Language Switcher

V2025

ට්‍රම්ප් සහ මෝදි අතර හමුවක්

අමෙරිකානු ජනාධිපති ඩොනල්ඩ් ට්‍රම්ප් සහ  ඉන්දීය අග්‍රාමාත්‍ය නරේන්ද්‍ර මෝදි  අතර අද තීරණාත්මක සාකච්ඡාවක් පැවැත්වීමට නියමිත බව වාර්තා වේ.

ඉන්දීය අග්‍රාමාත්‍යවරයාගේ අමෙරිකානු සංචාරය ආරම්භ කරන්නේ එරට සිටින ඉන්දියානුවන් 50,000 ක සහභාගීත්වයෙන් පැවැත්වෙන දැවැන්ත සංස්කෘතික ප්‍රසංගයකිනි.

ඒ අමෙරිකාවේ ටෙක්සාස් ප්‍රාන්තයේ හූස්ටන් නගරයේදී පැවැත්වීමට නියමිත බව විදෙස් වාර්තා සදහන් කරයි. 

භාරතීය සංස්කෘතික අංගයන්ගෙන් සමන්විත එම ප්‍රසංගයට අමෙරිකානු ජනාධිපති ඩොනල්ඩ් ට්‍රම්ප් ද සහභාගී වන බවත්, දෙරට අතර වෙළෙඳ යුද්ධය සමතයකට පත් කිරීම සම්බන්ධයෙන්   නායකයින් දෙපළ අතර සාකච්ඡාවක් ද පැවැත්වීමට නියමිත බවද වාර්තා වේ.

අමෙරිකාවෙන් ආනයනය කෙරෙන භාණ්ඩ සඳහා ඉන්දියාව පැන වූ තීරු බදු මෙන් ම ඉන්දීය භාණ්ඩ සඳහා අමෙරිකාව පැන වූ තීරු බදු ලිහිල් කිරීම සම්බන්ධයෙන් එහිදී එකඟතාවකට පැමිණෙනු ඇතැයි ආර්ථික විශ්ලේෂකයින් සඳහන් කරති.

එක්සත් ජාතීන්ගේ මහා මණ්ඩල සැසිවාරයට සහභාගී වීම සඳහා ඉන්දීය අග්‍රාමාත්‍යවරයා එලෙස අමෙරිකාවට පැමිණ තිබේ.