V2025

ගොසිප්

මිනීමැරුමට දඬුවම් ලබාදුන් facebook සෙල්ෆිය

ගෙල මිරිකා මරා දමන ලද තරුණියකගේ මිනීමරුවා සොයාගැනීමට facebook සෙල්ෆියක් සහාය වී ඇතැයි කැනඩාවෙන් වාර්තා වේ. එම ජායාරූපයේ 2015 වසරේ සිදුවූ මෙම ඝාතනය සඳහා යොදාගත් බඳ පටිය ඝාතනයට සිදුකළ තරුණිය විසින් පැළඳ සිටිනු දක්නට ලැබීම එයට හේතුවයි.

මෙලෙස මරා දමා තිබුනේ බ්‍රිට්නි ගගොල් නමැති 18 හැවිරිදි තරුණියකි. ඇයගේ ඝාතනයට වරදකාරිය වී ඇගේ හොඳම යෙහෙළිය වන රොස් ඇන්ටෝනි නැමැත්තියකි. මේ දෙදෙනාම අදාළ සෙල්ෆි ජයාරූපය සඳහා පෙනී සිට තිබේ.

බ්‍රිට්නිගේ සිරුර මහ මඟ පොලිසිය විසින් සොයාගෙන ඇති අතර ඒ අසල තිබී මිනීමැරීමට යොදාගත් බඳ පටියද සොයාගෙන තිබේ.

සිරුර සොයාගැනීමට පැය හයකට පෙර බ්‍රිට්නි ගගොල්ගේ සහ මිනීමැරුමට වරදකරුවී ඇති තරුණිය ඇතුලත් සෙල්ෆි ජයරුපය facebook වෙත මුදාහැර ඇතැයි පැවසේ.

රෝස් අධිකරණයේදී මුලින් පවසා ඇත්තේ මිනීමැරුම සිදුවූ දින ඔවුන් දෙදෙනා සාදයකට ගොස් අතරමගදී වෙන්ව තම තමන්ගේ නිවෙස් වෙත ගිය බවයි. නමුත් පසුව අධිකරණයේදී බ්‍රිට්නි සමඟ විවාදයක් අතිවූ බව පිළිගෙන ඇතත් තමන් යෙහෙළිය මරා දැමු බවට මතකයක් නොමැති බව රෝස් පවසා තිබේ.

බ්‍රිට්නි ගගොල්ගේ මරණයට වරදකරුවූ රොස් ඇන්ටෝනි වසර හතක සිර දඬුවමක් හිමිව තිබේ.

Comment (0) Hits: 1007

ජයලලිතාගේ ආසනය අල්ලන්න විශාල් එයි!

දකුණු ඉන්දීය සිනමාවේ ජනප්‍රිය ක්‍රියාදාම නළුවෙක් වන විශාල් (Vishal krishna) තමින්නාඩුවේ හිටපු මහ අමාත්‍යවරිය නියෝජනය කළ “RK නගර්” ආසනයේ අතුරු මැතිවරණය සඳහා නාමයෝජනා භාරදී ඇත.

මෙම අතුරු මැතිවරණය පැවැත්වීමට නියමිතව පැවතුණේ 2017 අප්‍රේල් මාසයේ වුවත් ජයලලිතාගේ පක්ෂ අභ්‍යන්තරයේ ඇතිවූ බල අරගල සහ මැතිවරණය ආසන්නයේ ජන්ද දායකයන්ට අල්ලස් ලබාදීම් සම්බන්ධ පැමිණිලි හේතුවෙන් එම අවස්ථාවේ “RK නගර්” ආසනයේ අතුරු මැතිවරණය කල් තබනු ලැබිණ.

විශාල් සමඟ මෙම අතුරු මැතිවරණය සඳහා ජයලලිතාගේ පක්ෂය නියෝජනය කරමින් මඩුසුදානන් නම් ප්‍රධාන පෙළේ සාමාජිකයකු ඉදිරිපත්ව ඇති අතර එම පක්ෂයේම දිනකරන් නමැති ඉදිරිපෙළ සාමාජිකයාද ස්වාධීන අපේක්ෂකයකු ලෙස නාමයෝජනා භාරදී ඇත.

කෙසේ වුවත් තමන්ගේ දේශපාලන ආගමනය ගැන සඳහන් කරමින් විශාල් පවසා ඇත්තේ තමන් දේශපාලකයකු වනවා වෙනුවට “පොදු ජනයා” බවට පත්වීමට අපේක්ෂා කරන බවයි. එසේම ජරාජීරණ දේශපාලනය විසින් තවදුරටත් හාත්පස අපිරිසිදු කරනු පැත්තකටවී තමන්ට තවදුරටත් බලාසිටිය නොහැකි බවත්, පුරවැසියෙක් ලෙස පවතින තත්ත්වය වෙනස් කිරීම තම අපේක්ෂාව බවද විශාල් මාධ්‍ය හමුවේ පවසා ඇත.

මේ අතර විශාල්ගේ දේශපාලන ආගමනය සම්බන්ධව දිල්ලි මහ අමාත්‍ය අරවින්ද් කෙජ්රිවාල් ද ප්‍රසාදය පළකර ඇත. එහිදී ඔහු විශාල්ගේ දේශපාලන ආගමනය යෞවනයන්ට පෙළඹවීමක් ඇතිකරනු ඇති බව සඳහන් කර ඇත. එසේම වෙනස් කම් සිදුවිය හැකිනම්, එය ඕනෑම කෙනෙකු හරහා පැමිණිය හැකි බවත් එය විශාල් හරහාද පැමිණිය හැකි බව සඳහන් කර ඇත. කෙජ්රිවාල් විසින් විශාල් පිළිබඳ දැඩි අපේක්ෂාවකින් යුතුව සිදුකර ඇති මෙම ප්‍රකාශය සම්බධන්ධව මේ වන විට ඉන්දීය සමාජ මාධ්‍යජාල තුළ විශේෂ අවධානයක් යොමුවී ඇති බව සඳහන් වේ.

 

 

Comment (0) Hits: 1218

කිම් තුන්වෙනි වරටත් මව් පදවියට

කිම් කාර්ඩේශියන් පසුගිය සදුදා(15) ඇගේ තෙවන දැරුවද බිහි කරනු ලබුවා. විදෙස් පුවත් පත් සේවා වාර්තා කරන පරිදි අලුත උපන් දරුවා ගැහැණු දරුවෙකි.

37 වෙනි වියේ පසුවන කිම් ගැහැණු දරුවෙකුගේ සහ පිරිමි දරුවෙකුගේ මවකි.

එසේම අලුත උපන් දරුවා වෙනුවෙන් කිම් ඩොලර් පන්ලක්ෂ පනස් දහසක සෙල්ලම් බඩු සහ ඇඳුම් මිලට ගත් බව Closer නම් විදෙස් සඟරාව සඳහන් කර තිබුණි.

Comment (0) Hits: 961

මහින්ද-විජේදාස රහසිගත හමුවක්

හිටපු ජනාධිපති මහින්ද රාජපක්ෂ මහතා හා හිටපු අධිකරණ හා බුද්ධ ශාසන අමාත්‍ය විජේදාස රාජපක්ෂ මහතා අතර රහසිගත හමුවක් පසුගිය සතියේ දී සිදු වී ඇතැයි දේශපාලන ආරංචිමාර්ග පවසයි.

රාජපක්ෂ මහතාගේ විජේරාම නිවසේ දී අලූයම සිදු වූ මෙම හමුවට දෙදෙනා පමණක් එක් වී ඇති බවට තොරතුරු වාර්තා වේ.

කෙසේ වෙතත් දැනට අධිකරණයේ රාජපක්ෂ පවුලට එරෙහිව ගොනුකර ඇති නඩු සම්බන්ධයෙන් පවතින නීතිමය තත්ත්වය පිළිබඳව සාකච්ඡුා කළ බව වාර්තා වේ.

ඊට අමතරව එලඹෙන පළාත් පාලන මැතිවරණය බැඳුම්කර ගනුදෙනුව සම්බන්ධ ජනාධිපති කොමිසමේ නීතිමය තත්ත්වය ගැන ද එහිදී සාකච්ඡුා වී ඇත.

Comment (0) Hits: 1103

ඔප්රා වින්ෆ්‍රේ මීළඟ ඇමෙරිකානු ජනපතිවරණයට?

පසුගිය දා පැවැත්වූ ගෝල්ඩන් ග්ලෝබ් සම්මාන උළෙල මෙහෙය වූ සෙත් මයර්ස් සුප්‍රකට නිවේදිකා හා නිළි ඔප්රා වින්ෆ්‍රේ ගැන ඉඟිකරමින් පවසා සිටියේ ඇමරිකාවේ 2020 වසරේ පැවැත්වෙන ජනපතිවරණයට අපේක්ෂිකාවක ලෙස ඇය ඉදිරිපත් වීමට ඉඩ ඇති බවය. වේදිකාවට නැගූ ඔප්රා ද පවසා සිටියේ එය සනාථ වන ආකාරයේ කරුණුය.

මේ වන විට මෙය රට පුරා පැතිරෙමින් පවතියි. දිගුකලක් රූපවාහිනී නිවේදිකාවක වන ඔප්රා වින්ෆ්‍රේ ෂෝ නමින් තම වැඩසටහනක් ගෙන ගිය ඇය නිළියක මෙන්ම චිත්‍රපට නිෂ්පාදිකාවක් ද වූ අතර මේ වන විට රූපවාහිනී නාලිකා සේවයක හිමිකාරියක ලෙස කටයුතු කරයි. ගෝල්ඩන් ග්ලෝබ් සම්මාන උළෙලෙදී ඇය කළ කතාව අසා සිටි බහුතරයකගේ අදහස වූයේ එය ජනපති අපේක්ෂිකාවකගේ කතාවකට සමාන බවයි.

Comment (0) Hits: 993

සුරූපී රූපලාවන්‍ය ශිල්පිනිය ඝාතනයේ සැකකරුවන් ඇල්ලීමට CCTV පිරික්සයි

කොට්ටාව - පන්නිපිටිය ප්‍රදේශයේ නිවසක් තුළ දී රූපලාවන්‍ය ශිල්පිනියක් ඝාතනය කළ සැකකරුවන් අත්අඩංගුවට ගැනීම සඳහා පොලීසිය අංශ කිහිපයක් ඔස්සේ පරීක්ෂණ ආරම්භ කර ඇත.

ඒ සඳහා සී.සී.ටී වී කැමරා දර්ශන අධ්‍යයනය කරමින් පවතින බව පොලීසියේ ජ්‍යෙෂ්ඨ ප්‍රකාශකයෙකු සඳහන් කළේය.

එමෙන්ම මිය ගිය කාන්තාවගේ ජංගම දුරකථනයට ලැබුණු ඇමතුම් ඔස්සේ ද පරීක්ෂණ ක්‍රියාත්මකවේ.

සැකකරුවන් අත්අඩංගුවට ගැනීම සඳහා පොලිස් කණ්ඩායම් 3ක් මේ වන විට මෙහෙයුම් ආරම්භ කර තිබේ.

මේ අතර, වෙඩි වැදී මිය ගිය කාන්තාවගේ පශ්චාත් මරණ පරීක්ෂණය ද අද කළුබෝවිල ශික්ෂණ රෝහලේදී සිදුකිරීමට නියමිතය.

 සමයං ගේ හිතවතියක් :

 මෙම වෙඩි තැබීම පාතාල ගැටුමක ප්‍රතිඵලයක් බවට පොලීසිය සැක පළ කරයි.

මිය ගිය කාන්තාව පසුගියදා කළුතරදී බන්ධනාගාර බස් රථයට එල්ල වූ ප්‍රහාරයෙන් මියගිය පාතාලයේ සමයං සමඟ සමීප හිතවත්කම් පැවැත්වූ තැනැත්තියක බව සඳහන්වේ.

එමෙන්ම, පාතාල සාමාජිකයෙකු වන අංගොඩ ලොක්කාගේ සගයන් පිරිසක් විසින් මෙම ප්‍රහාර එල්ල කර ඇති බවට ද සැක කෙරේ.

කොට්ටාව - පන්නිපිටිය පාරේ නිවසක් තුළ 42 හැවිරිදි දෙදරු මවක් වන මෙම කාන්තාව ඝාතනය කර තිබුණේ පෙරේදා රාත්‍රියේදීය.

Comment (0) Hits: 1183

ඔස්ට්‍රේලියාවටත් සමලිංගික විවාහ

දෙසැම්බරයේ සිට ක්‍රියාත්මක වූ නව නීතිය හා එය බලගන්වන්නට දී තිබූ කාලයෙන් පසු මුල්වරට ඔස්ට්‍රේලියාවේ සමලිංගික විවාහ මංගල උත්සව කිහිපහක්ම පවත්වා තිබේ. මෙසේ විවාහ වූ යුවලවල් අතර ඔලිම්පික් ධාවන ශූර ක්‍රේග් බර්න්ස් හා ඔහුගේ සහකරු මෙන්ම ඔලිම්පික් ශූරයෙකු වූ ලුක් සලිවන් ද වූ අතර පසුගිය සඳුදා මැදියම් රැයේදී නිව් සවුත් වේල්ස්හි ඔවුන්ගේ විවාහය සිදුවිය.

ඒ අනුව ඔස්ට්‍රේලියාව සමලිංගික විවාහ නීත්‍යානුකූල බවට පිළිගත් විසිපස් වැනි රට වනු ඇත.

සී.එන්.එන්./ලක්බිම

Comment (0) Hits: 955

චිලීත් දැන් ආදරවන්තයෙක් !

හැමදාමත් ආදරය විවාහය කියන මාතෘකාවෙ දි ඒ කතාව වෙන පැත්තකට හරවලා සැහැල්ලූවෙන් හිනාවෙන්න උත්සාහ කරපු චිලීට දැන් නම් එහෙම කරන්න බැරි හැඩයි. මොකද මේ වෙද්දි චිලී ඇත්තටම ආදරවන්තයෙක් වෙලා. දන්නවද චිලීගෙ ආදරවන්තිය හමුවෙලා තියෙන්නෙ නම් මුහුණු පොතෙන්. ඒ වෙද්දි ඉතාලියේ පදිංචිව හිටපු ඇය චිලීව බලන්න ලංකාවට එන්නෙ හොඳ මිතුරියක් විදියට. ඒත් ඇයව දුටුව ගමන් චිලීට ඇය ගැන ආදරයක් ඇති වෙලා. ඉතින් ළඟදිම දවසක බුකියෙන් හොයාගත්තු ආදරවන්තිය විවාහ කරගන්න චිලී සැලසුම් හදමින් ඉන්නවලූ.

Comment (0) Hits: 1072

මට මානසික ආබාධයක් නෑ - ඩොනල්ඩ් ට්‍රම්ප්

තමාට මානසික ආබාධ නැති බවත් ජනපති ධූරය දැරීමට හැකි බවත් ඇමරිකානු ජනාධිපති ඩොනල්ඩ් ට්‍රම්ප් ප්‍රකාශ කර ඇත. මෙයට හේතු වී ඇත්තේ ට්‍රම්ටප්ට මානසික ආබාධ ඇති බවට ග්‍රන්ථයකින් ආනාවරණය කිරීමයි.

මෙම ග්‍රන්ථයේ රචකයා මයිකල් වූල්ප් යැයි පවසේ.

ට්‍රම්ප්ට රාජ්‍ය පාලනය පිළිබඳව තීන්දු ගැනීමේ දුෂ්කරතා ඇති බව එම ග්‍රන්ථයේ වැඩිදුරටත් දක්වා ඇත.

ට්‍රම්ප් සම්බන්ධව හිටපු ජනාධිපති බරක් ඔබාමා ද පැවසුවේ ට්‍රම්ප් ජනපති ධූරයට සුදුසු තත්ත්වයක නොසිටින බවයි. මේ අනුව එම ග්‍රන්ථයට එරෙහිව නඩු පැවරීමට ට්‍රම්ප් සැලසුම් කර ඇත.

 දිවයින

Comment (0) Hits: 1042

ටනාශා දැන් සින්ගල් වෙලාලූ

ටනාශා සතරසිංහ ක්ෂේත‍්‍රයට එන්නෙ දෙරණ මිස් ශ‍්‍රී ලංකා වෙලානෙ. ඒ එක්කම ඇයට රංගනයට ලැබෙන ආරාධනා ටෙලිනාට්‍ය, චිත‍්‍රපට ක්ෂේත‍්‍ර දෙකෙන්ම ගලාගෙන ආවනෙ. කොහොම කොහොම හරි ඒ ගමන මැද්දෙ ටනාශගෙ ආදර කතාවත් හරිම අපූරු රිද්මයකට ගලාගෙන ගියා. හැබැයි ඔන්න දැන් ඒ ආදර කතාව නතර වෙලාලූ. ටනාශා දැන් සින්ගල් වෙලාලූ.

Comment (0) Hits: 1345

දුමින්දගේ සහෝදරයාට සුභ මංගලම්

ශ්‍රී ලංකා නිදහස් පක්ෂ මහ ලේකම් කෘෂිකර්ම අමාත්‍යය දුමින්ද දිසානායකගේ පෞද්ගලික ලේකම් මෙන්ම ⁣ජේෂ්ඨ සහෝදරයා වූ කාවින්ද දිසානායක ඊයේ (07) යුග දිවියට පිවිසුණි.

කොළඹ වෝටර්ස් එජ් හෝටලයේදී මෙම මංගල උත්සවය පැවැත් විණි.

View the embedded image gallery online at:
http://newstube.lk/gossip?start=180#sigProId1e076645de

Comment (0) Hits: 1364

තුමිදුට අලුත් ආදරයක් හම්බ වෙනවලු

තුමිදු දොඩන්තැන්න පිළිබඳව මේ දවස්වල කවුරුත් කතා කරනවා. ඒ එක්කම ඔහුගෙ ආදරණීය සහකාරිය කලණිත් ඔහුත් සමඟින් දැන් ගෙදර ආලින්දයට ගොඩවෙනවා. ඒ ‘සහෝදරයා’ ටෙලි සිත්තමත් එක්ක. හැබැයි ඒ ගැන කියන්න නම් නෙවෙයි මේ සූදානම. වසර ගානක් ආදරේ කරලා එකම කැදැල්ලකට කූඩු වුණු මේ ආදරවන්තයෝ දෙන්නා මේ දවස්වල පුංචි අමුත්තෙක්ව පිළිගන්න සූදානමින් ඉන්නවලූ. ඉතින් අම්මා කෙනෙක් වෙන්න යන කලණිටත් තාත්තා කෙනෙක් වෙන්න යන තුමිදුටත් සුබ ප‍්‍රාර්ථනා කරන්න අපිත් අමතක කරන්නෙ නෑ ඔන්න.

Comment (0) Hits: 1279

දුමින්දගෙන් දිනේෂ්ට හදිසි ඇමතුමක් !

බැසිල් රාජපක්ෂ වැනි පුද්ගලයින්ගේ අන්තේවාසිකයකු නොවී ශ්‍රීලනිපය සමග එක්වන්නැයි ශ්‍රීලනිප මහ ලේකම් දුමින්ද දිසානායක මහතා තමා ගෙන් ඉල්ලීමක් කල බව මහජන එක්සත් පෙරමුණේ නායක දිනේෂ් ගුණවර්ධන මහතා පවසයි.

හිටපු ජනාධිපති මහින්ද රාජපක්‍ෂ මහතාගේ විජේරාම නිල නිවසේ පැවති ඊයේ (06) රාත්‍රීයේ පැවති ඒකාබද්ධ විපක්ෂයේ සාකච්ජාවෙන් පසු එහි නායක දිනේෂ් ගුණවර්ධන මහතා මන්ත්‍රීවරුන් කිහිප දෙනෙකු හමුවේ එබව සඳහන් කර තිබේ.

රාජපක්ෂ ආණ්ඩුව සමයේදී බැසිල් රාජපක්ෂ හා නාමල් රාජපක්ෂ ක්‍රියාකළ ආකාරය අමතක දැයි දුමින්ද දිසානායක මහතා තමාගෙන් විමසා සිටි බවත් දිනේෂ් ගුණවර්ධන මහතා එහිදී පවසා ඇත.

කෙසේවුවද එම රැස්වීමෙන් අනතුරුව මාධ්‍ය හමුවේ අදහස් දැක්වූ දිනේෂ් ගුණවර්ධන මහතා තම පක්ෂය ඉදිරි පළාත් පාලන මැතිවරණයේදී ඒකාබද්ද විපක්ෂයේ තීරණය අනුව කටයුතු කරන බව කියා සිටියේය.

Comment (0) Hits: 1231

"අපේ ජනාධිපති අපි බලාගන්නම්"

ඒකාබද්ධ විපක්ෂය හා ශ්‍රී ලංකා නිදහස් පක්ෂය ඉදිරි පළාත් පාලන මැතිවරණයේ එක්ව තරග කිරීමේ හැකියාව ගැන තවත් සාකච්ඡාවක් අඟහරුවාදා (නොවැ 28) පැවැත්වීමට නියමිතය.

සෙනසුරාදා රාත්‍රියේ පැවති මූලික සාකච්ඡාවට ඒකාබද්ධ විපක්ෂය නියෝජනය කරමින් මන්ත්‍රීවරුන් වන මහින්ද යාපා අබේවර්ධන, පවිත්‍රා වන්නිආරච්චි හා සී.බී රත්නායක සහභාගී වී තිබේ.

ශ්‍රී ලංකා නිදහස් පක්ෂය නියෝජනය කරමින් සහභාගිවී තිබුණේ අමාත්‍යවරුන් වන නිමල් සිරිපාල ද සිල්වා, අනුර ප්‍රියදර්ශන යාපා සහ ලසන්ත අලගියවන්නයි.
"මූලික එකඟතා කිහිපයකට අපිට එන්න පුළුවන් වුනා. නමුත් ප්‍රතිපත්තිමය කාරණා කිහිපයක් ගැන අපිට අපේ නායකයන් සමග සාකච්ඡා කරන්න අවශ්‍යයි. ඒ ගැන එකඟතාවකට එන්න බැරිවුනා. ඒ ගැන දෙපාර්ශ්වයේම නායකත්වය සමග සාකච්ඡා කරලා නැවත අඟහරුවාදා රැස්වෙනවා තීරණයකට එළඹෙන්න" සෙනසුරාදා පැවති සාකච්ඡා ගැන ඒකාබද්ධ විපක්ෂයේ මන්ත්‍රී මහින්ද යාපා අබේවර්ධන මාධ්‍යට පැවසුවේ එළෙසය.

දෙපාර්ශ්වයම සාකච්ඡා වූ කොන්දේසි මොනවාදැයි තවමත් හෙළිකර නොමැත.

මහින්ද රාජපක්ෂ හිටපු ජනාධිපතිවරයාට අගමැතිකම හෝ විපක්ෂ නායකකම ලබාදීම මෙම සාකච්ඡාවල කොන්දේසි බවට මධ්‍ය වර්තා පළවුවත් දෙපාර්ශ්යම එය ප්‍රතික්ෂේප කර තිබේ.

ඊයේ උත්සවයකින් අනතුරුව මාධ්‍ය ඇමතූ හිටපු ජනාධිපති මහින්ද රාජපක්ෂ දෙපාර්ශ්වය අතර පැවැත්වෙන සාකච්ඡා ගැන සුබවාදීව අදහස් පළ කළේය.
"අපේ මන්ත්‍රී කණ්ඩායම තුන්දෙකෙන් පත්කරලා තියෙනවා. එයාලට වගකීමක් බාරදුන්නා. ඒගොල්ලෝ ඒක අපිට දැන් වාර්තා කරයි"

"සමහර අය ප්‍රකාශ කරනවා වගේ අගමැතිකම හෝ විපක්ෂ නායකකම ගන්න අපි කෙටි මාර්ග හෙව්වේ නැහැ. කරන්නෙත් නැහැ. ඒවා සම්පුර්ණ මඩගැහිල්ලක්" එක්වීමේ කොන්දේසි තමන්ට තනතුරු ලබාගැනීමට යැයි පළකර ඇති අදහස් හිටපු ජනාධිපතිවරයා ප්‍රතික්ෂේප කළේ එලෙසිනි.

සම්මුතිවාදී ආණ්ඩුවේ මත ගැටුම්?

ශ්‍රී ලංකා නිදහස් පක්ෂය ආණ්ඩුවෙන් ඉවත්වුවහොත් එක්සත් ජාතික පක්ෂය, දෙමළ ජාතික සන්ධානය හා එක්ව ආණ්ඩුවක් පිහිටුවන බවට පළකර ඇති අදහසක් ගැන මාධ්‍යවේදියෙක් හිටපු ජනාධිපතිවරයාගෙන් විමසු විට ඔහු පැවසුවේ "ඒක තමයි අපිටත් ඕන යන්න කියන්නකෝ බලන්න, අපේ කට්ටිය අපිට දෙන්න, එතකොට ඉවරයි, අපේ ජනාධිපති එතකොට අපි බලාගන්නම්" යනුවෙනුයි.

හිටපු ජනාධිපතිවරයා සතිඅන්ත සන්ඩේ ටයිම්ස් පුවත්පතට පවසා තිබුණේ පක්ෂය එකමුතු කළ හැක්කේ ජනාධිපති මෛත්‍රිපාල සිරිසේනට පමණක් බවය.
"වෙන කිසිවකුටත් බැහැ. ඔහු විධායක ජනාධිපතිවරයා හා ශ්‍රී ලංකා නිදහස් පක්ෂයේ නායකයා" යනුවෙන් හිටපු ජනාධිපතිවරයා පැවසූ බව එම පුවත්පතේ සඳහන් විය.

මේ අතර මෙලෙස දෙපාර්ශ්වය අතර සාකච්ඡා ඉදිරියට යද්දී ශ්‍රී ලංකා නිදහස් පක්ෂයෙන් හා එක්බද්ධ විපක්ෂයේ පොදු ජන පෙරමුණෙන් ඉදිරි මැතිවරණයට තරග කිරීමට සුදනම්වූ අපේක්ෂකයන් දැඩි අපහසුතාවයට පත්ව තිබේ. මෙම ලැයිස්තු දෙක එක් ලැයිස්තුවක් වුවහොත් ඡන්ද අපේක්ෂකයන් රැසකට අවස්ථාව අහිමිවේ.

ශ්‍රී ලංකා නිදහස් පක්ෂයේ අපේක්ෂකයන්ට 40%ක අවස්ථාවකුත්, ඒකාබද්ධ විපක්ෂයේ අපේක්ෂකයන්ට 40%ක අවස්ථාවකුත්, අනිකුත් පක්ෂවල අපේක්ෂකයන්ට 20%කුත් ලබාදීමේ පදනම මත දෙපාර්ශ්වයේ සාකච්ඡා සිදුවන බව වාර්තා වේ.

මේ ගැන බීබීසි සිංහල සේවයට අදහස් දැක්වූ ශ්‍රී ලංකා නිදහස් පක්ෂයේ ඇමතිවරයෙක් පැවසුවේ අපේක්ෂක ලැයිස්තු ගැන ගැටලුවක් පැවතියත්, දෙපාර්ශ්වයක් තරග කළහොත් එක්සත් ජාතික පක්ෂය ශක්තිමත්වීම වැළැක්විය නොහැකි බවය.

2015 වසරේ පැවති සාකච්ඡාවක්

මේ අතර ශ්‍රී ලංකා නිදහස් පක්ෂය හා එක්බද්ධ විපක්ෂය අතර පැවැත්වෙන සාකච්ඡා ගැන එක්සත් ජාතික පක්ෂයේ යම් සසලවීමක් සිදුව ඇති බව ඔවුන්ගේ පසුපෙළ මන්ත්‍රීවරුන් පසුගිය සතියේ කළ ඇතැම් ප්‍රකාශවලින් පෙන්නුම්කරයි.

කෙසේ වෙතත් නියෝජ්‍ය අමාත්‍ය අජිත් පෙරේරා පැවසුවේ ඒකාබද්ධ විපක්ෂය හා ශ්‍රී ලංකා නිදහස් පක්ෂය එක්ව තරග කරත් නැතත් එය එක්සත් ජාතික පක්ෂයට බලනොපාන බවය.

මේ අතර ශ්‍රී ලංකා නිදහස් පක්ෂය හා මහින්ද රාජපක්ෂ පාර්ශ්වය අතර මැතිවරණයට එක්ව තරග කිරීම ගැන එකඟතාවක් ඇතිවුවත් එය ඇති වන්නේ මහින්ද රාජපක්ෂ පාර්ශ්වයේ කොන්දේසි අනුව නොවන බව ජනාධිපති මෛත්‍රිපාල සිරිසේන ප්‍රකාශ කළ බව පුරවැසි බලය සංවිධානය පවසයි.

2015 ජනාධිපතිවරණයේදී ජනපති මෛත්‍රිපාල සිරිසේනට සහාය දුන් සිවිල් සංවිධාන නායකයන් කිහිප දෙනෙකු හා ජනාධිපතිවරයා අතර ඊයේ පැවති සාකච්ඡාවකදී ජනාධිපතිවරයා මේ බව ප්‍රකාශ කළ බව සාකච්ඡාවට එක්වූ පුරවැසි බලය සංවිධානයේ කැඳවුම්කරු ගාමිණී වියන්ගොඩ බීබීසි සිංහල සේවයට පැවසීය.

මැතිවරණයට එක්ව තරග කිරීම ගැන හිටපු ජනාධිපති මහින්ද රාජපක්ෂගේ පාර්ශ්වය සමග සාකච්ඡාවක් පැවැත්වෙන බව ජනාධිපතිවරයා පිළිගත් බව පැවසූ ගාමිණී වියන්ගොඩ එය එක්සත් ජාතික පක්ෂය සමග තිබෙන ජාතික ආණ්ඩුවට ගැටලුවක් නොවන බව ඔහු ප්‍රකාශ කළේ යැයි ද පැවසීය.

බැඳුම්කර කොමිසම හරහා එක්සත් ජාතික පක්ෂය විනාශ කිරීමේ උත්සාහයක නියැලෙන බවට එක්සත් ජාතික පක්ෂයේ ඇතැම් මන්ත්‍රීවරුන් ජනාධිපතිවරයාට පසුගිය සතියේ චෝදනා කළ අතර ජනාධිපතිවරයා ද ඊට දැඩි ප්‍රතිචාර දැක්විය.

ජාතික ආණ්ඩුවේ දෙපාර්ශයම අතර ඇතිව තිබෙන මෙම මතගැටුම සමථයකට පත්කිරීම සඳහා සිවිල් සංවිධාන නායකයන් ජනාධිපතිවරයා හමුව තිබේ.

ගොඨාභය දේශපාලනයට?

මෙහිදී හිටපු ආරක්ෂක ලේකම් ගෝඨාභය රාජපක්ෂ දුෂණ චෝදනා මත අත්අඩංගුවට ගැනීම ජනාධිපතිවරයා වැළැක්වූ බවට පළවන අදහස් ගැන ජනාධිපතිවරයාගෙන් විමසු බව ද ගාමිණි වියන්ගොඩ පැවසීය.

ස්වාමින් වහන්සේ පිරිසක් තමන් හමුවීමට පෙර ගෝඨාභය රාජපක්ෂ අත්අඩංගුවට නොගත යුතු බවට තීරණය කර තිබු බව ජනාධිපතිවරයා මෙහිදී ප්‍රකාශ කළ බව පවසන ගාමිණි වියන්ගොඩ, අගමැතිවරයා රටේ නොමැතිවිට එවැනි අත්අඩංගුවට ගැනීම් සිදු නොවිය යුතු බව ජනාධිපතිවරයා සඳහන් කළ බව කියා සිටියේය.
අගමැතිවරයා පසුගිය සතියේ ඉන්දියාවේ නිල සංචාරයක නියැලී සිටි අතර මේ සතියේ ජනාධිපතිවරයා විදේශගතවීමට නියමිතය.

ගෝඨාභය රාජපක්ෂ පසුගිය සතියේ අත්අඩංගුවට ගැනීමට නියමිතව සිටි බව හිටපු ජනාධිපති මහින්ද රාජපක්ෂ ප්‍රකාශ කර තිබුණි.

රාජපක්ෂ ආණ්ඩුවේ සිදුවූ බව පැවසෙන මහාපරිමාණ වංචා සඳහා ද බැඳුම්කර සිද්ධියට දැමු කොමිසම මෙන් ජනාධිපති කොමිෂන් පත්කිරීමට කටයුතු කරන බව ද ජනාධිපතිවරයා මෙහිදී සිවිල් සංවිධාන නායකයන් හමුවේ පැවසූ බව ගාමිණී වියන්ගොඩ කියා සිටියේය.

සීමා නිර්ණය බල නොපැවැත්වෙන ප්‍රදේශයන්හි මැතිවරණ පැවැත්වේද?

මේ අතර පළාත් පාලන ආයතන 93ක් සඳහා පැවැත්වීමට යන ඡන්ද විමසීම් වෙනුවෙන් ඇප මුදල් බාර ගැනීම අද (නොවැ 27) දිස්ත්‍රික් මැතිවරණ කාර්යාලවලදී ආරම්භ විය.

ශ්‍රී ලංකා පොදු ජනපෙරමුණ කළුතර, ගම්පහ, ගාල්ල දිස්ත්‍රික්කවල ඡන්දය පවත්වන නගරසභා හා ප්‍රාදේශීය සභාවල ඇප මුදල් තැන්පත් කිරීම සිදුකල බව එහි ප්‍රකාශකයකු බීබීසියට කියා සිටියේය.

මේ අතර තවත් දේශපාලන පක්ෂ හා ස්වාධීන අපේක්ෂක කණ්ඩායම් කිහිපයක්ද දිස්ත්‍රික් මැතිවරණ නිළධාරීන් වෙත සිය ඇප මුදල් තැන්පත් කොට තිබෙන බව මාධ්‍ය වාර්තා කර තිබේ.

Comment (0) Hits: 1159

Page 11 of 11