Language Switcher

V2025

මන්ත්‍රී  තිස්ස කුට්ටි සමස්ත කාන්තා ප්‍රජාවෙන් සමාව ඉල්ලනු !"

" #shameonthissakutti

  1. රෝහිණී කවිරත්න පාර්ලිමේන්තු මන්ත්‍රීවරිය ඉලක්ක කර ආණ්ඩුවේ තිස්ස කුට්ටිආරච්චි මන්ත්‍රීවරයා සිදුකළේ, ද්වේශ සහගත සහ අපහාසාත්මක ප්‍රකාශයක් බව පැහැදිලි ය.

  2. න ණ ල ළ ඉස්පිලි හෝ ව්‍යංගාර්ථ කියා ඒවා අනුමත කරන්න කිසිසේත් ශිෂ්ට සම්පන්න රටක පුරවැසියකුට නොහැකිය.

  3. එබැවින් අපවැනි පසුගාමී සමාජ වල තිස්ස කුට්ටිආරච්චි ලා බය නැතුව සිය අශිෂ්ටත්වය පෙන්නුම් කරයි.

  4. වම්බටු කතා ඔය පාර්ලිමේන්තුවේදී ඇහුනේ පළමු වතාවට නොවේය. මෑත ඉතිහාසයේ , මතකය නිවැරදි නම් තලතා අතුකෝරළ මන්ත්‍රීවරිය ඉලක්ක කර , මහින්දානන්ද අලුත්ගමගේ අමාත්‍යවරයා ද පාර්ලිමේන්තුව තුළ "වම්බටු" මතක් කරගෙන තිබිණ.

  5. ටයිකෝට් ඇන්දට, vip වුණාට මේ අය මහත්වරුන් නොවන බවට ඊට වඩා සාක්ෂි අවශ්‍ය නැත. මහත්මයෙක් නොවන මහින්දානන්ද අලුත්ගමගේ අමාත්‍යවරයා පාර්ලිමේන්තුවේදී එසේ අපහාස කළේ සිය කතාවේදී නොව , සභාවේ බාධා කෙරුණු අවස්ථාවකය.

  6. ඊට පස්සේ ඒ ගැන මොකද වුණේ කියා පැහැදිලි කිරීම දන්නා අයගේ වගකීමය. එදා මහින්දානන්ද අලුත්ගමගේ අමාත්‍යවරයා ගේ ප්‍රකාශය සම්බන්ධයෙන් ගනුලැබූ තීන්දු තීරණ මොනවාද ?

  7. කෙසේ වුවත් , තිස්ස කුට්ටිආරච්චි මන්ත්‍රීවරයා මේ වන විට මහින්දානන්ද අලුත්ගමගේ අමාත්‍යවරයා ට වඩා මේ වැඩෙන් ඉදිරියට ගොස් ඇති බව පසුගියදා තහවුරු විය. ඒ ඔහු සිය කතාවේදී ම වම්බටු වලට තවත් කළමනා එකතු කරමිනි.

  8. මේ දේවල් මෙසේ සිදුවන්නේ රටේ නීති සම්පාදනය කරන උත්තරීතර ආයතනය තුළය. මේ දේවල් සිදුකරන්නේ මහජන නියෝජිතයන් ය.

  9. ඔවුන් මහජන නියෝජිතයන් නිසාම මහජනතාවගේ පිළිකුල තිස්ස කුට්ටිආරච්චි මන්ත්‍රීවරයා වෙත යොමුකළ යුතු අතර යළිත් මන්ත්‍රීවරයකු කාන්තාවකට අපහාස , අවමන් කිරීමට පෙර දෙවරක් හිතන තැනට සමාජය පත්කර ගත යුතු නොවේද ?

  10. ශිරාණි බණ්ඩාරනායක සිදුවීමේ සිට තලතා අතුකෝරළ මන්ත්‍රීවරිය දක්වාත් දැන් රෝහිණී කවිරත්න වෙතත් නිදහසේ ගලන මේ හිංසනය තවත් පෙරට යාම වැලැක්විය යුතු නොවේද ?

  11. ඒ වෙනුවෙන් එක් පියවරක් ලෙස "තිස්ස කුට්ටිආරච්චි මන්ත්‍රීවරයා සමස්ථ කාන්තා ප්‍රජාවෙන් ප්‍රසිද්ධියේ සමාව ඉල්ලීමට" බලකළ යුතු නැද්ද ?

  12. යුගයේ අවාසනාව කියාපාන්නේ නරක මිනිසුන්ගේ නරක වැඩ පමණක් නොව හොඳ මිනිසුන්ගේ නිහැඬියාවද විසිනි.

  13. "මන්ත්‍රී තිස්ස කුට්ටි සමස්ත කාන්තා ප්‍රජාවෙන් සමාව ඉල්ලනු !"

#කළුආවෙමසුදුඇඳගෙන

සංජය ලියනගේ තැබූ ෆේස්බුක් සටහනකි.

Leave your comments

Post comment as a guest

0
Your comments are subjected to administrator's moderation.
terms and condition.
  • No comments found