නොකරන බවද සිය ලිපියෙන් පෙන්වා දෙන ක්‍රිශාන් වෙලගෙදර වැඩිදුරටත් සිය ලිපියෙන් ඉල්ලන්නේ ප්‍රධානකොට සිංහල ජනතාව තුළ වෛරී ආකල්ප ඇති වන ආකාරයේ මෙම ප්‍රකාශ සම්බන්ධයෙන් ලංකා නීතිය තුළ තමන්ට ලබා දිය හැකි නීතිමය රැකවරණ ලබා දෙන ලෙසය.

මේ වන විට සිය දරුපවුල සමග කුසලතා සංක්‍රමණ (Skill Migration) යන වීසා බලපත්‍ර මත ඕස්ට්‍රේලියාවේ පදිංචිව සිටින ක්‍රිශාන් වෙලගෙදරගේ මෙම පැමිණිල්ල සම්බන්ධයෙන් ශ්‍රී ලංකා මානව හිමිකම් කොමිශන් සභාවේ කොමසාරිස්වරයෙකු පැවසුවේ සිය කොමිසම ක්‍රිශාන් වෙලගෙදරගේ ලිපිය ලද බවත් කොමිසමේ සභාපතිනිය සහ අනෙකුත් කොමසාරිස්වරු සමඟ සාකච්ජා කර ඒ සම්බන්ධව ඉදිරි ක්‍රියාමාර්ග ගන්නා බවත්ය.

(resa.lk)

 

Comment (0) Hits: 760

ලසන්ත ඝාතනයට යොදා ගත් ගිනි අවිය ගැන තොරතුරක් !

සන්ඩේ ලීඩර් පුවත්පතේ හිටපු කතෘ සහ ප්‍රවීණ මාධ්‍යවේදී ලසන්ත වික්‍රමතුංග මහතා අභිරහස් ලෙස ඝාතනය කිරීමට යොදා ගන්නා ලද විශේෂිත ගිනි අවිය මෙරටට ගෙන්වා ඇත්තේ ආයුධ ආනයන කිරීම හරහා බවට අපරාධ පරීක්ෂණ දෙපාර්තමේන්තුවට තොරතුරු ලැබී තිබේ.

මීට වසර 09කට පෙර එනම්, 2009 වසරේ ජනවාරි 08 වැනිදා අත්තිඩිය ප්‍රදේශයේදී ඝාතකයන් දෙදෙනෙකු විසින් උල් ආයුධයකින් ඇන ලසන්ත වික්‍රමතුංග මහතා අමානුෂික ලෙස ඝාතනයට ලක්කර තිබිණි.

ඒ මහතා සිය නිවසේ සිට එදින පෙරවරුවේ අත්තිඩියේ පිහිටි සන්ඩේ ලීඩර් පුවත්පත් කාර්යාලය වෙත සිය මෝටර් රථයෙන් යමින් සිටියදී යතුරුපැදියකින් ඔහු ලුහු බැඳ ගිය පුද්ගලයන් දෙදෙනෙක් අත්තිඩියේ පිහිටි ද්‍රවිඩ පාසලක් ආසන්නයේදී පාර හරස්කර මෝටර් රථය නවත්වා මෝටර් රථයේ රියැදුරු අසුන දෙසින් ගොස් එහි වීදුරුව පසාරු කරගෙන යන පරිදි එම ස්වයංක්‍රිය ආයුධයෙන් ප්‍රහාර‍යක් එල්ල කර ඒ මහතාට බරපතළ තුවාල සිදු කරමින් ඝාතනය කර තිබිණි.

 තියුණු උල් පහක් ස්වංක්‍රීයට ක්‍රියාත්මක වී:

එම සුවිශේෂී ගිනි අවිය ප්‍රහාරය එල්ල කරද්දී ස්වංක්‍රීයට ක්‍රියාත්මක වී එකවර තියුණු උල් පහක් ඉදිරියට විත් ප්‍රහාරය සිදු වෙයි.

මෙවැනි සුවිශේෂි ගිනි අවියක් මෙරට ත්‍රස්තවාදී කණ්ඩායම්වලට හෝ නොතිබු බවට ආරක්ෂක බුද්ධි අංශ මඟින් අනාවරණය කරගෙන තිබුණි.

ජාත්‍යන්තරයේ ඇතැම් දරුණු යුදකරුවන් අතට පමණක් පත්ව තිබූ එම ගිනි අවිය මීට පෙර මෙරට කිසිම ස්ථානයක පාවිච්චිකර ඇති බවට කිසිදු තොරතුරක් නොතිබිණි.

එබැවින් එම දරුණු ගිනි අවිය ලසන්ත වික්‍රමතුංග මාධ්‍යවේදියා ඝාතනය කිරීමේ භයානක සැලසුම ක්‍රියාත්මක කිරීම සඳහාම මෙරටට ගෙන එන ආයුධ අතර සඟවාගෙන ගෙනවිත් එම අපරාධ සිද්ධියෙන් පසු එම ආයුධය විනාශකර හෝ වළදමන්නට ‍ඇතැයි සැක කෙරේ.

(දිනමිණ)

Comment (0) Hits: 816

FCID පරීක්ෂණ 34ට අනුව සිදුව ඇති පාඩුව රු. මිලියන 15,000ක් !

බරපතළ මූල්‍ය අපරාධ විමර්ශන කොට්ඨාසය සිදුකළ පරීක්ෂණ 34ට අනුව රජයට සිදුව ඇති පාඩුව රුපියල් මිලියන 15,000ක් බව දූෂණ විරෝධී හඬ හෙළිදරව් කරයි.

විශේෂයෙන්ම එකී පරීක්ෂණ අතර රටේ වඩාත් ආන්දෝලනයට තුඩු දුන් ඇවන්ගාඩ් ගනුදෙනුව හරහා රටට වූ පාඩුව රුපියල් මිලියන 11,000ක් බව එම සංවිධානයේ කැඳවුම්කරු, ජවිපෙ හිටපු පාර්ලිමේන්තු මන්ත්‍රි වසන්ත සමරසිංහ පැවැසීය.

අදාළ පරීක්ෂණ වාර්තාවලට නඩු පවරා, රජයට අහිමි වූ රුපියල් මිලියන 15,000 නැවත පවරා ගැනීමේ කටයුතු ප්‍රමාද කරන්නේ නම් ඊට එරෙහිව නඩු මඟට බැසීමට සූදානම් බවද සමරසිංහ මහතා කීය.

එම පරීක්ෂණ වාර්තා 34හි කරුණු තොරතුරු දැනගැනීමේ පනත යටතේ ලබාගැනීමට කටයුතු කරන බව ඒ මහතා පැවැසීය.

Comment (0) Hits: 789

'මීළඟ අගමැති තෝරන්නේ ජනපති මෛත්‍රීයි' - ඉසුර

මීළඟ රජයේ අගමැති හා අමාත්‍යවරු කවුරුන් ද යන්නේ තීරණය කරනු ලබන්නේ ජනපති මෛත්‍රීපාල සිරිසේන මහතා විසින් බව බස්නාහිර පළාත් ප්‍රධාන අමාත්‍ය ඉසුර දේවප්‍රිය මහතා පැවසීය.

ශ්‍රී ලංකා නිදහස් පක්ෂ ජනහමුවක් අමතමින් ඔහු මේ බව සඳහන් කළේය.

“පස්දෙනෙකුගෙන් යුත් විනිසුරු මඩුල්ලක් හෙට අනිද්දා තීරණයක් දෙනවා. ඒ තීරණයෙන් තමයි කට්ටිය රත් වෙන්නේ. ඔක්කොම හිතුවා 2020 දී තමයි ජනපතිගේ නිල කාලය අවසන් වෙන්නේ කියලා. නෑ. මේ 19 වැනි සංශෝධනය අපේ ජනපතිවරයාට වලංගු වෙන්නේ නෑ.

මෛත්‍රීපාල සිරිසේන ජනපතිවරයාට 2021 වනතෙක් තමන්ගේ ධුර කාලයේ රැඳී සිටීමට ආණ්ඩුක්‍රම ව්‍යවස්ථාවෙන් අවස්ථාව ලැබී තිබෙනවා.

ඊළඟ රජයේ අග්‍රාමාත්‍යවරයා කවුද කියලා තීරණය කරන්නේ මෛත්‍රීපාල සිරිසේන ජනපතිවරයායි. ඒ වගේම එහි කැබිනට් අමාත්‍යවරු, රාජ්‍ය අමාත්‍යවරු, නියෝජ්‍ය අමාත්‍යවරු තෝරා ගනු ලබන්නේත් ඔහු විසින්මයි.

2021 වන තෙක් මේ රට පාලනය කරන්නේ ශ්‍රී ලංකා නිදහහස් පක්ෂය හා මෛත්‍රීපාල සිරිසේන ජනපතිවරයායි. “ යැයි ද පවසා සිටියේය.

(අද)

Comment (0) Hits: 801

බැඳුම්කර කොමිසමේ නිර්දේශ හොර රහසේ ම අගමැති අතට !

බැඳුම්කර වාර්තාවේ නිර්දේශ ඇතුලත් පිටු 11ක් ලිපිගොනුවක් අද (11) පෙරවරුවේ අගමැතිවරයා වෙත ලැබී ඇතැයි තහවුරු නොකළ ආරංචිමාර්ග වලින් 'නිව්ස් ටියුබ්' වෙත වාර්තාවේ.

බැඳුම්කර ගනුදෙනුව විමර්ශනය කළ ජනාධිපති විමර්ශන කොමිසම පිටු දහසකට වැඩි වාර්තාවක් පසුගිය දෙසැම්බර් මස 30දා ජනාධිපති මෛත්‍රීපාල සිරිසේන මහතා වෙත බාරදෙනු ලැබුවද මෙතෙක් ප්‍රසිද්ධියට පත්කර නොමැති අතර එහි පිටපතක් අගමැතිවරයාට හෝ ලබාදී නොතිබිණ.

කෙසේවුවද බැඳුම්කර වාර්තාවේ සාරාංශ පිටපත ලැබුන වහාම අගමැතිවරයා නීති විශාරදයින් කිහිප දෙනෙකු කැඳවා ඒ වාර්තාවේ ඇතුලත් නිර්දේශ සම්බන්ධයෙන් උපදෙස් ලබාගෙන ඇතිබවත්, ඒ පිළිබඳව ඉදිරියේදී ගතයුතු ක්‍රියාමාර්ග සැලසුම්කර ඇතිබවත් ඉහත ආරංචිමාර්ග පවසයි.

වාර්තාව සම්බන්ධයෙන් ජනාධිපතිවරයා කල විශේෂ ප්‍රකාශයේ සඳහන් කරුණු වලට වැඩි බරපතල කාරනා එහි සඳහන්ව ඇතත් අගමැතිවරයාට හෝ හිටපු අමාත්‍ය රවී කරුණානායක මහතාට සෘජුව බලපාන නිර්දේශ එහි ඇතුලත්ව නොමැති බව ඉහත ආරංචිමාර්ග වැඩිදුරටත් අවධාරණය කර සිටියි.

මේවනවිට ජනාධිපතිවරයා විසින් නීතිපතිවරයා සමඟද සාකච්ජා කර පාර්ලිමේන්තුව වෙත දන්වා ඒවා ඇත්තේ, බැඳුම්කර කොමිසම් වාර්ථාව මුලින්ම අල්ලස් හෝ දූෂණ විමර්ශන කොමිසන් සභාව, නීතිපති, හා මහබැංකුව වෙත යොමු කර ජනවාරි 17 හෝ ඊට ආසන්න දිනක පාර්ලිමේන්තුවේ සභාගත කිරීම සඳහා ඉදිරිපත් කරනු ලබන බවයි.

Comment (0) Hits: 868

නීතිඥ සංගමයේ සභාපතිකම නැවතත් නීතිඥ යූ.ආර්.ද.සිල්වාට

ජනාධිපති නීතිඥ යූ.ආර්.ද.සිල්වා ශ්‍රී ලංකා නීතිඥ සංගමයේ සභාපති ධූරය සඳහා නිතරගයෙන් තේරී පත්ව ඇති බව වාර්තා වෙයි.

ශ්‍රී ලංකා නීතිඥ සංගමයේ නව සභාපතිවරයා තෝරා ගැනීම සඳහා ඊයේ (10) නාමයෝජනා භාරගෙන ඇති අතර එහිදී කිසිඳු නාමයෝජනාවක් හෝ විරෝධතාවක් ඉදිරිපත් නොවීම හේතුවෙන් හිටපු සභාපතිවරයා මෙසේ නිතරගයෙන් පත්ව ඇත.

ශ්‍රී ලංකා නීතිඥ සංගමයේ නව සභාපතිවරයාගේ පත්වීම අද (11) ශ්‍රී ලංකා නීතිඥ සංගම් කාර්යාලයේදී අතිරේක සොලෝටර් ජනරාල් දප්පුල ලිවේරා විසින් ප්‍රකාශයට පත්කර ඇති අතර ඒ අනුව යූ.ආර්.ද.සිල්වා ශ්‍රී ලංකා නීතිඥ සංගමයේ 42 වන සභාපතිවරයාව ඇත.

Comment (0) Hits: 785

දේශප්‍රේමී විමල්ට අධිචෝදනා : මිලියන 75ක දේපළ උපයාගත් හැටි කියන්න බැරිවෙලා

අමාත්‍යවරයෙකු වශයෙන් කටයුතු කරමින් සිටියදී සිය වැටුපෙන් සහ ආදායම් වලින් උපයාගත නොහැකි රුපියල් මිලියන 75 කට අධික මුදල් සහ දේපළ හිමිකාරීත්වය දැරීම සම්බන්ධව පාර්ලිමේන්තු මන්ත්‍රී විමල් වීරවංශට අධිචෝදනා බාරදී ඇත.

අල්ලස් හෝ දුෂණ චෝදනා විමර්ශන කොමිසම විසින් මෙම නඩුව පවරා ඇති අතර අදාළ අධිචෝදනා පත්‍ර මන්ත්‍රීවරයා වෙත බාරදෙනු ලැබුවේ කොළඹ මහාධිකරණ විනිසුරු විකුම් කළුආරච්චි විසින්ය.

එහිදී රුපියල් ලක්ෂ 5 බැගින් වටිනා දෙදෙනෙකුගේ ශරීර ඇප දෙකක් මත මන්ත්‍රීවරයා මුදාහැරීමටද විනිසුරුවරයා නියෝග කළ අතර එළඹෙන 19 වනදා යළිත් අධිකරණයේ පෙනී සිටින ලෙසද නියෝගකර ඇත.

කෙසේ වුවත් විමල් වීරවංශ මන්ත්‍රීවරයා සඳහන් කර ඇත්තේ අදාළ චෝදනා සමබන්ධව තමන් නිවැරදිකරු බවය.

Comment (0) Hits: 759

ජනාධිපති, පාර්ලිමේන්තු ගෝරියේ රහස හෙළි කරයි (වීඩියෝ)

කොළඹ කොටුවේ පික්පොකට් කාරයන් ‘අන්න හොරෙක්.. අන්න හොරෙක්..’ කියමින් දුවන ආකාරයෙන් පාර්ලිමේන්තුවේ දෙපැත්තේ සිටින අය ඊයේ පාර්ලිමේන්තුව තුල දෙගොල්ලන්ටම හොරා කියාගන්න පටන් ගත් බව

ජනාධිපති මෛත්‍රීපාල සිරිසේන මහතා පැවසිය.

ඊයේ (10) පෙරවරුවේ පාර්ලිමේන්තු සභා ගැඹ තුල සිදුවූ ගුටි කෙළිය ගැන අදහස් පල කරමින් ජනාධිපතිවරයා එබව සඳහන් කළේ, අනුරාධපුර සල්ගාදු පිටියේ ඊයේ පස්වරුවේ පැවති ශ්‍රීලනිප හා සන්ධානයේ පලමු ප්‍රචාරක රැළිය දී අමතමිනි.

 මේ අතර 'කැෆේ' සංවිධානයේ විධායක අධ්‍යක්ෂ කීර්ති තෙන්නකෝන් මහතා සිය මුහුණු පොතේ සටහනක් තබමින් පවසා ඇත්තේ, ගැටුමක් ඇති කර ගැනීමේ මුලික අපේක්ෂාව සහිතව ‘ගුටි බැට හුවමාරුවක් ඇති කර ගත් පළමු අවස්ථාව ලෙස‘ ඊයේ පාර්ලිමේන්තුවේ ගුටි බැට හුවමාරුව ඉතිහාසයට එක්වනු ඇති බවයි.

අග්‍රාමාත්‍යවරයෙකු විසින් ඒ සදහා පූර්ණ අනුග්‍රාහාත්මක ප්‍රවේශයක් දැරූ පළමු අවස්ථාව ලෙස ද එය ඉතිහාසයට එක් වනු ඇති බව ඔහු කියා සිටියි.

පාර්ලිමේන්තු මන්ත්‍රීවරුන් අතර පාර්ලිමේන්තු සභා ගර්භයේ, කොරිඩෝවේ, සහ ලොබියේ දී ඇති වූ ගුටි බැට හුවමාරු පිළිබද කෙටි ඉතිහාසය ඔහු මෙසේ සැකෙවින් විග්‍රහ කර තිබේ.

ලංකා පාර්ලිමේන්තුවේ ගුටි කෙළි පුරාණය:

1. පිලිප් ගුණවර්ධන මහතා විසින් සර් ජෝන් කොතලාවල මහතා ට පාර්ලිමේන්තුවේ කොරිඩෝවේ දී සිදු කළ පහරදීම ලංකා ඉතිහාසයේ පාර්ලිමේන්තුවේ මන්ත්‍රීවරුන් දෙදෙනෙකු අතර සිදු වූ පළමු ගුටි බැට හුවමාරුවයි.

2. 1956 ආණ්ඩුවේ මැද කොළඹ තුන්වන මන්ත්‍රී ඇම්.අස්.තේමිස් සර් ජොන් කොතලාව ට ‘හලෝ ජෝන්‘ යැයි ඇමතීමෙන් පසුව ඔහුට පහරදීමට කොතලාවල මහතා ඔහු බිත්තියට හේත්තුකොට ඇත. මේ ගැන බණ්ඩාරනායක මහතා පවසා ඇත්තේ “මමත් ජොන් ට කථා කරන්නේ සර් ජොන් කියාල යි. හලෝ ජොන් කිව්වාම නොගහ ඉදීද?” (කෙසේ නමුත් තමන්ට සර් ජෝන් පහර නොදුන් බව තේමිස් මහතා ඉතා මෑතක දී පුවත්පතකට ප්‍ර‍කාශ කොට තිබුණි)

3. බණ්ඩාරනායක ඝාතනය සම්බන්ධයෙන් වූ විවාදය පැවැත්වෙන අතර තුර ඩඩ්ලි සේනානායක සහ මෛත්‍රීපාල සේනානායක මහතා ට පහරදීමට උත්සහ දැරීය. ඩඩ්ලි සේනානායක මහතා කථා කරමින් සිටින අතර මෛත්‍රීපාල සේනානායක මහතා අසා ඇත්තේ Who? (ඒ කවුද?) කියා ය. නමුත් එය ඩඩ්ලිට ඇසී ඇත්තේ YOU (ඔබ) කියාය. සාමාන්‍යයෙන් ඉතා නිහඩ පුද්ගයෙකු වූ ඩඩ්ලි තමන්ට ඇසුණු දේ වැරදියට වටහා ගැනීමෙන් කෝප වූ නිසා මෙම සිදුවීම සිදුවූ අතර ඉලංගරත්න මහතා වැනි කිහිප දෙනෙකු සිද්ධිය වළවක්වා ගෙන ඇත.

4. 1965-70 ආණ්ඩු සමයේ වලපනේ මන්ත්‍රී ටී.බී.එම්.හේරත් හා රඹුක්කන මන්ත්‍රී සමාජ සේවා අමාත්‍ය අශෝක කරුණාරත්න අතර කුල ප්‍ර‍ශ්ණයක් සම්බන්ධයෙන් වචන හුවමාරුවක් සිදු විය. සභා ගර්භයෙන් පිටතට පැමිණෙන තෙක් රැක සිටි හැඩි දැඩි අශෝක කරුණාරත්න ශරීර ප්‍ර‍මාණයෙන් කුඩා මිනිසෙකු වූ හේරත් මහතාට සැගවෙන තෙක් පන්න පන්නා පහර දුන්නේය.

5. 1974 දී සෞඛ්‍ය අමාත්‍ය ඩබ්ලිව්. පී.ජී. ආරියදාස මහතාට කර්මාන්ත අමාත්‍ය එස්.කේ.කේ.සුරිආරච්චි විසින් සිදු කළ පහරදීක් සිදු විය. එකම ආණ්ඩුවේ අමත්‍යවරුන් දෙදෙනෙකු පාර්ලිමේන්තුවේ ගුටි ඇණගත් පළමු අවස්ථාව මෙය යි.

6. වාසුදේව නානායක්කාර මහතා ට ගාමිණී ලොකුගේ අතුළු කණ්ඩායමක් විසින් පාර්ලිමේන්තුවේ දී පහරදෙනු ලැබූවේ වාසුදේව සොන්කෝලය ඔසවාගෙන යාමට උත්සහ දැරීමේ දී ය. 1992-1993 දී එම ප්‍ර‍හාරයට සම්බන්ධ වූ කිහිප දෙනෙකුම වත්මන් පාර්ලිමේන්තුව නියෝජනය කරයි.

7. මර්වින් සිල්වා ඇතුළු කණ්ඩායමක් ජාතික හෙළ උරුමය කොළාන්නාවේ සුමංගල හිමියන්ගේ ලිංගික අවයව මිරිකා පහර දෙනු ලැබූවේ ය. පාර්ලිමේන්තු සභා ගර්භය තුළ ඇති වු බලවත්ම ප්‍ර‍චණ්ඩක්‍රියාව එය විය.

8. කෑගල්ල දිස්ත්‍රික් මන්ත්‍රී සන්දීප් සමරසිංහ මහතාට ගම්පහ දිස්ත්‍රික් මන්ත්‍රී ප්‍ර‍සන්න රණවීර විසින් 2016 මැයි 4 දින පහරදීම හා පාලිත තෙවරප්පෙරුම සම්බන්ධ වූ ගුටි බැට හුවමාරුව පාර්ලිමේන්තු සභා ගර්භය තුළ දී මන්ත්‍රීවරයෙකු තවත් මන්ත්‍රීවරයෙකු ගේ ලේ සෙලවීම සිදු කළ පළමු අවස්ථාව යි.

Comment (0) Hits: 764

ශ්‍රීලංකන් ඉංජිනේරු අංශ ප්‍රධානියා මැතිවරණ නීති කඩමින් සේවක දඩයමක

ශ්‍රීලංකන් ගුවන් සමාගමේ ඉංජිනේරු අංශයේ ප්‍රධානියා සිය අසාර්ථක ව්‍යාපෘති වසං කිරීම වෙනුවෙන් දැඩි සේවක මර්දනයක නිරතව සිටින බව වාර්තා වෙයි.

මේ පිළිබඳ වාර්තා කරන ආරංචිමාර්ග සඳහන් කරන ආකාරයට ඉංජිනේරු අංශයේ ප්‍රධානියා විසින් දියත් කළ ඉතා අසාර්ථක ව්‍යාපෘති හේතුවෙන් ශ්‍රී ලන්කන් ගුවන් සමාගමට බරපතල පාඩු සිදුවී ඇති අතර එය වසං කිරීමේ අපේක්ෂාවෙන් ඔහු ආයතනයේ කළමණාකාර ශ්‍රේණිවල නිලධාරීන් ස්ථාන මාරුවීම් ලබාදීම ආරම්භ කොට ඇත.

මැතිවරණ සමයකදී මේ ආකාරයට සේවක ස්ථාන මාරුවීම් ලබාදීම මැතිවරණ නීති උල්ලංඝණය කිරීමක් වන නමුත් ඉංජිනේරු අංශයේ ප්‍රධානියා මේ කටයුත්ත නිදහසේ සිදුකරන්නේ ශ්‍රීලංකන් ප්‍රධාන විධායක නිලධාරීගේ ආශිර්වාදය යටතේ බවද දැනගන්නට ඇත.

එසේම මේ අසාධාරණ ස්ථාන මාරුවීම් හේතුවෙන් සේවකයින් බලවත් දුෂ්කරතාවකට පත්ව ඇති බවද වාර්තා වෙයි.

සිය වැඩබැරි කම වසා ගැනීම වෙනුවෙන් පහල සේවකයින් වෙත ස්ථාන මාරුවීම් ලබාදෙන මේ නිලධාරියාගේ මෑතකදී සිදුකළ අතිශය අසාර්ථක ව්‍යාපෘති රැසක් පිළිබඳවද වාර්තා වී ඇත.

ඒ අතර පකිස්ථාන එයාර්බස් ගණුදෙනුව ඉහළින්ම ඇති බවත් එහිදී ශ්‍රීලංකාවට අලුතින්ම ගෙන්වන ලද එයාර්බස් 330-300 ගුවන්යානයක් පකිස්ථාන ගුවන්සේවයට ලබාදී එහි අවසාන වාරික පකිස්ථානය විසින් ගෙවීම පැහැරහැරීමෙන් ආයතනයට රුපියල් කෝටි 75ක් පාඩු වූ සිදුවීම ප්‍රධාන බවද එම ආරංචිමාර්ග පෙන්වා දෙයි.

එසේම EASA තත්ව සහතිය අහිමිකර ගැනීමෙන් එය නැවත ලබාගැනීමට මේ දක්වා දරන ලද වියදම රුපියල් මිලියන 400 ඉක්මවා ඇති බවත් තවද පැය 8ක සේවා මුරයක් හඳුන්වාදීමෙන් සේවකයින් අතර දැඩි අප්‍රසාදයට ලක්වීම සහ එමගින් ගුවන්යානා නඩත්තු කටයුතු ප්‍රමාදවීමක් සිදුව ඇති බවද වාර්තා වේ.

මීට අමතරව අවුරුදු 18ක් පමණ පැරණි යානා 03ක කල්බදු දීර්ඝ කිරීමෙන් කෝටි 150 කට අධික පාඩුවක් සිදුවීම, 4R-ALD ගුවන්යානය මාස 3කට වැඩි කාලයක් යාත්‍රාංගනය තුළ රඳවා ගත්තද එහි පැරණි බව නිසා නඩත්තුව පසුවීමෙන් දිනකට ඇ.ඩොලර් 35000ක් පමණ වැයවීම. ගුවන්යානා නඩත්තු ප්‍රමාදයෙන් බිලියන ගණන් පාඩු සිදුවීම, නඩත්තු ප්‍රමාදය හේතුවෙන් ගමන් වලින් ගමන්වලට ගුවන්යානා මාරු කිරීමට සිදුවීම සහ එයාර්බස් 320 වෙනුවට එයාර්බස් 330 ගුවන්යානා ගමනාන්ත කරා යෙදවීමෙන් ආසන්න ලෙස දිනකට ඇමරිකානු ඩොලර් 45,000ක පමණ අලාභයක් සිදුකිරීම යන කරනා සඳහාද මෙම නිලධාරියා වගකිව යුතුව ඇති බවද වාර්තා වෙයි.

එසේම අලුතින් ගෙන්වන ලද එයාර්බස් 320 නියෝ ගුවන්යානා වල එන්ජින් නැවත අලුත්වැඩියා කිරීමට සිදුවීම නිසා ආයතනයට කෝටි 60ක පමණ පාඩුවක් සිදුවීම, වාර්ෂික කල්ඉකුත්වූ අමතර කොටස් මිලට ගැනීමෙන් කෝටි 05ක පමණ පාඩුවක් සිදුකිරීම, අධික මිලගණන් වලට ගුවන්යානා අමතර කොටස් මිලදීගැනීම හා එම මිලදී ගැනීම් රජයේ ප්‍රසම්පාදන ක්‍රියාවලියට පටහැනිව සිදුකිරීමෙන් ආයතනයට දිනකට මිලියන 03ක් පමණ පාඩු විඳීමට සිදුකිරීම, මේ දක්වා රුපියල් 250/-කට ශ්‍රීලංකාවේදී නිමකරන ලද සීට් කවර වෙනුවට යුරෝපයෙන් රුපියල් 4,200/-කට කවර මිලදී ගැනීම, වීදේශ රටවල (ඉන්දුනීසියාව/ ඩුබායි/ සිංගප්පූරුව) කරන ලද ගුවන්යානා නඩත්තු කටයුතු ක්‍රමවත් ඩෙන්ටඩර් පටිපාටියෙන් බැහැරව සිදුකිරීම, එක් යානයක් නඩත්තු (C-CHK)කටයුතු සඳහා කිරීමට ඇමරිකානු ඩොලර් 95,000/-ක් පමණ වැයකර ආයතනයට පාඩු සිදුකිරීම ඇතුළු තවත් අකටයුතුකම් සහ දුෂිත ක්‍රියා රැසකට මෙම ඉංජිනේරු අංශයේ ප්‍රධානියා වගකිව යුතු බවද ඉහත ආරංචිමාර්ග අවධාරණය කර සිටියි.

 

Comment (0) Hits: 995

මරික්කාර්ගෙන් ගුටි කෑ ලොකුගේ රෝහලේ !

බැඳුම්කර වාර්තාව සම්බන්ධයෙන් විවාදයක් පැවැත්වීමේ අරමුණින් අ (10) කැඳවූ විශේෂ පාර්ලිමේන්තු සැසිය අතරතුර පක්ෂ විපක්ෂ මන්ත්‍රීවරුන් අතර සිදු වූ ගුටි බැට හුවමාරුවේදී එජාප මන්ත්‍රී එස්. එම්. මරික්කාර් මහතා විසින් එල්ලකල ප්‍රහාරයෙන් තුවාල ලැබූ ඒකාබද්ධ මන්ත්‍රී ගාමිණී ලොකුගේ මහතා පෞද්ගලික රෝහලකින් ප්‍රතිකාර ලබාගෙන ඇති බව වාර්තාවේ.

මෙලෙස මන්ත්‍රීවරුන් අතර ගැටුමක් ඇති වූයේ අගමැති රනිල් වික්‍රමසිංහ මහතා බැඳුම්කර වාර්තාව ගැන විශේෂ ප්‍රකාශයක් සිදු කරමින් සිටී අතරතුරදීය.

 බැඳුම්කර ගනුදෙනුව ගැන ජනාධිපති කොමිසම් වාර්තාව හා පැවති රාජපක්ෂ ආණ්ඩුව සමයේ සිදුවූ දුෂණ අක්‍රමිකතා 34 ගැන සැකසූ වාර්තා බදාදා පාර්ලිමේන්තුවට ඉදිරිපත්කරන ලෙස පක්ෂ නායකයන් අඟහරුවාදා (ජනවාරි 09) ජනාධිපති මෛත්‍රිපාල සිරිසේනගෙන් ඉල්ලු නමුත් පාර්ලිමේන්තුව වෙත එම වාර්තා එවා නොතිබිණි.

ලබන 17 වෙනිදා වාර්තා මැතිසබයට :

ලබන 17 වෙනිදා මෙම වාර්තා පාර්ලිමේන්තුවට ලබාදෙන බව ජනාධිපති ලේකම්වරයා කතානායකවරයාට දැනුම්දී තිබේ. ඒ නීතිපතිවරයාගෙන් ලබාගත් උපදෙස් අනුවය.

වාර්තාව ඉදිරපත් නොකිරීම ගැන ඒකාබද්ධ විපක්ෂය, දෙමළ ජාතික සන්ධානය හා ජනතා විමුක්ති පෙරමුණ දැඩි විරෝධය පළකළ අතර ඒ අතරතුර අගමැතිවරයාගේ විශේෂ ප්‍රකාශයක් කිරීමට අවස්ථාව ලබාදීමත් සමග මෙම දැඩි උණුසුම් කාරී තත්ත්වය ඇතිවිය.

parliment guti 1000px

ඒකාබද්ධ විපක්ෂයේ මන්ත්‍රීවරුන් සබාගැබ මැදට පැමිණ අගමැතිවරයාට විරෝධය පළකරමින් විරෝධතා පුවරු ඔසවමින් නොසන්සුන්කාරී ලෙස හැසිරුණු අතර එයට ප්‍රතිචාර දැක්වීමට ආණ්ඩුවේ එක්සත් ජාතික පක්ෂ මන්ත්‍රීවරුන් පිරිසකුත් සබාගැබ මැදට පැමිණීමත් සමග දෙපිරිස අතර ගුටි බැට හුවමාරුවක් සිදුවිය.

දෙපිරිස අතර නොසන්සුන්තාවය සබාගැබ මැද සිදුවද්දී අගමැතිවරයා නොනවත්වා සිය කතාව කර ගෙන ගිය අතර දෙපිරිස "හොරා, හොරා" යැයි එකිනෙකාට චෝදනා කරගනු දක්නට ලැබුණි.

කතාව කරගෙන ගිය අගමැතිවරයා දෙසට යම් දෙයක් දමා ගැසීමට එක්බද්ධ විපක්ෂයේ මන්ත්‍රීවරයෙක් කටයුතු කිරීමත් සමග දෙපිරිස අතර ගැටුම ඇතිවිය.

නොසන්සුන්තාවය අතරතුර එක්සත් ජාතික පක්ෂ මන්ත්‍රී කාවිංග ජයවර්ධන ක්ලාන්තය ඇතිවීම හේතුවෙන් මන්ත්‍රීවරුන් ඔහුව සබාගැබෙන් පිටතට රැගෙන යන අයුරුද දක්නට ලැබුණි.

ඒකාබද්ධය හා ජවිපෙ වර්ජනයක :

අගමැතිවරයා දැඩි බාධා කිරීම් මැද සිය කතාව අවසන් කිරීමත් සමග කතානායකවරයා පක්ෂ නායක රැස්වීමක් සඳහා සබාව තාවකාලිකව කල්තැබූ අතර එම පක්ෂ නායක රැස්වීම ඒකාබද්ධ විපක්ෂය හා ජනතා විමුක්ති පෙරමුණ වර්ජනය කරන ලදී.

ඉන් අනතුරව නැවතත් පාර්ලිමේන්තුව රැස්වූ අතර එහිදී පක්ෂ නායකයන්ගේ රැස්වීමේ තීරණයක් අනුව අගමැතිවරයාගේ ප්‍රකාශය යළි ඉදිරිපත්කිරීමට අවස්ථාව ලබාදුනි.

ඒ ඔහුගේ කතාවට මින් පෙර ඇතිවූ බාධාව සැලකිල්ලකට ගනිමිනි.

එයටද විපක්ෂයේ මන්ත්‍රීවරුන්ගේ යම් විරෝධයක් එල්ලවුණු අතර අගමැතිවරයා කතාව ඉදිරිපත් කරන විට ඒකාබද්ධ විපක්ෂයේ මන්ත්‍රීවරුන් සබාගැබෙන් පිටව යනු දක්නට ලැබුණි.

 ranil P 1000px

අගමැතිවරයා සිය ප්‍රකාශයෙන් බැඳුම්කර චෝදනාව ගැන ගෙන ඇති ක්‍රියාමාර්ග මුල සිට පැහැදිලි කළේය.

අගමැතිවරයා සිය ප්‍රකාශයෙන් බැඳුම්කර චෝදනාව ගැන ගෙන ඇති ක්‍රියාමාර්ග මුල සිට පැහැදිලි කළ අතර 2015 මාර්තු මස සිටම මේ ප්‍රශ්නය සම්බන්ධව රජය විසින් අඛණ්ඩවම නිසි ක්‍රියාමාර්ග ගෙන සියළු කරුණු පාර්ලිමේන්තුවට, කෝප් කමිටුවට, නීතිපති දෙපාර්තමේන්තුවට වාර්තා කොට තිබෙන බව ප්‍රකාශ කළේය.

"පර්පෙචුවල් ට්‍රෙෂරීස් සමාගමේ ගිණුම්ගත රුපියල් බිලියන 12 ක මුදලක් ශ්‍රී ලංකා මහ බැංකුව භාරයේ රදවාගෙන තිබෙනවා. ජනාධිපති කොමිෂමේ වාර්තාව අනුව මෙම ගනුදෙනුව මගින් ශ්‍රී ලංකා මහ බැංකුව වෙත සිදුව ඇති අලාභය රුපියල් බිලියන 11ක් බව සඳහන් වෙනවා. දැන් ඉතිරිව ඇත්තේ නීතිපතිවරයා විසින් කරුණු උසාවියට වාර්තා කොට නඩු කටයුතු මෙහෙයවා රජයට සිදුව ඇති අලාභය නැවත අයකර ගැනීමට කටයුතු කිරීමයි. එමගින් රජයට අලාභයක් සිදුව ඇත්නම් එය පියවා ගැනීමටත් හැකියාව ලැබෙනවා" යනුවෙන් අගමැතිවරයා ප්‍රකාශ කළේය.

 වැරදිකරුවන්ට දඬුවම් දෙනවා :

2008 වසරේ සිට 2014 වසර දක්වා භාණ්ඩාගාර බැඳුම්කර නිකුතුවලදි සිදුව ඇති අවභාවිතයන් පිළිබඳව විමර්ශනය කළ යුතු බව ජනාධිපති කොමිෂන් සභා වාර්තාවේ සඳහන් කර ඇති බව ජනාධිපතිවරයා ප්‍රකාශ කළ බව පැවසූ අගමැතිවරයා එම සියළුම වංචා සොයා බලා වැරදිකරුවන්ට දඬුවම් දීමට කටයුතු කරන බව අවධාරණය කළේය.

එම කාලය තුල ශ්‍රී ලංකා මහ බැංකුව භාරව සිටි මුදල් අමාත්‍යතුමා වන හිටපු ජනාධිපති මහින්ද රාජපක්ෂ ඒ සම්බන්ධව පාර්ලිමේන්තුවට ප්‍රකාශයක් සිදුකළ යුතු බවද අගමැතිවරයා මෙහිදී සඳහන් කළේය.

"අද භාණ්ඩාගාර බැඳුම්කර ප්‍රශ්නය දේශපාලන ප්‍රශ්නයක් වෙලා. විවිධ ජනමාධ්‍යවලට, දේශපාලන පක්‍ෂවලට මඩ ෆැක්ටරිවලට මේක හොඳ ඉල්ලමක් වෙලා. සමහරු මෙම බැඳුම්කර ප්‍රශ්නය නිසා පොලී අනුපාතය ඉහළ ගියා කියනවා. ඩොලරයේ අගය ඉහළ ගියා කියනවා. මේ ඔක්කොම මඩ ප්‍රචාරවලට නොරැවටි අපි සත්‍ය සොයා ගනිමු. සත්‍ය සොයා ගෙන අවශ්‍ය ක්‍රියා මාර්ග ගනිමු" යනුවෙන් පවසමින් අගමැතිවරය ඔහුගේ ප්‍රකාශය අවසන් කළේය.

අගමැතිවරයාගේ ප්‍රකාශයෙන් අනතුරව සබාව ජනවාරි මස 23 වෙනිදා දක්වා කල්තැබීමට කතානායකවරයා කටයුතු කළේය.

(මුලාශ්‍රය - බීබීසී සිංහල සේවය)

 

Comment (0) Hits: 821

මංගල, කාන්තාවන්ට තිබු බාධාවක් ඉවත්කරයි !

කාන්තාවට මත්පැන් අලෙවිසැල්වලින් මත් පැන් මිලදී ගැනීමට පනවා තිබූ තහනම ඉවත් කර ඇති බව මුදල් අමාත්‍යංශය පවසයි.

එමෙන්ම මීට අමතරව මත්පැන් විකුණන හා අලෙවිකරන ස්ථානවල සේවය කිරීමටද පනවා තිබූ තහනම ද ඉවත් කර ඇත.

Comment (0) Hits: 786

තවත් ගුරුවරියක් දණගස්වලා

ඌව පළාතේ ප්‍රබල දේශපාලනඥයෙකු විසින් ඌව පළාත් සභාව යටතේ පාලනය වන දෙමළ බාලිකා විද්‍යාලයක විදුහල්පතිනියක් තම නිල නිවසට කැඳවා දණ ගස්වා සිසුවියක් ඇතුළත් කිරීමට බලැපෑම් කර ඇති බව වාර්තා වෙයි.

ඒ එම දමිළ බාලිකා විද්‍යාලයට සිසුවියක් ඇතුලත් කරගැනීම සඳහා අදාල සිසුවියගේ දෙමව්පියන් විසින් අදාළ දේශපාලනඥයාගේ ලිපියක් රැගෙන විදුහල්පතිනිය හමුවීමට ගොස් ඇති නමුත් අදාල විදුහල්පතිනිය එම ලිපිය ප්‍රතික්ෂේප කිරීමේ සිදුවීමක් නිසාය.

දේශපාලනඥයාගේ ලිපිය ප්‍රතික්ෂේප කරමින් විදුහල්පතිනිය සඳහන් කර ඇත්තේ තමන් බැඳී සිටින්නේ දේශපාලඥයන්ගේ නියෝග ක්‍රියාත්මක කිරීමට නොවන බවත් තමන් අධ්‍යාපන අමාත්‍යංශ බලධාරීන්ගේ නියෝග වලට අනුව පමණක් තමන් කටයුතු කරන බවත්ය.

ඒ පිළිබඳ දැනගැනීමෙන් පසුව උරණ වූ දේශපාලනඥයා මෙසේ විදුහල්පතිනියව නිවසට කැඳවා දණ ගස්සවා සිදුකළ වරද ගැන සමාව අයදින ලෙස බලකර ඇත. මේ සිදුවීම ගැන පැමිණිල්ලක් ශ්‍රී ලංකා මානව හිමිකම් කේන්ද්‍රය වෙතද ලැබී ඇති බවද වාර්තා වෙයි.

ශ්‍රී ලංකා මානව හිමිකම් කේන්ද්‍රය මේ පිළිබඳ අධ්‍යාපන අමාත්‍යංශ ලේකම් වරයා වෙත ලිපියක් යොමු කර දැනුවත් කර ඇති බවද වාර්තා වන අතර දේශපාලනඥයාගේ මෙම ක්‍රියාව රාජ්‍ය සේවයේ ගරුත්වය කෙලෙසන ශිෂ්ඨ සම්පන්න නොවන, අමානුෂික ක්‍රියාවක් බවත් එබැවින් මේ පිළිබඳව සොයා බලා සුදුසු පියවරක් ගන්නා ලෙස එම ලිපියේ අවධාරණය කර ඇති බවද වාර්තා වෙයි.

Comment (0) Hits: 770

ලොකුගේ මරික්කාර් ගැටෙයි- කාවින්ද රෝහලේ

ඒකාබද්ධ විපක්ෂයේ ගාමිණී ලොකුගේ සහ එක්සත් ජාතික පක්ෂයේ එස්.එම්. මරික්කාර් මන්ත්‍රීවරයා අතර අද(10) පාර්ලිමේන්තුවේදී ගුටි බැට හුවමාරුවක් සිදුව ඇත.

ඒ රනිල් වික්‍රමසිංහ අගමැතිවරයා පාර්ලිමේන්තුවේ දී බැඳුම්කර වාර්තාව සම්බන්ධයෙන් විශේෂ ප්‍රකාශයක් සිදුකරද්දී ඒකාබද්ධ විපක්ෂයේ මන්ත්‍රීවරුන් පැවැත්වූ විරෝධතාවය අතර තුරදීය.

මෙම ගැටුම වැළක්වීමට ඊට මැදිහත්වූ එක්සත් ජාතික පක්ෂ මන්ත්‍රී කාවිංග ජයවර්ධන මහතාට ක්ලාන්තය ඇතිවීම හේතුවෙන් ඔහු වෛද්‍ය ප්‍රතිකාර සඳහා යොමු කර ඇති බවද වාර්තා වෙයි.

මේ හේතුවෙන් පාර්ලිමේන්තුවේ කටයුතු තාවකාළිකව අත්හිටුවන්නට සිදුව ඇති බවද වාර්තා වෙයි.

Comment (0) Hits: 763

අගමැතිගේ පාර්ලිමේන්තු විශේෂ ප්‍රකාශයට එරෙහිව ඒකාබද්ධයේ විරෝධතා

අද (10) රැස්වූ පාර්ලිමේන්තුවේ විශේෂ සභාවාරය අවස්ථාවේ අග්‍රාමාත්‍යවරයා විශේෂ ප්‍රකාශයක් නිකුත් කිරීමට එරෙහිව ඒකාබද්ධ විපක්ෂයේ මන්ත්‍රීවරුන් බරපතල විරෝධයක් එල්ල කරමින් සිටින බව වාර්තා වෙයි.

වැඩිදුරටත් වාර්තා වන ආකාරයට පාර්ලිමේන්තු සභා ගර්භයට පැමිණ සිදුකරන එම විරෝධය හේතුවෙන් මේ වන විට පාර්ලිමේන්තුවේ කටයුතු පවත්වා ගෙන යාමටද දුෂ්කර තත්ත්වයක් මතුව ඇත.

එසේම ඊයේ පැවති පක්ෂ නායක හමුවේදී අද දිනයේ පාර්ලිමේන්තුව රැස් කරන අවස්ථාවේ බැඳුම්කර වාර්තාව ඇතුළුව බරපතල වංචා සහ දුෂණ සම්බන්ධව පත්කළ ජනාධිපති පරීක්ෂණ කොමිසමේ විමර්ශන අවසන් කළ වාර්තා 34 සභාගත කරන ලෙස ජනාධිපතිවරයා වෙතින් ඉල්ලා තිබුණත් අද දිනයේ එම කිසිඳු වාර්තාවක් සභාගත කර තිබුණේ නැත.

එම ඉල්ලීම පාර්ලිමේන්තුවේ සභානායක වෙනුවෙන් සභානායක ලේකම් විසින් ජනාධිපති ලේකම්වරයා වෙතින් ඉල්ලා තිබිණ.

ඊට අදාළ ප්‍රතිචාරය කතානායකවරයා පාර්ලිමේන්තුවට දන්වා සිටියේ එම වාර්තා තවත් සතියක පමණ කාලයකින් පාර්ලිමේන්තුවේ සභාගත කරන බවට ජනාධිපතිවරයා දැනුම්දී ඇති බවය.

 

Comment (0) Hits: 791

දෙමළ සැකකරුවන්ට එරෙහි නඩු විභාගය ඇරඹේ : ස්විට්සර්ලන්තයේ උද්ඝෝෂණ

නීති විරෝධී ලෙසින් ඩොලර් මිලියන 15කට වැඩි මුදලක් රැස් කිරීමේ චෝදනාව යටතේ දෙමළ ජාතිකයන් පිරිසකට එරෙහිව නඩු විභාගය ආරම්භවීමත් සමගම එයට විරෝධය පාමින් දෙමළ ජාතිකයන් පිරිසක් අධිකරණය ඉදිරිපස උද්ඝෝෂණයක නිරතව සිටියහ.

ශ්‍රී ලාංකික, ස්විට්සර්ලන්ත සහ ජර්මානු පුරවැසිභාවය හිමි 13 දෙනෙකුට එරෙහි නඩු විභාගය ස්විට්සර්ලන්තයේ බෙලින්සෝනා (Bellinzona) නුවර පිහිටි ෆෙඩරල් අපරාධ අධිකරණය ඉදිරියේ සඳුදා (ජනවාරි 08) ආරම්භ විය.

ස්විට්සර්ලන්තයේ නීතිය ප්‍රකාර සැකකරුවන්ගේ නම් ප්‍රසිද්ධියට පත් කොට නොමැති අතර, ඔවුන්ගෙන් සමහරෙකු ලෝක දෙමළ සම්බන්ධීකරණ කමිටුවේ (World Tamil Coordinating Committee (WTCC)) සාමාජිකයෝය.

2009 දක්වා ස්විට්සර්ලන්තයේදී දෙමළ විමුක්ති කොටි (එල්ටීටීඊ) සංවිධානය නියෝජනය කළ ලෝක දෙමළ සම්බන්ධීකරණ කමිටුවේ නිර්මාතෘවරයා, නියෝජ්‍ය නායකයා සහ මූල්‍ය කටයුතු භාර ප්‍රධානියා ද චුදිතයන් අතර සිටින බව ස්විස්ඉන්ෆෝ (Swissinfo) පුවත් සේවය වාර්තා කරයි.

අධිකරණයට ඉදිරිපත් කල සාක්ෂි ගැටළු සහගතයි :

 නඩු විභාගයේ පළමු දිනයේ විත්තිකරුවන් වෙනුවෙන් පෙනී සිටි නීතිඥයන් නඩුව විභාග නොකර එය යළිත් නීතිපතිවරයා වෙත යොමු කරන මෙන් ඉල්ලා සිටි බව ස්විස්ඉන්ෆෝ වෙබ් අඩවියේ දකුණු ආසියානු කටයුතු භාර වාර්තාකරු ආනන්ද් චන්ද්‍රසේකර් (Anand Chandrasekhar) බීබීසී සිංහල සේවයට පැවසීය.

"අධිකරණයට ඉදිරිපත් කරලා තියෙන සාක්ෂි විමර්ශනවලින් සොයා ගත් සාක්ෂි නොව, අන්තර්ජාලය සහ මාධ්‍ය ඔස්සේ ප්‍රකාශයට පත් වූ කරුණු බව විත්තියේ නීතිඥවරුන් පෙන්වා දුන්නා," ඔහු පැවසීය.

"ඒ නිසා තහවුරු කළ නොහැකි එවැනි සාක්ෂි අධිකරණ වාර්තාවලින් ඉවත් කළ යුතු බව ඔවුන්ගේ තර්කය වී තිබුණා."

ස්විට්සර්ලන්ත ෆෙඩරල් අපරාධ අධිකරණයේ වෙබ් අඩවියේ දැක්වෙන පරිදි, "අපරාධ කල්ලියකට සම්බන්ධවීම හෝ සහාය දීමේ" චෝදනාව යටතේ සැකකරුවන් 12 දෙනෙකුට එරෙහිව නඩු පවරා තිබෙන අතර, වංචාව, ව්‍යාජ ලේඛන සකස් කිරීම සහ කළු සල්ලි ජාවාරම පිළිබඳව ද ඔවුන්ගෙන් බහුතරයකට එරෙහිව නඩු පවරනු ලැබ තිබේ.

අනෙක් චෝදනාවලට අමතරව "කප්පම් ගැනීම" විත්තිකරුවන් දෙදෙනෙකුට එරෙහිව එල්ල වී තිබෙන තවත් චෝදනාවකි.

1999 සිට 2009 මැයි මාසය දක්වා සැකරුවන් පිරිස "අපරාධ කල්ලියකට" සහාය දී තිබෙන අතර, බැංකුවලින් ණය ලබාගැනීම පිණිස දෙමළ ඩයස්පෝරාවේ සාමාජිකයන් යොදා ගනිමින් ඉතා සංකීර්ණ ක්‍රියාදාමයක් දියත් කළ බව ද අධිකරණයේ වෙබ් අඩවියේ දැක්වේ.

LTTE : "ත්‍රස්තවාදී සංවිධානයක් ලෙස නම්කර නැහැ''

කෙසේ වුවත් එල්ටීටීඊ සංවිධානය ස්විට්සර්ලන්තයේ තහනම් සංවිධානයක් නොවූ බැවින් "ත්‍රස්තවාදී සංවිධානයකට සහයෝගය දීමේ" චෝදනා ඔවුන්ට එරෙහිව ඉදිරිපත් කර නැති බවත් මාධ්‍යවේදී ආනන්ද් චන්ද්‍රසේකර් පෙන්වා දෙයි.

"ඒ වගේම පැමිණිල්ල ඉදිරිපත් කරලා තියෙන පිටු 367ක් පමණ වන චෝදනා පත්‍රයේ ලිපි ගොනු සියල්ල තමන්ට ලැබිල නැති බව විත්ති පාර්ශවය අධිකරණය ඉදිරියේ කියා සිටියා. ඒ නිසා ඒ සම්පූර්ණ ලිපිගොනුව තමන්ට ලබාදෙන්න කියල විත්තිය ඉල්ලා සිටියා."

සිය සේවාදායකයන්ට එරෙහිව "ලෝකේ තියෙන සියලුම චෝදනා" එල්ල කිරීමෙන් තොරව, ඔවුන්ට එරෙහිව ප්‍රධාන චෝදනා පමණක් ගොනු කරන මෙන් ද විත්ති පාර්ශවය අධිකරණයෙන් ඉල්ලා සිටි බවත් ස්විස්ඉන්ෆෝ මාධ්‍යවේදී ආනන්ද් චන්ද්‍රසේකර් බීබීසී සිංහල සේවයට පැවසීය.

එල්ටීටීඊ සැකකරුවන්ට එරෙහි නඩු විභාගය ලබන මාර්තු මාසය දක්වා පමණ පැවැත්වෙනු ඇතැයි විශ්වාස කරන බව ජිනීවා නුවර සිටින බීබීසී වාර්තාකාරිය ඉමොජෙන් ෆොක්ස් (Imogen Fowkes) බීබීසී සිංහල සේවය කළ විමසීමකදී සඳහන් කළේය.

(බීබීසී සිංහල සේවය)

 

Comment (0) Hits: 703

Page 535 of 551