කහ කුඩු කිලෝග්‍රෑම් 01කට රුපියල් 750ක උපරිම සිල්ලර මිලක් නියම කර ඇති බව පාරිභෝගික කටයුතු අධිකාරිය සඳහන් කරයි.
මෙම නියෝගය අප්‍රේල් මස 21 වැනි දින සිට බලපැවැත්වෙන බවයි පාරිභෝගික කටයුතු අධිකාරිය පවසන ඒ අතර ඊට අදාළ ගැසට් නිවේදනය නිකුත් කර ඇත.
මේ අතර කහකුඩු මිලදී ගැනීමට තිබේ ද යන්න සහ මිල ගණන් සම්බන්ධව අප වාර්තා කරුවන් යොදවා කොළඹ ,රත්නපුර, මාතර ඇතුළු ප්‍රදේශ කිහිපයක විමසීමේදී කහ කුඩු වෙළෙඳපොළ තුළ හිඟ බව වාර්තා විය.
එසේම ඇතැම් ප්‍රදේශවල මීට දින කිහිපයකට පෙර කිලෝවක් රුපියල් 1000.00 ක සාමාන්‍යයක පැවති බවත් වාර්තා විය.