අමෙරිකාවේ මේරිලෑන්ඩ් ප්රාන්තයේ පිහිටි කැපිටල් ගැසට් නම් පුවත්පත් ආයතනය වෙත එල්ලවූ වෙඩි ප්රහාරයකින් පුද්ගලයින් 5 දෙනෙකු මියගොස් තවත් තිදෙනෙක් තුවාල ලබා ඇති බව විදෙස් මාධ්ය වාර්තා සඳහන් කරයි.
මේරිලෑන්ඩ් ප්රාන්තයේ පිහිටි කැපිටල් ගැසට් නම් අමෙරිකානු පුවත්පත් කාර්යාලයේ ප්රවෘත්ති කාමරය තුළට එහි වීදුරු දොර ඔස්සේ වෙඩි ප්රහාරය එල්ල කර ඇත්තේ 20 හැවිරිදි තරුණයකු වන අතර මේ වන විටත් එම සැකකරු අත්අඩංගුවට ගෙන ප්රශ්න කරමින් සිටින බව මේරිලෑන්ඩ් පොලිසිය සඳහන් කරන බවද එම මාධ්ය වාර්තා සඳහන් කර සිටියි.
සාරා සැන්ඩර්ස්ගේ ට්වීටර් සටහන
මේ අතර සිද්ධිය සම්බන්ධයෙන් අදහස් දක්වමින් අමෙරිකානු ජනපතිගේ මාධ්ය ලේකම් සාරා සැන්ඩර්ස් ප්රකාශ කර ඇත්තේ මෙය අහිංසක මාධ්යවේදීන්ට එල්ල වූ ප්රහාරයක් බවත් සිත් පිත් නැති ප්රචණ්ඩකාරී දුෂ්ඨ ප්රහාරය දැඩි ලෙස හෙළා දකින බවත් ය.