විචාර
සුරේෂ් සලේ රඳවා සිටි සිර මැදිරිය මානව හිමිකම් කොමිසමේ නිරීක්ෂණයට - නිසිපරිදි වාතාශ්රය නොලැබීම ඇතුළු අඩුපාඩු රැසක්!
දැනට රැඳවුම් භාරයේ සිටින හිටපු බුද්ධි අධ්යක්ෂ සුරේෂ් සලේ මහතා විවිධ වධ හිංසනයන්ට ලක්කර ඇති බවට ලැබුණු පැමිණිල්ල සම්බන්ධයෙන් තවදුරටත් විමර්ශන සිදුකරන බව ශ්රී ලංකා මානව හිමිකම් කොමිෂන් සභාව සදහන් කරයි.
ඒ අනුව අද (16) දිනයේත් අපරාධ පරීක්ෂණ දෙපාර්තමේන්තුවේ නිලධාරීන්ගෙන් ප්රකාශ ලබාගැනීම සිදුවන බවයි මානව හිමිකම් කොමිෂන් සභාව සදහන් කළේ.
අපරාධ පරීක්ෂණ දෙපාර්තමේන්තුවේ රැඳවුම් භාරයේ සිටින සුරේෂ් සලේ මහතාව විවිධ වධ හිංසනයන්ට ලක්කර ඇති බවට ඔහුගේ ඥාතීන් විසින් ශ්රී ලංකා මානව හිමිකම් කොමිෂන් සභාව වෙත පසුගියදා පැමිණිල්ලක් ඉදිරිපත් කර තිබුණි.
අදාළ පැමිණිල්ලට අනුව සුරේෂ් සලේ මහතා රඳවා සිටි සිරමැදිරිය පිළිබඳව ද විශේෂ පරීක්ෂාවක් සිදුකර ඇති බවද සදහන් වෙයි.
ඔහු අපරාධ පරීක්ෂණ දෙපාර්තමේන්තුවේ සාමාන්ය සිරමැදිරියක රඳවා තබා සිට ඇති අතර එම සිරමැදිරිය තුළට නිසිපරිදි වාතාශ්රය නොලැබීම ඇතුළු පොදු මූලික අඩුපාඩු රැසක් නිරීක්ෂණය වී ඇති බව ශ්රී ලංකා මානව හිමිකම් කොමිෂන් සභාව සඳහන් කළේය.
ඒ පිළිබදව අපරාධ පරීක්ෂණ දෙපාර්තමේන්තුවේ නිලධාරීන් වෙත දැනුවත් කිරීමටද මානව හිමිකම් කොමිෂන් සභාව පියවර ගෙන තිබෙන තිබේ.
yumal
newstube.lk වෙබ් අඩවියේ පළවන සියළු ප්රවෘත්ති සහ විශේෂාංග ආශ්රිතව කිසිවකුට හානිකර යමක් පළ වී ඇත්නම් ඒ අගතියට පත් පාර්ශවයට ඊට ප්රතිචාර දැක්වීමට ඇති අයිතියට අපි ගරු කරමු.
ඔබගේ ප්රතිචාර
